Refrigerators: రిఫ్రిజిరేటర్‌పై ఈ స్టార్ రేటింగ్‌ల అర్థం ఏమిటి..? కొనుగోలు చేసేటప్పుడు ఎలాంటిది తీసుకోవాలి..?
పండగ సీజన్ కొనసాగుతోంది. చాలా మంది ఆన్లైన్ షాపింగ్‌ చేస్తున్నారు. ఆన్లైన్ ప్లాట్‌ఫారమ్ నుండి మార్కెట్ వరకు, కొత్త ఫీచర్లతో ఉత్పత్తులు పరిచయం చేయబడుతున్నాయి. ఈ ఉత్పత్తులలో..
పండగ సీజన్ కొనసాగుతోంది. చాలా మంది ఆన్లైన్ షాపింగ్‌ చేస్తున్నారు. ఆన్లైన్ ప్లాట్‌ఫారమ్ నుండి మార్కెట్ వరకు, కొత్త ఫీచర్లతో ఉత్పత్తులు పరిచయం చేయబడుతున్నాయి. ఈ ఉత్పత్తులలో రిఫ్రిజిరేటర్లు కూడా ఉన్నాయి. దాని మెరిట్‌లను లెక్కించేటప్పుడు స్టార్ రేటింగ్‌పై దృష్టి కేంద్రీకరిస్తుంటారు. అయితే ఈ స్టార్ రేటింగ్‌లు అంటే ఏమిటో మీరు ఎప్పుడైనా ఆలోచించారా? రిఫ్రిజిరేటర్ కొనుగోలు చేసేటప్పుడు ఏ స్టార్ రేటింగ్ ఉత్తమమో తెలుసుకోండి.
బ్యూరో ఆఫ్ ఎనర్జీ ఎఫిషియెన్సీ రిఫ్రిజిరేటర్లలో స్టార్ రేటింగ్‌ను ప్రవేశపెట్టింది. భారత ప్రభుత్వం ఈ ఏజెన్సీ 2002లో ప్రారంభించింది. ఏ రిఫ్రిజిరేటర్‌కు ఏడాదికి ఎంత విద్యుత్తు వినియోగిస్తుందనే దాని ఆధారంగా రేటింగ్ ఇవ్వబడుతుంది. ఎక్కువ విద్యుత్తు ఆదా చేసే వారికి అత్యధిక రేటింగ్ ఇస్తారు.
1 స్టార్ అంటే అత్యల్ప స్థాయి రేటింగ్. రిఫ్రిజిరేటర్లపై స్టార్ స్టిక్కర్ అంటే వారు ఒక సంవత్సరంలో 487 kWh విద్యుత్తును ఉపయోగిస్తారని అర్థం. స్టార్ రేటింగ్ ఉన్న రిఫ్రిజిరేటర్లు మార్కెట్‌లో చౌకగా ఉంటాయి.
2 స్టార్ రేటింగ్ అంటే ఇది ఒక సంవత్సరంలో 389 kWh విద్యుత్‌ని వినియోగిస్తుంది. అంటే ఒక స్టార్ రేటింగ్ ఉన్న రిఫ్రిజిరేటర్ కంటే కాస్త మెరుగైనది. అయితే, మార్కెట్‌లో 2 స్టార్ రేటింగ్ ఉన్న ఉత్పత్తి ధర ఎక్కువగా ఉంటుంది. అదే సమయంలో
3 స్టార్ రేటింగ్ అంటే అది ఒక సంవత్సరంలో 311 kWh విద్యుత్‌ను ఉపయోగించుకుంటుంది. అంటే దానిని కొనుగోలు చేయడం లాభదాయకమైన ఒప్పందం అనే చెప్పాలి.
4 స్టార్ రేటింగ్ ఉన్న రిఫ్రిజిరేటర్లు 249 kWh, ఇక 5 స్టార్ రేటింగ్ ఉన్న రిఫ్రిజిరేటర్లు 199 kWh విద్యుత్తును ఒక సంవత్సరంలో ఉపయోగిస్తాయి. స్టార్ రేటింగ్ పెరిగేకొద్దీ అవి ఖరీదైనవి అయినప్పటికీ, భవిష్యత్తులో పొదుపు కోసం ఉత్తమంగా పరిగణించబడతాయి. వైవ్‌స్టార్‌ రేటింగ్ ఉంటే విద్యుత్‌ ఎంతో ఆదా అవుతుంది. ఈ స్టార్ ఉన్న వస్తువులన్ని కూడా ఎక్కువ ధరతో ఉంటాయి. అందుకే వైవ్‌ స్టార్ రేటింగ్ ఉన్నవాటిని ఎంచుకోవడం ఉత్తమం. తక్కువ కరెంటు బిల్లు వస్తుంది. తక్కువ రేటింగ్ ఉన్న వస్తువులను కొనుగోలు చేస్తే కరెంటు బిల్లు తడిసిమోపెడవుతుందని అర్థం చేసుకోవాలి.
అయితే ఇంటి అవసరాల కోసం వాడే ఫ్రిజ్‌ల ఇంధన వినియోగానికి సంబంధించిన వివరాలు వెల్లడించాలని బ్యూరో ఆఫ్ ఎనర్జీ ఎఫీషియన్సీ సంస్థ తెలిపింది. ఇందుకు కొన్ని నిబంధనలను విడుదల చేసింది. ఇక నుంచి ప్రతి ఫ్రిజ్‌పై కొన్ని వివరాలు తప్పనిసరిగా ఉండాలని ఆదేశించింది. అవి ఏంటంటే 1. బ్యూరో ఆఫ్ ఎనర్జీ ఎఫీషియన్సీ లోగో, 2. తయారీదారు లేదా దిగుమతిదారు పేరు, 3. బ్రాండ్‌పేరు, 4. మొత్తం సామర్థ్యం (వాల్యూమ్‌), 5. మోడల్‌ నంబర్‌, 6. తయారీ, దిగుమతి చేసుకున్న సంవత్సరం, 7. యునిక్‌ సిరీస్‌ కోడ్‌, 8. ఏడాదికి ఎన్ని యూనిట్ల విద్యుత్తు ఖర్చు చేస్తుందనే వివరాలు, 9. స్టార్ లెవెల్‌, 10. లేబుల్‌ పీరియడ్‌ ఇలా పై వివరాలన్నీ తప్పనిసరిగా పొందుపరచాలని కంపెనీలకు ఆదేశాలు జారీ చేసింది.