తెలుగు రాష్ట్రాల్లో ఇడ్లీలు చాలా ఫేమస్ బ్రేక్ ఫాస్ట్. వారంలో రెండు సార్లైనా ఇడ్లీ చేస్తారు. ఆరోగ్యకరమైన బ్రేక్ ఫాస్ట్లో ఇది కూడా ఒకటి అని చెప్పొచ్చు. వేడి వేడి ఇడ్లీల్లో కొద్దిగా నెయ్యి, కారం పొడి వేసుకుని తింటే ఆహా.. చెబితేనే నోరు ఊరిపోతుంది కదా. హెల్త్కి మంచిదైనా ఇడ్లీలు మెత్తగా రావాలంటే ఈ టిప్స్ పాటించండి.
ఇడ్లీలు మెత్తగా రావాలంటే ముందుగా మీరు తీసుకునే క్వాంటిటీపై శ్రద్ధ పెట్టాలి. చాలా మంది ఇడ్లీ రవ్వని ఎక్కువగా వేస్తూ ఉంటారు. ఇడ్లీ పిండి ఎక్కువగా వేయడం వల్ల ఇడ్లీలు గట్టిగా వస్తాయి. కాబట్టి చూసుకుని ఉపయోగించాలి.
ఇడ్లీలు మెత్తగా రావాలంటే ఎప్పుడూ కూడా తాజా పప్పునే యూజ్ చేయాలి. ఇడ్లీ పిండిని ఫుడ్ ప్రాసెసర్ లేదా మిక్సీలో వేయడం వల్ల గట్టిగా వస్తాయి. కాబట్టి గ్రైండర్ ఉపయోగించడం బెటర్. కొద్దిగా మెంతులు యాడ్ చేయడం వల్ల రుచితో పాటు ఇడ్లీలు కూడా సాఫ్ట్గా ఉంటాయి.
ఇడ్లీ తయారు చేయడానికి చాలా మంది బియ్యాన్ని కూడా ఉపయోగిస్తారు. ఇవి రేషన్ బియ్యం అయితే రుచిగా ఉంటాయి. అలాగే గ్రైండర్ నుంచి తీశాక.. చేతితో మళ్లీ మొత్తం పిండిని చేతితో బాగా కలపాలి.
చాలా మంది చేసే తప్పు ఏంటంటే.. ఇడ్లీ పిండి గ్రైండ్ చేసిన తర్వాత నేరుగా ఫ్రిజ్లో పెడతారు. ఇలా చేయడం వల్ల ఇడ్లీలు గట్టిగా ఉంటాయి. కాబట్టి రాత్రంతా పులియబెట్టి వేస్తేనే మెత్తగా రావడమే కాకుండా ఆరోగ్యానికి కూడా చాలా మంచిది.