అరటి ఆకు భోజనం ఎందుకు మంచిదో తెలుసా? సైన్స్ రహస్యం ఇదే..
అరటి ఆకు భోజనం తెలుగు వారికి కొత్తేమీ కాదు. మన దేశంలో ముఖ్యంగా దక్షిణాదిలో అనేక ప్రాంతాలలో ఈ ఆచారం చాలా కాలంగా కొనసాగుతోంది. ముఖ్యంగా దక్షిణ, ఆగ్నేయాసియాలో అరటి ఆకులను ఆహారాన్ని భుజించడానికి విస్తృతంగా ఉపయోగిస్తారు. అరటి ఆకులు సాంప్రదాయకంగానే కాకుండా ఆరోగ్యానికి కూడా చాలా ప్రయోజనకరంగా భావిస్తారు..
అరటి ఆకులు పెద్దగా, వెడల్పుగా ఉంటాయి. వేడి ఆహారాన్ని వాటిపై వడ్డించినప్పుడు అవి తేలికపాటి, సహజమైన వాసనను వెదజల్లుతాయి. ఇది ఆహారాన్ని మరింత సువాసనగా, రుచికరంగా చేస్తుంది. ఈ వాసన తినే వారికి ఆనందాన్ని పెంచడమే కాకుండా జీర్ణక్రియకు కూడా సహాయపడుతుంది. అరటి ఆకులలో పాలీఫెనాల్స్ అనే సహజ యాంటీఆక్సిడెంట్లు ఉంటాయి. ఇవి గ్రీన్ టీ, కొన్ని పండ్లలో కూడా కనిపిస్తాయి. వేడి ఆహారాన్ని ఆకులపై ఉంచినప్పుడు ఈ పోషకాలు ఆహారంలో కరిగిపోతాయి. వీటిల్లోని యాంటీఆక్సిడెంట్లు శరీరంలోని ఫ్రీ రాడికల్స్తో పోరాడటానికి సహాయపడతాయి. ఇది క్యాన్సర్, గుండె జబ్బులు, మధుమేహం వంటి తీవ్రమైన వ్యాధుల ప్రమాదాన్ని తగ్గిస్తుంది.
నేటి బిజీగా జీవనశైలిలో చాలా మందికి ఆహారంపై తగిన శ్రద్ధ ఉండటం లేదు. దీంతో రోజులో మూడు పూటలు అన్నం తింటున్నారు. అందుకు మరో కారణం కూడా ఉంది. అన్నం త్వరగా తయారవుతుంది. జీర్ణం కావడం సులభం. పైగా చాలా మందికి అన్నం తినకపోతే కడుపు నిండినట్లు అనిపించదు. అయితే రాత్రిపూట అన్నం తినడం అనారోగ్యకరమైన అలవాటని ఆరోగ్య నిపుణులు హెచ్చరిస్తున్నారు.
ప్లాస్టిక్ లేదా సింథటిక్ ప్లేట్లతో పోలిస్తే అరటి ఆకులు పూర్తిగా సహజమైనవి, రసాయన రహితమైనవి. వాటిలో సాధారణంగా ప్లాస్టిక్లలో కనిపించే BPA లేదా థాలేట్ల వంటి హానికరమైన రసాయనాలు ఉండవు. అందువల్ల ఆహారంలో విషపూరిత రసాయనాలు కలిపే ప్రమాదం లేదు.
అరటి ఆకులలో ఉండే యాంటీఆక్సిడెంట్లు, పాలీఫెనాల్స్ రోగనిరోధక శక్తిని బలోపేతం చేయడానికి సహాయపడతాయి. అలాగే దాని యాంటీ బాక్టీరియల్ లక్షణాలు శరీరంలోకి హానికరమైన బ్యాక్టీరియా ప్రవేశించకుండా నిరోధిస్తాయి. తద్వారా ఇన్ఫెక్షన్ ప్రమాదాన్ని తగ్గిస్తాయి. శరీర రక్షణను పెంచుతాయి.
అరటి ఆకులు ఆరోగ్యానికి మాత్రమే కాకుండా పర్యావరణానికి కూడా చాలా మేలు చేస్తాయి. అవి పూర్తిగా జీవఅధోకరణం చెందుతాయి. పర్యావరణానికి వ్యర్థాలను మిగిలించవు. అలాగే అరటి ఆకులపై వడ్డించిన వేడి ఆహారం సహజ వాసన తినే అనుభవాన్ని మరింత ఆహ్లాదకరంగా మారుస్తుంది. జీర్ణక్రియను కూడా మెరుగుపరుస్తుంది.