Kiwi Benefits: ఈ వ్యాధులున్నవారు కివీ పండ్లు అస్సలు తినకూడదు.. ఎందుకంటే!
కివీ పండ్లు ఆరోగ్యానికి ఎంతగానో మేలు చేస్తాయి. ఇందులో అనేక పోషకాలు, విటమిన్లు పుష్కలంగా ఉన్నాయి..
కివీ పండ్లు ఆరోగ్యానికి ఎంతగానో మేలు చేస్తాయి. ఇందులో అనేక పోషకాలు, విటమిన్లు పుష్కలంగా ఉన్నాయి. అంతేకాకుండా ఈ పండులో ఉండే రెండు రకాల ఫైబర్లు, పొటాషియం, కాల్షియం, మెగ్నీషియం వంటి పోషకాలు పలు రోగాలను తగ్గించడంలో సహాయపడతాయి. రోజుకో కివీ పండు తిన్నట్లయితే.. ఆరోగ్య సమస్యలకు చెక్ పెట్టొచ్చునని వైద్యులు సూచిస్తున్నారు.
ఫ్లూ: కివీలో విటమిన్ సి పుష్కలంగా ఉంటుంది. ఇది రోగనిరోధక శక్తిని పెంచడమే కాదు.. రోగనిరోధక వ్యవస్థను సైతం బలపరుస్తుంది. తద్వారా ఫ్లూను తగ్గించడంలో సహాయపడుతుంది.
గుండె ఆరోగ్యాన్ని మెరుగుపరుస్తుంది: కివీలో విటమిన్ సి, పాలీఫెనాల్స్, పొటాషియం వంటి పోషకాలు ఉన్నాయి. ఇవి గుండెను ఆరోగ్యంగా ఉంచడానికి పని చేస్తాయి. గుండె సంబంధిత సమస్యల నుంచి రక్షిస్తాయి. అందుకే గుండె ఎలప్పుడూ ఆరోగ్యంగా ఉండాలంటే.. రోజుకో కివీ తినాల్సిందేనని డాక్టర్లు అంటున్నారు.
యాంటీఆక్సిడెంట్లు- కివీలో యాంటీఆక్సిడెంట్ లక్షణాలు పుష్కలంగా ఉన్నాయి. అవి ఫ్రీ రాడికల్స్ దెబ్బతినకుండా మిమ్మల్ని రక్షిస్తాయి. అనారోగ్యకరమైన ఆహారపదార్థాల వినియోగం వల్ల కలిగే నష్టాల నుంచి ఇవి మిమ్మల్ని రక్షిస్తాయి.
చర్మాన్ని ఆరోగ్యంగా ఉంచుతుంది- కివీలో విటమిన్ సి ఉంటుంది. ఇది చర్మంలో కొల్లాజెన్ ఏర్పడటానికి సహాయపడుతుంది. తద్వారా చర్మాన్ని ఆరోగ్యకరంగా ఉంచుకోవచ్చు.
వీరు అస్సలు తినకూడదు: కిడ్నీ సమస్యలు, స్కిన్ అలెర్జీ, గ్యాస్ట్రిక్, జీర్ణ సంబంధిత సమస్యలున్న వారు కివీ పండ్లకు దూరంగా ఉండాలి.
గర్బిణీ స్త్రీలు రోజుకు రెండు లేదా మూడు కివీ పండ్లు తీసుకోవడం మంచిది. ఆ మోతాదు మించకూడదు. కివీని ఎక్కువగా తీసుకుంటే అసిడిటీ, చర్మంపై దద్దుర్లు, గొంతు నొప్పి వచ్చే అవకాశం ఉంది.