Dark Chocolate Benefits: డార్క్ చాక్లెట్ తింటున్నారా.. అయితే, ఈ రహస్యాలు మీరు తెలుసుకోవాల్సిందే..
డార్క్ చాక్లెట్ తింటే చాలా ప్రయోజనాలు కలుగుతాయంటున్నారు ఆరోగ్య నిపుణులు. డార్క్ చాక్లెట్ తయారీలో వాడే కోకో పౌడర్లో యాంటీ ఆక్సిడెంట్స్ ఎక్కువగా ఉంటాయి. దీంతో రోగనిరోధక వ్యవస్థ బలపడి ఇన్ఫెక్షన్లు ధరిచేర కుండా ఉంటుంది. డార్క్ చాక్లెట్‌లో ఉండే ఫైబర్, యాంటీ ఆక్సిడెంట్లు, ఐరన్, మెగ్నీషియం, రాగి, మాంగనీస్, పొటాషియం, భాస్వరం, జింక్, సెలీనియం వంటి పోషకాలు ఉంటాయి. డార్క్ చాక్లెట్ తినడం వల్ల అద్భుతమైన ప్రయోజనాలున్నాయి. అవేంటో తెలుసుకుందాం.
డార్క్ చాక్లెట్‌లో అధిక స్థాయిలో ఫ్లేవనాయిడ్లు, సెరోటోనిన్, ఎండార్ఫిన్‌ల వంటి సహజ సమ్మేళనాలు ఉంటాయి. ఈ సమ్మేళనాలు ఆందోళనను తగ్గించడానికి, మానసిక స్థితిని మెరుగుపరచడంలో ఉపయోగపడతాయి.
అధిక యాంటీఆక్సిడెంట్లతో నిండిన డార్క్ చాక్లెట్ ఫ్రీ రాడికల్స్ అని పిలిచే హానికరమైన అణువుల వల్ల కలిగే నష్టం నుండి మన కణాలను రక్షిస్తుంది. చాక్లెట్ తినడం దీర్ఘకాలిక వ్యాధుల ప్రమాదాన్ని తగ్గిస్తుంది. చాక్లెట్‌లో ఐరన్, కాపర్, మెగ్నీషియం వంటి ఖనిజాలు ఉంటాయి.
ఐరన్ ఆరోగ్యకరమైన ఎర్ర రక్త కణాలకు అవసరం, రాగి, ఇనుము శోషణకు దోహదం చేస్తుంది. మెగ్నీషియం శరీర పనితీరును మెరుగుపరుస్తుంది. ఒత్తిడి డార్క్ చాక్లెట్ ఒత్తిడి తగ్గిస్తుందని నిపుణులు వివరిస్తున్నారు. డార్క్ చాక్లెట్ మీ చర్మ ఆరోగ్యాన్ని కూడా మెరుగుపరుస్తుంది.
చాక్లెట్‌లోని ఫ్లేవనాయిడ్లు రక్త ప్రసరణను మెరుగుపరుస్తాయి. శరీరంలో గుండె జబ్బుల ప్రమాదాన్ని తగ్గిస్తాయి. అయితే చాక్లెట్‌లో క్యాలరీలు ఎక్కువగా ఉండడంతో పాటు షుగర్ కంటెంట్ కూడా ఎక్కువగా ఉండడంతో వాటిని మితంగా తినడం మంచిది.
చాక్లెట్‌లోని ఫ్లేవనాల్స్ మెరుగైన అభిజ్ఞా పనితీరుకు కారణమవుతాయి. చాక్లెట్ జ్ఞాపకశక్తి, దృష్టి, సమస్య పరిష్కార నైపుణ్యాలను మెరుగుపరుస్తుంది. అదనంగా, చాక్లెట్‌లోని కెఫిన్, బ్రోమిన్ దృష్టిని, చురుకుదనాన్ని మెరుగుపరుస్తాయి.