చేపలు తింటే గుండెపోటు రాదా.. కొత్త అధ్యయనంలో బయట పడ్డ నిజాలు
నాన్ వెజ్ అనగానే మనకీ ముందు గుర్తొచ్చేది చికెన్, మటన్, చేపలు. వీటిలో ఎక్కువగా చికెన్, మటన్ ను ప్రతి ఆదివారం తింటూనే ఉంటారు. ఇక చేపలను పక్కన పెట్టేస్తారు. కానీ, అన్నింటి కన్నా తినాల్సిన ఫుడ్ ఏదయినా ఉందంటే అది చేప.
చేప అందరికీ ఇష్టమైన ఫేవరేట్ డిష్ కాకపోవచ్చు, కానీ అవి ఖచ్చితంగా తీసుకోవాల్సిన బెస్ట్ ఫుడ్. ఇప్పటివరకు మీ ఫుడ్ లో ఫిష్ లేకపోతే ఇక నుంచైనా అలవాటు చేసుకోండి. వాటిని కొత్తగా ట్రై చేసి, మీ ఆహారంలో చేర్చడానికి ప్రయత్నించండి. ఇది తింటే కలిగే లాభాలు గురించి తెలిస్తే దీనిని పక్కన పెట్టరు. అవేంటో ఇక్కడ తెలుసుకుందాం..
గుండె జబ్బుల ప్రమాదాన్ని తగ్గిస్తుంది: చేపలను ఎక్కువగా తీసుకోవడం వలన అధిక రక్తపోటు సమస్యకు చెక్ పెట్టొచ్చు. అంతే కాదు హార్ట్ ఎటాక్ వంటి ప్రాణాంతక సమస్యను కూడా పలు అధ్యయనాలు చెబుతున్నాయి.
మెదడు పని తీరును మెరుగుపరుస్తుంది: చేపలో మన మెదడు పని తీరుకు కావాల్సిన విటమిన్లు, ఖనిజాలు, ఒమేగా-3 కొవ్వు ఆమ్లాలు వంటివి దొరుకుతాయి. అంతే కాదు వీటిని మీ ఫుడ్ డైట్ లో చేర్చుకోవడం వలన అల్జీమర్స్ వ్యాధులను కూడా రాకుండా చేస్తుంది.
శిశువు మెదడు వృద్ధి చెందేలా చేస్తుంది: గర్భధారణ సమయంలో తల్లిపాలు ఇస్తున్నప్పుడు వాళ్ళు వారంలో 3 సార్లు చేపలు తినాలని వైద్యులు చెబుతున్నారు. ఇలా చేయడం వలన పిల్లల మెదడు కూడా వృద్ధి చెందుతుందని నిపుణులు పరిశోధనలు చేసి వెల్లడించారు.
నిద్రలేమి సమస్యకు చెక్ పెడుతుంది: నిద్ర రావడం లేదని అస్సలు దిగులు చెందకండి. దీనిలో ఉండే ఒమేగా-3లు, విటమిన్ డి మన మెదడుల్లో సెరోటోనిన్ లెవెల్స్ ను పెంచేలా చేస్తాయి. ఎందుకంటే సెరోటోనిన్ అనేది నిద్ర హార్మోన్ అది త్వరగా నిద్ర పట్టేలా చేస్తుంది. కాబట్టి చేపలను తినడం అలవాటు చేసుకోండి.