Soaked Dates: ప్రతి రోజూ రెండు నానబెట్టిన ఖర్జూరాలు తింటే ఈ లాభాలు కలుగుతాయి…
ఖర్జూరం రుచిగా ఉండటమే కాదు. ఆరోగ్యానికి కూడా చాలా మంచిది. ఎండిన ఖర్జూరంలో ఐరన్, కాల్షియం, మెగ్నీషియం, విటమిన్ బి6, రాగి, ఫైబర్ వంటి అనేక పోషకాలు ఉంటాయి. ఖర్జూరంలో ఫైబర్ ఉంటుంది. ఇది జీర్ణక్రియకు మంచిది. ప్రతిరోజూ ఖర్జూరం తినడం వల్ల శరీరానికి అనేక ప్రయోజనాలు ఉంటాయి. అయితే, ఎండిన ఖర్జూరం పండును రోజూ నానబెట్టి తినడం ద్వారా చాలా ఆరోగ్య సమస్యల నుంచి బయటపడవచ్చునని నిపుణులు చెబుతున్నారు. అవెంటో ఇక్కడ తెలుసుకుందాం..
ప్రతిరోజూ 2 నానబెట్టిన ఖర్జూర పండ్లు తినడం వల్ల ప్రేగు కదలిక సులభతరం అవుతుంది. మలబద్ధకం నుండి ఉపశమనం లభిస్తుంది. పాలలో నానబెట్టిన ఖర్జూరం తినడం వల్ల శరీరంలో కాల్షియం పరిమాణం రెట్టింపు అవుతుంది. ఆర్థరైటిస్, ఆస్టియోపోరోసిస్ వంటి సమస్యలను కూడా దీని ద్వారా నయం చేయవచ్చు.
ప్రతిరోజూ 2 నానబెట్టిన ఖర్జూరాలు తినడం వల్ల జ్ఞాపకశక్తి పెరుగుతుంది మరియు పదును పెడుతుంది. మెదడు నరాలలో వాపు తగ్గుతుంది. రోజూ 2 నానబెట్టిన ఖర్జూరాలు తినడం వల్ల బరువు పెరగడంలో సహాయపడుతుంది. శరీరంలో ఆరోగ్యకరమైన కొవ్వు కూడా పెరుగుతుంది.
ఖర్జూరంలో ఇనుము ఉంటుంది. ఇది రక్తహీనతను నివారించడంలో సహాయపడుతుంది. ఇది ఎర్ర రక్త కణాల ఉత్పత్తిని పెంచుతుంది. శరీరంలో ఆక్సిజన్ స్థాయిని కూడా పెంచుతుంది. ఖర్జూరాలు సహజ చక్కెరకు ఆరోగ్యకరమైన మూలం. వాటిలో గ్లూకోజ్, సుక్రోజ్, ఫ్రక్టోజ్ ఉంటాయి. ఉదయం ఖాళీ కడుపుతో నానబెట్టిన ఖర్జూర పండ్లను తినడం వల్ల శరీరం రోజంతా చురుగ్గా, శక్తితో నిండి ఉంటుంది.
ఖర్జూరాలను నానబెట్టడం వల్ల పోషకాలు సులభంగా అందుతాయి. పిల్లలకు రోజూ నానబెట్టిన ఖర్జూరం ఇవ్వడం వల్ల రోగనిరోధక శక్తి పెరుగుతుంది. రక్తహీనత సమస్య తగ్గుతుంది. ఒక ఖర్జూరంతో మొదలుపెట్టి.. రోజుకు 2, 3 కూడా ఇవ్వవచ్చు. వీటిని వారికి డైరెక్ట్ గా ఇవ్వచ్చు. లేదా మెత్తగా చేసి పాలల్లో కలిపి ఇవ్వవచ్చు.
నానబెట్టిన ఖర్జూరం తినడం వల్ల హానికరమైన కొలెస్ట్రాల్ను నియంత్రిస్తుంది. గుండె ఆరోగ్యానికి కూడా చాలా మంచిది. అధిక రక్తపోటును నియంత్రిస్తుంది. జీర్ణక్రియ మెరుగుపరుస్తుంది. గ్యాస్, అసిడిటీ లాంటి సమస్యలను తగ్గిస్తుంది. పొట్టను శుభ్రంగా ఉంచుంది. ఖర్జూరంలో ఉండే యాంటీఆక్సిడెంట్లు చర్మాన్ని ఆరోగ్యంగా మరియు మెరిసేలా ఉంచుతాయి.
ఖర్జూరాలు చాలా రుచిగా ఉంటాయి. కాబట్టి చాలామంది వీటిని ఎప్పుడుపడితే అప్పుడే తింటుంటారు. కానీ, సరైన పద్ధతిలో తింటే రెట్టింపు ప్రయోజనాలు అందుతాయని నిపుణులు చెబుతున్నారు. వీటిని ప్రతిరోజూ రాత్రి 2 లేదా 3 నానబెట్టుకొని తెల్లారి ఉదయం ఖాళీ కడుపుతో తింటే మంచి ఫలితాలు చూడవచ్చని నిపుణులు చెబుతున్నారు.