Honey For Skin Care: వేసవి కాలంలో చర్మ సౌందర్యాన్ని కాపాడే తేనె.. ఇలా ఫేస్‌ ప్యాక్‌ వేసేయండి!
చలికాలంలో చర్మాన్ని ఎలా సంరక్షించుకుంటారో వేసవిలో కూడా అదే విధమైన జాగ్రత్తలు పాటిస్తే ప్రయోజనం ఉండదు. కాలానుగుణ చర్మ సంరక్షణ చాలా అవసరం. మరో మాటలో చెప్పాలంటే చలికాలం పద్ధతులు వేసవికాలానికి పనికిరావు. పొడి చర్మానికి కూడా తగిన శ్రద్ధ అవసరం. చలికాలంలో చర్మ సంరక్షణకు తేనె ఎంతో ఉపయోగపడుతుంది. తేనెలో విటమిన్లు, ఖనిజాలు, యాంటీ-ఆక్సిడెంట్లు పుష్కలంగా ఉంటాయి. తేనె చర్మాన్ని మృదువుగా ఉంచడానికి సహాయపడుతుంది..
చలికాలంలో చర్మాన్ని ఎలా సంరక్షించుకుంటారో వేసవిలో కూడా అదే విధమైన జాగ్రత్తలు పాటిస్తే ప్రయోజనం ఉండదు. కాలానుగుణ చర్మ సంరక్షణ చాలా అవసరం. మరో మాటలో చెప్పాలంటే చలికాలం పద్ధతులు వేసవికాలానికి పనికిరావు. పొడి చర్మానికి కూడా తగిన శ్రద్ధ అవసరం. చలికాలంలో చర్మ సంరక్షణకు తేనె ఎంతో ఉపయోగపడుతుంది. తేనెలో విటమిన్లు, ఖనిజాలు, యాంటీ-ఆక్సిడెంట్లు పుష్కలంగా ఉంటాయి. తేనె చర్మాన్ని మృదువుగా ఉంచడానికి సహాయపడుతుంది.
కానీ సమస్య ఏమిటంటే.. చర్మంపై తేనెను ఎలా అప్లై చేయాలో చాలామందికి తెలియదు. ముఖం, మెడపై తేనెను రాసి, చేతి వేళ్లతో మృదువుగా మసాజ్ చేసి 20-30 నిమిషాల పాటు అలాగే ఉంచాలి. తర్వాత నీటితో శుభ్రం చేసుకోవాలి. ఇలా ప్రతి రోజూ రాత్రి చేయాలి. 7 రోజుల తర్వాత మీ చర్మంలో తేడాను గమనించవచ్చు. అదనంగా ఈ పదార్థాలను తేనెలో కలుపుకోవచ్చు.
పాలు, తేనెతో కలపవచ్చు. దీని కోసం.. ముందుగా ఒక గిన్నె తీసుకుని, అందులో 2-3 టేబుల్ స్పూన్ల పాలు, అంతే సమానమైన తేనెను వేసి బాగా కలుపుకోవాలి. ఈ మిశ్రమాన్ని ముఖంతో పాటు మెడకు పట్టించి వేళ్లతో సున్నితంగా మసాజ్ చేయాలి.
20-30 నిమిషాలు అలాగే ఉంచి, ఆ తర్వాత నీటితో శుభ్రం చేసుకోవాలి. ఇది చర్మానికి నేచురల్ క్లెన్సర్‌గా పనిచేస్తుంది. కావాలంటే పంచదారను తేనెతో కలిపి స్క్రబ్ లా వేసుకోవచ్చు. దీని కోసం కొద్దిగా తేనె తీసుకుని, అందులో ఒక టేబుల్ స్పూన్ చక్కెర కలపాలి. ఈ మిశ్రమాన్ని ముఖంతో పాటు మెడకు కూడా పట్టించాలి. కాసేపు మసాజ్ చేసుకోవాలి. దీన్ని చర్మంపై 10-15 నిమిషాల పాటు అలాగే ఉంచి, తర్వాత కడిగేయాలి. అయితే దీనిని ప్రతిరోజూ చేయకూడదు.
ఓట్స్- తేనె కూడా చర్మానికి మంచి ఫలితాలను ఇస్తుంది. దీని కోసం ఒక గిన్నెలో 2-3 టేబుల్ స్పూన్ల ఓట్ పౌడర్ తీసుకోవాలి. దానికి కొద్దిగా తేనె కలుపుకోవాలి. రెండింటినీ బాగా కలిపి, ముఖం - మెడ అంతటా పట్టించాలి. కొన్ని నిమిషాలు స్క్రబ్ చేసి, 10-15 నిమిషాలు అలాగే ఉంచి, నీటితో శుభ్రం చేసుకుంటే సరి.