Rakhi 2024: మరో రికార్డ్ సృష్టించనున్న ఇండోర్.. ఖజ్రానా గణేష్ కి భారీ రాఖీ కట్టనున్న ఫ్యామిలీ.. ప్రత్యేకత ఏమిటంటే
దేశం అంతటా రాఖీ పండగ సందడి మొదలైంది. తమ అన్నదమ్ములకు, సోదర సమానులకు రాఖీని కట్టడం కోసం అక్కాచెల్లెళ్లు సిద్దమవుతున్నారు. అయితే హిందువులకు ముఖ్యమైన ఈ పండగను జరుపుకోవడానికి భారతీయులు మాత్రమే కాదు.. నేపాల్, పాకిస్తాన్ వంటి దేశ ప్రజలు కూడా సిద్ధమయ్యారు. మార్కెట్ లో రకరకాల రాఖీలు సందడి చేశాయి. అయితే భారత దేశంలో ఒక అతి పెద్ద రాఖీని ప్రజలు రెడీ చేశారు. ఈ రాఖీని విఘ్నాలకు అధికాధిపతి అయిన గణపతికి కట్టడం కోసం రెడీ అవుతున్నారు.
మధ్యప్రదేశ్‌లోని ఇండోర్ ప్రతి పని వెరీ వెరీ స్పెషల్ అనిపించేలా చేస్తుంది. అది పరిశుభ్రత విషయం అయినా లేదా విమానాశ్రయం అయినా. ఈ ఏడాది రాఖీ పున్నమి రోజున కూడా ఇండోర్ ఇతర రాష్ట్రాలు, జిల్లాల కంటే భిన్నంగా ఉండేలా వార్తల్లో నిలిచేలా చేసింది. ఇండోర్‌కు చెందిన ఒక కుటుంబం చాలా పెద్దదైన ప్రత్యేక రాఖీని సిద్ధం చేసింది. ఈ రాఖీని శ్రీ ఖజ్రానా గణేష్‌కి సమర్పిస్తారు. ఈ ఆలయం దేశంలో ప్రసిద్ధ దేవాలయాలలో ఒకటి. పాల్రేచా కుటుంబానికి చెందిన 20 మంది కలిసి ఈ భారీ రాఖీని తయారు చేశారు. ఈ రాఖీని పూర్తి చేయడానికి 25 రోజులు సమయం పట్టింది. ఈ రాఖీ ఎంత అందంగా ఉందో దీని ప్రాముఖ్యత కూడా అంతే. వాస్తవానికి, ఈ రాఖీ పర్యావరణ పరిరక్షణ, దేశభక్తిని అభివర్ణిస్తుంది.
మహారాష్ట్ర, గుజరాత్‌ల నుంచి తెప్పించిన సామాగ్రితో: రాఖీని ప్రత్యేకంగా అందంగా తీర్చిదిద్దేందుకు వివిధ ప్రాంతాల నుంచి సామగ్రిని తెప్పించారు. ఈ రాఖీని తయారు చేయడానికి మహారాష్ట్ర, గుజరాత్‌ల నుంచి అవసరమైన అనేక సామగ్రిని కొనుగోలు చేశారు. ఈ రాఖీని అలంకరించడానికి హైదరాబాదీ ముత్యాలు, కార్డ్‌బోర్డ్, రష్మీ నక్షత్రాలు, రత్నాలను ఉపయోగించారు. అంతేకాదు నిపుణుల చేతి పని కూడా ఈ రాఖీని అందంగా, ఆకర్షణీయంగా చేసింది.
రికార్డు సృష్టించిన ఇండోర్: ఇండోర్ ఇప్పటివరకు పరిశుభ్రత, పచ్చదనంలో రికార్డులు సృష్టించడం ద్వారా దేశంలోని ఇతర రాష్ట్రాల కంటే ముందజలో ఉంది. ఇప్పుడు ఈ గ్రామ ప్రజలు అతిపెద్ద రాఖీని తయారు చేసి..దానిని వినాయకుడికి అందించడం ద్వారా కొత్త రికార్డ్‌ను సృష్టించే ప్రయత్నం చేస్తున్నామని వెల్లడించారు. శ్రీ ఖజ్రానా గణేష్ ఆలయంలో దేవునికి సమర్పించబడిన అతిపెద్ద రాఖీగా రికార్డు సృష్టించానున్నామని వెల్లడించారు. చాలా ఏళ్లుగా ఈ నగర వాసులు దేవుడికి రాఖీ కడుతున్నారు. ఈ సంప్రదాయం గత కొన్నేళ్లుగా కొనసాగుతోంది.
