Narthan: టాలీవుడ్ బాటలో కన్నడ దర్శకులు.. ఆ స్టార్ హీరోతో నార్తన్ సినిమా..
సాండల్ వుడ్‌లో సూపర్ హిట్ అందుకున్న దర్శకులు టాలీవుడ్ మీద ఫోకస్ చేస్తున్నారు. అక్కడ పాన్ ఇండియా సినిమా చేసినా... రీజినల్ మూవీనే చేసినా... ఫైనల్‌గా టాలీవుడ్‌లో ఛాన్స్ కోసం ట్రై చేస్తున్నారు. అలా టాలీవుడ్ బాట పడుతున్న కన్నడ దర్శకుల నెంబర్ ఈ మధ్య కాలంలో కాస్త ఎక్కువగానే కనిపిస్తోంది.
సాండల్ వుడ్‌లో సూపర్ హిట్ అందుకున్న దర్శకులు టాలీవుడ్ మీద ఫోకస్ చేస్తున్నారు. అక్కడ పాన్ ఇండియా సినిమా చేసినా... రీజినల్ మూవీనే చేసినా... ఫైనల్‌గా టాలీవుడ్‌లో ఛాన్స్ కోసం ట్రై చేస్తున్నారు. అలా టాలీవుడ్ బాట పడుతున్న కన్నడ దర్శకుల నెంబర్ ఈ మధ్య కాలంలో కాస్త ఎక్కువగానే కనిపిస్తోంది.
మఫ్టి సినిమాతో సాండల్‌వుడ్‌లో సెన్సేషన్ క్రియేట్ చేసిన దర్శకుడు నార్తన్. తొలి సినిమాతో బిగ్ హిట్ అందుకున్న ఈ యంగ్ డైరెక్టర్‌, తరువాత కన్నడనాట హాట్‌ ఫేవరెట్‌గా మారిపోయారు. కేజీఎఫ్ 2 తరువాత యష్‌ హీరోగా నార్తన్ సినిమా ఉంటుందన్న ప్రచారం గట్టిగా జరిగింది. కానీ ఆ ప్రాజెక్ట్ వాయిదా పడింది.
లాంగ్ బ్రేక్ తరువాత రీసెంట్‌గా భైరతి రణగల్ సినిమాతో ఆడియన్స్ ముందుకు వచ్చిన నార్తన్ మరో బిగ్ హిట్‌ను తన ఖాతాలో వేసుకున్నారు. దీంతో మరోసారి నార్తన్ నెక్ట్స్ మూవీ ఏ హీరోతో అన్న డిస్కషన్ మొదలైంది. ఈ లిస్ట్‌లో టాలీవుడ్ టాప్‌ హీరో పేరు గట్టిగా వినిపిస్తోంది.
గేమ్ చేంజర్‌, ఆర్సీ 16 సినిమాలతో బిజీగా ఉన్న రామ్ చరణ్, నెక్ట్స్ నార్తన్‌తో సినిమా చేసే ఛాన్స్ ఉందన్న టాక్ వినిపిస్తోంది. ఈ విషయాన్ని నార్తన్ కూడా కన్ఫార్మ్ చేశారు. భైరతి రణగల్ ప్రమోషన్స్‌లో తన నెక్ట్స్ సినిమా గురించి మాట్లాడారు నార్తన్.
ఆల్రెడీ కేవీఎన్‌ ప్రొడక్షన్స్‌లో ప్రాజెక్ట్ ఓకే అయ్యిందన్న నార్తన్, ఆ సినిమాలో హీరోగా రామ్ చరణ్ కోసం ట్రై చేస్తున్నామన్నారు. ఒకవేళ చరణ్ డేట్స్ కుదరకపోతే, సూర్యతో ఆ ప్రాజెక్ట్‌ను పట్టాలెక్కిస్తామన్నారు. మరి ఈ ఇద్దరిలో ఎవరు ఫైనల్ అవుతారో చూడాలి.