Health tips: కాలు మీద కాలేసుకుని కూర్చుంటున్నారా..? అయితే, మీరు ప్రమాదంలో పడ్డట్లే.!
బాడీ లాంగ్వేజ్, స్టైలింగ్ విషయానికి వస్తే కాలు మీద కాలు వేసుకుని కూర్చోవడం విశ్వాసానికి చిహ్నంగా భావిస్తారు. ఈ విధంగా కూర్చోవడంలో చాలా సుఖంగా భావిస్తారు. మనలో చాలా మందికి కాలు మీద కాలు వేసుకుని కూర్చునే అలవాటు ఉంటుంది. కొందరు కూర్చీలో కూర్చుండి కాలుమీద కాలు వేసుకుంటారు. కానీ ఈ అలవాటు మన శరీరానికి చాలా హాని కలిగిస్తుందని మీకు తెలుసా..? అయితే ఈ పొజిషన్ లో ఎక్కువసేపు కూర్చుంటే ఆరోగ్యంపై ప్రభావం పడుతుందని ఆరోగ్య నిపుణులు అంటున్నారు. ఎక్కువ సేపు కాలు మీద కాలు వేసుకుని కూర్చోవడం వల్ల రక్తపోటు, వెరికోస్ వెయిన్స్ వంటి సమస్యలు వస్తాయని ఆరోగ్య నిపుణులు అంటున్నారు.
అవును, కాలు మీద కాలు వేసుకుని కూర్చునే అలవాటు మీ ఆరోగ్యాన్ని అనేక విధాలుగా ప్రభావితం చేస్తుంది. ఇది ఆరోగ్యానికి ప్రమాదకరం. ఈ విధంగా కూర్చోవడంపై నిర్వహించిన అనేక పరిశోధనల ఫలితాలు ఇది హానికరమని నిరూపించాయి. కాలుమీద కాలు వేసుకుని కూర్చోవడం వల్ల పెల్విక్ ప్రాంతంలో ఎముకల అమరికలో సమస్యను పెంచుతుంది. కాళ్లకు రక్తప్రసరణ తగ్గిపోతుంది. వెన్నుముక అమరిక దెబ్బతిని లోయర్ బ్యాక్ పెయిన్ కూడా వచ్చే ప్రమాదం ఉంది. కాలు మీద కాలు ఎక్కువసేపు వేసుకుని కూర్చుంటే ఆరోగ్యం ఎలాంటి ప్రభావం చూపుతుందో తెలుసుకుందాం.
అధిక రక్తపోటు : బిపి చెక్ చేస్తున్నప్పుడు, డాక్టర్ రెండు పాదాలను నేలపై ఉంచమని చెబుతాడు. ఇది ఎందుకు అని మీరు ఎప్పుడైనా ఆలోచించారా. వాస్తవానికి, రెండు పాదాలను నేలపై ఉంచడం వల్ల రక్త ప్రసరణ మెరుగుపడుతుంది. అయితే కాలు మీద కాలు వేసుకుని కూర్చుకుంటే రక్తపోటు తాత్కాలికంగా మెరుగుపడుతుందని పరిశోధనల్లో తేలింది. ఓ అధ్యయనం ప్రకారం..కూర్చునేటప్పుడు మోకాలిస్థాయి కంటే ఎక్కువ ఎత్తు కాలు ఉంటే రక్తపోటు పెరుగుతుంది. జర్నల్ ఆఫ్ హైపర్ టెన్షన్ అధ్యయనం ప్రకారం..మోకాళ్లపై చీలమండలను ఉంచితే రక్తపోటు కొద్దిగా పెరుగుతుంది.
తొడల్లో బరువు పెరుగుతుంది: కాలు మీద కాలు వేసుకుని కూర్చోవడం వల్ల రక్త ప్రసరణ వ్యవస్థపై తీవ్ర ప్రభావం చూపుతుంది. తొడల భాగంలో బరువు పెరుగుతుంది. కాళ్లు ఉబ్బడం వంటి సమస్యలకు దారి తీస్తుంది. కొన్ని సందర్బాల్లో శరీరంలో రక్తప్రసరణ సరిగ్గా జరగక..నడవలేని పరిస్థితికి దారితీస్తుంది. ఎక్కువ సమయం కాలుమీద కాలు వేసుకుని కూర్చుంటే వెన్నునొప్పి, మోకాలి నొప్పి, పాదాలలో తిమ్మిరి వంటి సమస్యలు వస్తాయి.
సిరలు దెబ్బతినడం: సిరల ద్వారా రక్త ప్రవాహం సులభంగా గుండెకు చేరుకున్నప్పుడు లేదా పంపింగ్ జరుగుతున్న రక్తప్రసరణలో సమస్య ఏర్పడితే రక్తం తిరిగి సిరల్లో ప్రవహిస్తుంది. ఇది సిరల ఆరోగ్యాన్ని దెబ్బతీస్తుంది. వీటిలో రక్తం గడ్డకట్టి శరీరంలోని అనేక భాగాలపై సిరలు ఉబ్బినట్లు కనిపిస్తాయి. కాలుమీద కాలు వేసుకుని కూర్చోవడం వల్ల వెరికోస్ వెయిన్స్ సమస్య వస్తుంది.
గర్భిణులకు మంచిదికాదు: గర్బిణీలు కాలుమీద కాలు వేసుకుని కూర్చోవడం వారికి ఆరోగ్యానికి మంచిది కాదు. ఈ పొజిషన్ అనేక సమస్యలకు కారణం అవుతుంది. గర్భదారణ సమయంలో మహిళల శరీరాలు వేగంగా మార్పుతుంటాయి. కండరాల తిమ్మిరి వెన్ను నొప్పి వంటి సమస్యలు వస్తుంటాయి. గర్బిణీలు కాలుమీద కాలు వేసుకుంటే తల్లితోపాటు బిడ్డకు హాని కలుగుతుంది. కాళ్ల నొప్పులు, కీళ్ల నొప్పుల సమస్యలకు దారి తీస్తుంది.