Garlic in Winter: చలికాలంలో వెల్లుల్లి ఇలా తీసుకుంటే.. రోగాల నుంచి మిమ్మల్ని మీరు కాపాడుకోవచ్చు
చలికాలంలో శరీరాన్ని వెచ్చగా ఉంచడం నుంచి రోగాల భారీ నుంచి కాపాడటం వరకు వెల్లుల్లి బలేగా ఉపయోగపడుతుంది. ఆయుర్వేదం ప్రకారం వెల్లుల్లి శరీరంలో వెట్ట పుట్టిస్తుంది. దీంతో చలి నుంచి ఉపశమనం పొందవచ్చు. అయితే ఈ కాలంలో వెల్లుల్లిని ఏ సమయంలో తీసుకోవాలో చాలా మందికి క్లారిటీ ఉండదు..
అయితే వెల్లుల్లిని అందరూ తినడం మంచిదికాదు. ఆయుర్వేదం ప్రకారం, యూరిక్ యాసిడ్, కొలెస్ట్రాల్ సంబంధిత సమస్యలు ఉన్నవారు ఖాళీ కడుపుతో రెండు వెల్లుల్లి రెబ్బలు తీసుకోవాలని నిపుణులు సూచిస్తున్నారు. రాత్రి పడుకునే ముందు రెండు వెల్లుల్లి రెబ్బలను నీళ్లలో నానబెట్టి ఉదయాన్నే తిన్నా మంచిదే. అయితే ఏదైనా అలెర్జీ సమస్య ఉంటే మాత్రం వెల్లుల్లి తినే ముందు వైద్యుడిని సంప్రదించాలి.
చలికాలంలో పచ్చి వెల్లుల్లి తినడం వల్ల జలుబు, ఫ్లూ 63 శాతం తగ్గుతాయని ఓ నివేదిక వెల్లడించింది. వెల్లుల్లిలో యాంటీ ఇన్‌ఫ్లమేటరీ, యాంటీ ఆక్సిడెంట్ లక్షణాలు ఉంటాయి. అలాగే వెల్లుల్లిలో మెగ్నీషియం, కాల్షియం, జింక్, విటమిన్ సి, విటమిన్ ఎ, విటమిన్ బి పుష్కలంగా ఉంటాయి.
వెల్లుల్లిలోని అల్లిసిన్ రక్త ప్రసరణను పెంచడంలో కూడా సహాయపడుతుంది. అయితే ఆయుర్వేదం ప్రకారం, యూరిక్ యాసిడ్, కొలెస్ట్రాల్ సంబంధిత సమస్యలు ఉన్నవారు ఖాళీ కడుపుతో రెండు వెల్లుల్లి రెబ్బలు తీసుకోవాలని నిపుణులు సూచిస్తున్నారు.
రోజూ ఉదయాన్నే వెల్లుల్లి రెబ్బలు తినడం వల్ల శరీరంలోని రోగ నిరోధక శక్తి మెరుగుపడుతుంది. ఇందులోని అల్లిసిన్ శరీరంలోకి ప్రవేశించే వ్యాధికారక క్రిములతో పోరాడుతుంది. వెల్లుల్లి రక్తపోటు స్థాయిలపై సానుకూల ప్రభావాన్ని చూపుతుంది. ఉదయం ఖాళీ కడుపుతో ఒక వెల్లుల్లి రెబ్బను తినండి. ఇది మంచి ఫలితాలను ఇస్తుంది.
వెల్లుల్లిలోని పోషకాలు శరీరంలో రక్త ప్రసరణను మెరుగుపరుస్తాయి. వెల్లుల్లిని రోజూ తినడం వల్ల గుండెకు రక్తప్రసరణ బాగా జరుగుతుంది. శరీరం లోపల రక్తం గడ్డకట్టకుండా కాపాడుతుంది. ఇందులోని యాంటీ క్లాటింగ్ గుణాలే దీనికి కారణం. వెల్లుల్లి తింటే.. లివర్‌, మూత్రాశయం పనితీరు మెరుగుపడుతుంది. వెల్లుల్లిలోని సమ్మేళనాలు కాలేయంలోని విషపదార్థాలను బయటకు పంపుతాయి.