Potato Side Effects: ఆలూతో పరేషాన్.. ఎంత ఇష్టమైనా దూరంగా ఉండాల్సిందే!
పిల్లలు, పెద్దలు ఇష్టపడే ఆహారాల్లో మొదట చెప్పుకునేది ఆలూ ఫ్రైనే. పప్పు, చారు, సాంబారుకు కాంబినేషన్గా బంగాళాదుంపల్ని ఫస్ట్ ఛాయిస్గా ఎంచుకుంటారు. ఉడికించిన కూరగాయల నుంచి వేయించిన ఫ్రైలు, మాంసం, గుడ్డు ఇలా ఏ వంటకం అయినా బంగాళాదుంపలు కాంబినేషన్ తప్పకుండా ఉంటుంది..
పిల్లలు, పెద్దలు ఇష్టపడే ఆహారాల్లో మొదట చెప్పుకునేది ఆలూ ఫ్రైనే. పప్పు, చారు, సాంబారుకు కాంబినేషన్గా బంగాళాదుంపల్ని ఫస్ట్ ఛాయిస్గా ఎంచుకుంటారు. ఉడికించిన కూరగాయల నుంచి వేయించిన ఫ్రైలు, మాంసం, గుడ్డు ఇలా ఏ వంటకం అయినా బంగాళాదుంపలు కాంబినేషన్ తప్పకుండా ఉంటుంది.
అయితే బంగాళదుంపల్లో విటమిన్లు, ఖనిజాలు వంటి బహుళ పోషకాలను ఉన్నప్పటికీ, వీటిల్లో అధిక స్థాయిలో గ్లూకోజ్, కార్బోహైడ్రేట్లు ఉంటాయి. ఇవి అందరి ఆరోగ్యానికి మేలు చేయవు. ముఖ్యంగా కొన్ని ఆరోగ్య సమస్యలు ఉన్నవారు బంగాళదుంపలు అస్సుల తినకూడదు.
బంగాళదుంపల్లో చాలా ఎక్కువ స్థాయిలో గ్లైసెమిక్ ఇండెక్స్ ఉంటుంది. వీటిల్లో ఉండే కార్బోహైడ్రేట్లు రక్తంలో చక్కెర స్థాయిలను వేగంగా పెంచుతాయి. కాబట్టి మధుమేహ రోగులు బంగాళదుంపలు అస్సలు తినకూడదు.
బదులుగా ప్రోటీన్ అధికంగా ఉండే వాటిల్లో సోయాబీన్స్ ఒకటి. అమెరికన్ ఇన్స్టిట్యూట్ ఆఫ్ క్యాన్సర్ రీసెర్చ్ ప్రకారం.. సోయాబీన్స్ శరీరంలో కొలెస్ట్రాల్ స్థాయిలను తగ్గించడంలో సహాయపడుతుంది. ఇది డయాబెటిక్ రోగులకు కూడా ప్రయోజనకరంగా ఉంటుంది.
బంగాళదుంపలు ఎక్కువగా తినడం వల్ల బరువు పెరగడంతో పాటు చేతులు, కాళ్లలో వాపు వస్తుంది. మీకూ ఈ సమస్య ఉంటే బంగాళదుంపలను తినకపోవడమే మంచిది. అలాగే బంగాళదుంపలు తిన్న తర్వాత చాలా మంది ఎసిడిటీ సమస్యలతో బాధపడుతుంటారు. మీరూ ఎసిడిటీ సమస్యతో బాధపడుతుంటే బంగాళదుంపల వంటలకు దూరంగా ఉండటం మంచిది. ముఖ్యంగా బంగాళాదుంప కూరలకు తక్కువ మసాలాలు వేయాలి. చిప్స్, ఆలూ-పరోటా వంటి వేయించిన ఆహారాలకు కూడా దూరంగా ఉండాలి.