Lychee: ఇది పండు కాదు ఆరోగ్య సిరి.. ప్రయోజనాలు తెలిస్తే అసలు వదిలిపెట్టరు!
వేసవి కాలంలో చాలా చోట్ల లభించే లిచీ గురించి మీరు చాలానే విని ఉంటారు. మీరు కూడా దానిని తినే ఉంటారు. లోపలి భాగం తెల్లటి, జ్యుసి మాంసంతో ఒకే ఒక పెద్ద, గోధుమ రంగులో ఉన్న విత్తనంతో ఉంటుంది ఈ పండు. లిచీ పండ్లకు తీపి, పుల్లని రుచి, మంచి సువాసన ఉంటుంది. వీటిని తాజాగా తినవచ్చు. లేదంటే ఎండబెట్టుకుని కూడా తింటారు. జ్యూస్లు, జామ్లు, ఇతర ఆహార పదార్థాలలో కూడా లిచీని ఉపయోగిస్తుంటారు. అయితే, లిచీ పండ్ల ప్రయోజనాలు తెలిస్తే మాత్రం అస్సలు వదిలిపెట్టరని నిపుణులు చెబుతున్నారు. అవేంటో ఇక్కడ తెలుసుకుందాం...
లిచీ తినడం వల్ల చర్మం మెరుపు సంతరించుకుంటుంది. ఇది చర్మానికి కూడా మేలు చేసే ముఖ్యమైన పోషకాలను కలిగి ఉంటుంది. అయితే దీనిని సరైన సమయంలో తీసుకుంటేనే ఇది ప్రయోజనకరంగా ఉంటుంది. లేకపోతే అది ఆరోగ్యంపై చెడు ప్రభావం చూపే అవకాశం ఉందని నిపుణులు అంటున్నారు.
లీచీలు తీపిగా, జ్యూసీగా, ఎరుపు రంగులో భలే రుచికరంగా ఉంటాయి. అందుకే కొంతమంది ఒకేసారి ఎక్కువ లీచీలను తింటారు. కానీ ఆ తర్వాత మలబద్ధకం, ఆమ్లత్వం, అజీర్ణం వంటి కడుపు సంబంధిత సమస్యలకు దారితీస్తుంది. జీర్ణవ్యవస్థ బలహీనపడుతుంది. అందువల్ల రోజుకు 10-15 లిచీల కంటే ఎక్కువ తినకూడదు.
లిచీ పండుతో రోగనిరోధక శక్తిని బలపడుతుంది. లిచీలో యాంటీ-ఆక్సిడెంట్లు పుష్కలంగా ఉంటాయి. ఇవి గుండెకు మంచివి. గుండెను ఆరోగ్యంగా ఉంచుతాయి. లిచీ తినడం ద్వారా గుండెను ఆరోగ్యంగా ఉంచుకోవచ్చు. లిచీ పండ్లు ఫైబర్ మంచి మూలం. ఇది మిమ్మల్ని ఎక్కువ సేపు కడుపు నిండినట్లు అనిపించేలా చేస్తుంది. అతిగా తినడాన్ని నివారించడంలో సహాయపడుతుంది.
లిచీ పండ్లు విటమిన్ సి, పొటాషియం, ఫైబర్కు మంచి మూలం. లిచీలోని యాంటీఆక్సిడెంట్లు శరీరాన్ని ఫ్రీ రాడికల్స్ వల్ల కలిగే నష్టం నుండి రక్షిస్తాయి. లిచీ పండ్లు పొటాషియం మంచి మూలం. ఇది రక్తపోటును నియంత్రించడంలో సహాయపడుతుంది. చెడు కొలెస్ట్రాల్ (LDL) స్థాయిలను తగ్గించడంలో సహాయపడుతుంది.
అలాగే కొంతమంది ఒకేసారి ఎక్కువ లీచీలను తినేస్తుంటారు. కానీ ఇలా అతిగా తినడం వల్ల మలబద్ధకం, ఆమ్లత్వం, అజీర్ణం, కడుపు సమస్యలకు దారితీస్తుంది. జీర్ణవ్యవస్థ బలహీనపడుతుంది. అందువల్ల రోజుకు 10-15 లిచీల కంటే ఎక్కువ తినకూడదు.