Blue Tea Benefits: బ్లూ టీతో ఎన్నో ప్రయాజనాలు.. వెంటనే మీ రోజువారీ డైట్ లో చేర్చుకోండి..
ప్రస్తుత కాలంలో వయసుతో సంబంధం లేకుండా అనేక రోగాలతో ప్రజలు భాదపడుతున్నారు. వాటిలో బరువు పెరగడం, యాంటీ ఏజింగ్ వంటి సమస్యలు కూడా ఉన్నాయి. మీ ఆహారంలో బ్లూ టీని చేర్చుకుంది దీని నుచి ఉపశమనం పొందవచ్చు. ఈ టీని శంఖుపూలతో తయారుచేస్తారు. ఈ టీ బరువు తగ్గడానికి, రక్తంలో చక్కెర స్థాయిలను తగ్గించడంలో, చర్మం, జుట్టును అందంగా మార్చడంలో సహాయపడుతుంది. ఈ పువ్వుతో చేసిన బ్లూ టీ ప్రయోజనాలేంటో ఇక్కడ తెలుసుకుందాం.
కెఫిన్ ఫ్రీ: కెఫిన్ ఎక్కువగా తీసుకోవడం ఆరోగ్యానికి అంత మంచిది కాదు. దీనికి బదులుగా శంఖు పువ్వు టీ తాగొచ్చు. ఈ టీ కెఫిన్ రహితమైనది. కావున దీనితో ఉత్తమ ప్రయోజనం ఉంటుంది.
బరువు తగ్గడంలో సహాయం: శంఖు పువ్వులో బరువు తగ్గించే లక్షణాలు ఉన్నాయి. ఈ పువ్వు కొవ్వు పెరుగుదలను నెమ్మదిస్తాయి. ఇది ఫ్యాటీ లివర్ సమస్య నుండి రక్షిస్తుంది. బరువు తగ్గడంలో ఎంతగానో ఉపయోగపడుతుంది.
డిటాక్సిఫైయింగ్ ఏజెంట్లు: ఈ టీలో ఫైటోకెమికల్స్ అనే యాంటీఆక్సిడెంట్లు కారణంగా శరీరం నుండి విషాన్ని తొలగించి మంచి ఆరోగ్య ప్రయోజనాలను అందిస్తుంది.
వృద్ధాప్య సంకేతాలను తగ్గిస్తుంది: ఈ టీలోని యాంటీఆక్సిడెంట్లు చర్మానికి మేలు చేస్తాయి. ఇందులో హైడ్రేటింగ్ ఏజెంట్లు యాంటీ ఏజింగ్ సంకేతాలను తగ్గించడంలో సహాయపడతాయి. దీనిలో ఉండే ఫ్లేవనాయిడ్లు కొల్లాజెన్ను పెంచుతాయి. ఇది చర్మ స్థితిస్థాపకతను మెరుగుపరచడం ద్వారా యాంటీ-గ్లైకేషన్ లక్షణాలను అందిస్తాయి.
జుట్టు పెరుగుదలను ప్రోత్సహిస్తుంది: బ్లూ టీలో విటమిన్లు, ఖనిజాలు, యాంటీఆక్సిడెంట్లు జుట్టు పెరుగుదలను బలపరిచే లక్షణాలను అందిస్తాయి. దీంతో ఉండే ఆంథోసైనిన్ స్కాల్ప్కి రక్త ప్రసరణను పెంచి జుట్టు కుదుళ్లను బలపరుస్తుంది.
ఇమ్యూనిటీ బూస్టర్: ఈ బ్లూ టీలో పుష్కలంగా ఉన్న యాంటీఆక్సిడెంట్లు ఫ్రీ రాడికల్స్తో పోరాడటానికి సహాయపడుతుంది. ఇది అద్భుతమైన రోగనిరోధక శక్తిని పెంచుతుంది. ఈ టీ గుండె సమస్యలు, మెటబాలిక్ సిండ్రోమ్, హైపర్ కొలెస్టెరోలేమియా వంటి వ్యాధులతో పోరాడడంలో సహాయపడుతుంది.
మూడ్ అప్లిఫ్టర్: ఈ టీ మానసిక స్థితిని మెరుగుపరచడంలో సహాయపడుతుంది. ఆందోళన, డిప్రెషన్ లక్షణాలను తగ్గించడంలో ఈ టీ ఉపయోగపడుతుంది.