Benefits of Cashew: ఈ పప్పు రోజుకు గుప్పెడు తింటే చాలు..! ఈ ఆరోగ్య సమస్యలన్నీ పరార్!
డ్రై ఫ్రూట్స్ అంటే అందరికీ ఇష్టం. డ్రై ఫ్రూట్స్‌లో జీడిపప్పు కూడా ఒకటి. జీడిపప్పులో పోషకాలు పుష్కలంగా ఉంటాయి. ఇది స్వీట్లు, ఇతర వంటలలో ఉపయోగిస్తారు. పులావ్‌లో జీడిపప్పు కలుపుకుంటే రుచి అద్భుతంగా ఉంటుంది. జీడిపప్పు రుచిగా ఉండటమే కాకుండా శరీరానికి కూడా చాలా మేలు చేస్తుంది. ముఖ్యంగా జీడిపప్పు వాడకం మన గుండె ఆరోగ్యాన్ని మెరుగుపరుస్తుంది. జీడిపప్పు తీసుకోవడం వల్ల శరీర జీవక్రియలు ఆరోగ్యంగా ఉంటాయి.
జీడిపప్పు అధిక ఆక్సలేట్ కంటెంట్ కలిగి ఉంటుంది. అందువల్ల వీటిని మరీ ఎక్కువ పరిమాణంలో తిన్నప్పుడు, ఇది మూత్రపిండాల నష్టంతో పాటు ఇతర దీర్ఘకాలిక ఆరోగ్య సమస్యలకు దారితీస్తుంది. ముడి జీడిపప్పు సురక్షితమైనదికాదు. వేయించిన లేదా కాల్చిన జీడిపప్పు తినటం సురక్షితం అని చెబుతున్నారు.
Cashew Nuts
ఇందులో అధిక మొత్తంలో ఫైబర్ ఉంటుంది. కాబట్టి వీటిని ఎక్కువగా తిన్న తర్వాత తక్కువ నీరు తాగితే డీహైడ్రేషన్ సంభవించవచ్చని నిపుణులు సూచిస్తున్నారు. జీడిపప్పును రోజువారీ తినే డ్రైఫ్రూట్స్‌, నట్స్‌తో నిక్షేపంగా తీసుకోవచ్చు. అయితే ఇతర గింజలతో పోలిస్తే జీడిపప్పులో కేలరీలు ఎక్కువ. దీనివల్ల తొందరగా బరువు పెరిగే అవకాశం ఉంటుంది. కాబట్టి రోజువారీగా వీటిని తినేప్పుడు మోతాదు చాలా ముఖ్యం.
జీడిపప్పులో సమృద్ధిగా లభించే రాగి చాలా మేలు చేస్తుంది. ఇది ఇనుము జీవక్రియలో సహాయపడుతుంది, ఇది క్రమరహిత హృదయ స్పందనను నిరోధిస్తుంది. జీడిపప్పులో ఉండే విటమిన్ ఇ ధమనులలో ఫలకం ఉత్పత్తిని నిరోధించి రక్తప్రసరణను తగ్గిస్తుంది. జీడిపప్పులో ఉండే పోషక పీచు కొలెస్ట్రాల్ స్థాయిని, రక్తపోటును, వాపును తగ్గిస్తుంది. అదే సమయంలో, ఇది గుండె ఆరోగ్యాన్ని మెరుగుపరుస్తుంది.
జీడిపప్పులో ఉండే ఒమేగా-3 ఫ్యాటీ యాసిడ్‌లు హార్ట్‌బీట్‌ని మెయింటెయిన్ చేసి, అసాధారణంగా మారకుండా నివారిస్తాయి. ఎల్-అర్జినైన్ అనేది జీడిపప్పులో ఉండే సమ్మేళనం, ఇది రక్తం గడ్డకట్టడాన్ని నిరోధిస్తుంది. అనాకార్దిక్ యాసిడ్ ప్రయోజనాల మేరకు రోజుకు కనీసం 20 గ్రాముల వరకు జీడిపప్పు తినొచ్చునని నిపుణులు చెబుతున్నారు. (ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)