రాఖీ ప్రత్యేకతలు: ఈ సంవత్సరం తయారు చేసిన భారీ రాఖీ పర్యావరణ పరిరక్షణ, దేశభక్తిని చూపుతుంది. ఇదివరకటి కంటే భిన్నంగా ప్రత్యేకంగా సిద్ధమైంది. ఈ భారీ రాఖీని తయారు చేసేందుకు పాల్రేచ కుటుంబం 25 రోజులు పట్టింది.
ప్రతి సంవత్సరం రాఖీ కడుతున్న పాల్రేచా కుటుంబం: ఈ ఏడాది కూడా ప్రతి సంవత్సరం లాగానే 40 80 అంగుళాల భారీ రాఖీని సిద్ధం చేసింది. 51 లక్షల మొక్కలు నాటే కార్యక్రమం, ప్రధాని నరేంద్రమోడీ నిర్వహిస్తున్న త్రివర్ణ పతాక ప్రచారాన్ని ప్రోత్సహించే లక్ష్యంతో ఈసారి భారీ రాఖీని తయారు చేసినట్లు వెల్లడించారు. ఈ రాఖీ దేశభక్తిని ప్రోత్సహిస్తుందని వెల్లడించారు.
పట్టు దారం, రత్నాలతో అలంకరించబడిన రాఖీ: ఈ రాఖీని పట్టు దారం, అలంకార రత్నాలతో అందంగా అలంకరించారు. ఈ అలంకరణ రాఖీని మరింత ఆకర్షణీయంగా చేస్తుంది. రాఖీలో హైదరాబాదీ ముత్యాలు ఉపయోగించారు. అంతేకాదు కొన్ని పదార్థాలు మహారాష్ట్ర, గుజరాత్ నుండి సేకరించారు. ఈ రాఖీని ఆగస్టు 19న అంటే ఈ రోజు శ్రీ ఖజ్రానా గణేష్ ఆలయంలో గణేశుడికి సమర్పించానున్నారు. ఈ 40 బై 60 అంగుళాల రాఖీలో లక్షకు పైగా పూసలు, వివిధ రాళ్లను ఉపయోగించారు. ఇందులో కైలాస పర్వతం, గోముఖ గంగ అద్భుత రంగులతో పాటు పారిజాతం, అశోకం, ఖర్జూరం, కొబ్బరి చెట్ల ఆకృతులను చెక్కారు. అంతేకాకుండా హైదరాబాదీ ముత్యాలు, అమెరికన్ వజ్రాలు, నక్షత్రాలు కల్ప వృక్షం, నృత్యం చేసే జాతీయ పక్షి నెమలి సృష్టిలో మనోహరమైన రూపాన్ని ఇచ్చాయి.
త్రివర్ణ రంగులతో తయారు చేయబడిన భారతదేశ పటం: రాఖీలో త్రివర్ణ పతాకం రూపంలో భారతదేశ పటం చూపబడింది. భారతదేశ పటాన్ని త్రివర్ణ పతాకాలతో ప్రత్యేకంగా అలంకరించారు. రాఖీ ద్వారా ప్రకృతి పట్ల ప్రేమ, దేశభక్తిని తెలియజేయనున్నారు. ఇది చాలా అందంగా, ఆకర్షణీయంగా ఉంది. ఈ అందమైన రాఖీని చూసేందుకు వ్యాపారి దుకాణం వద్ద పెద్ద ఎత్తున జనం గుమిగూడుతున్నారు. ప్రజలు ఈ భారీ రాఖీని చూసి పాల్రేచా కుటుంబ సభ్యులను ప్రశంసిస్తున్నారు.