Goa Liquor: గోవా నుంచి ఏపీ, తెలంగాణకు వచ్చేప్పుడు ఎంత మద్యం తీసుకురావొచ్చు..?
గోవాలో మద్యం చాలా చౌకగా దొరుకుందన్న విషయం తెలిసిందే. అయితే అక్కడికి వెళ్లి వచ్చేటప్పుడు మీరు ఎంత మద్యం తీసుకురావొచ్చనే విషయం మీకు ఇప్పుడు చెప్పబోతున్నాం. ఇక్కడ మీరు వచ్చే రాష్ట్రం తాలూకా నిబంధనలు కూడా తెలుసుకోవాలి. (మద్యపానం ఆరోగ్యానికి హానికరం)
ఆంధ్రప్రదేశ్లో అయితే ఈ గోవా లిక్కర్ను అస్సలు అనుమతించరు. వేరే రాష్ట్రం నుంచి ఒక్క లిక్కర్ బాటిల్ను కూడా తెచ్చే వీలు లేకుండా ఆ రాష్ట్ర ప్రభుత్వం గతంలో ఉత్తర్వులు జారీ చేసింది.
అనుమతి ఉన్న రాష్ట్రాలకు అయితే.. రోడ్డు మార్గంలో అయితే గోవా రూల్స్ ప్రకారం 2 ఫుల్ బాటిల్స్ తెచ్చుకునేందుకు అవకాశం ఉంటుంది. అయితే అథారిటీ కలిగిన డీలర్ లేదా ఎక్సైజ్ కమిషనర్ కార్యాలయం నుంచి 20 రూపాయలు( ఒక్కో బాటిల్కు 10) చెల్లించి తీసుకున్న పర్మిట్ స్లిప్ అవసరం ఉంటుంది.
గోవా నుండి మహారాష్ట్రకు, కర్ణాటకకు రోడ్డు మార్గం ద్వారా ఒక్క లిక్కర్ బాటిల్ను కూడా తీసుకెళ్లడానికి వీలులేదు. ఈ 2 రాష్ట్రాలు గోవాకు బోర్డర్ల ఉన్నందున అక్రమ మద్యం రవాణాను నిలువరించేందుకు ఆయా స్టేట్ గవర్నమెంట్స్ ఈ నిర్ణయాలు తీసుకున్నాయి. ఏపీ, తెలంగాణ నుంచి గోవా రోడ్డు మార్గంలో వెళ్లి వచ్చేవారు ఈ స్టేట్స్ నుంచే ప్రయాణించాలి కాబట్టి.. మీరు లిక్కర్ తెచ్చేందుకు అస్సలు వీలు కుదరదు.
గోవా నుంచి హైదరాబాద్కు విమానంలో అయితే ఒక్కో వ్యక్తి 5 లీటర్ల లిక్కర్ను చెక్ఇన్ బ్యాగేజ్లో తీసుకెళ్లేందుకు పర్మిషన్ ఇస్తారు. కానీ హ్యాండ్ బ్యాగేజ్లో మాత్రం అస్సలు అనుమతి ఉండదు.
కేంద్ర పాలిత ప్రాంతం డామన్ డయ్యూతో పాటు పంజాబ్, మధ్యప్రదేశ్, అస్సాం, రాజస్థాన్, ఒడిశా, జమ్మూ & కాశ్మీర్, మణిపూర్,హిమాచల్ రాష్ట్రాలకు రోడ్డు మార్గం ద్వారా పర్మిట్ తీసుకుని మీరు 2 బాటిల్స్ తీసుకెళ్లవచ్చు.