Holy Basil: ఇంటి ఆవరణలో తులసి మొక్క ఉండటం ఎందుకు శుభప్రదంగా భావిస్తారో తెలుసా?
హిందూ సంస్కృతిలో తులసి మొక్కను పవిత్రంగా, శుభప్రదంగా భావిస్తారు. జోతిష్య, వాయుశాస్త్రంలో తులసి మొక్కను విష్ణువు లేదా లక్ష్మీదేవి స్వరూపంగా పూజిస్తారు. ఇంట్లో తులసి ఉంటే దైవిక శక్తి, సానుకూల శక్తి నిలుస్తుందని హిందువుల నమ్మకం. తులసి మొక్క ఇంటి ఆవరణలో, ముఖ్యంగా ఈశాన్య దిశలో ఉంచితే, నెగెటివ్ ఎనర్జీని తొలగించి, శాంతి, ఐశ్వర్యం తెస్తుందని చెబుతారు. తులసి ఔషధ గుణాలు కలిగిన మొక్క. ఇది గాలిని శుద్ధి చేస్తుంది, రోగనిరోధక శక్తిని పెంచుతుంది. దీని సుగంధం మానసిక ఒత్తిడిని తగ్గిస్తుంది. అందుకే, హిందువులు తమ ప్రాంగణంలో తులసి మొక్కలను ఎంతో భక్తితో నాటుతారు.
తులసిని లక్ష్మీదేవి రూపంగా భావిస్తారు. లక్ష్మీదేవి సంపదకు దేవత. అందువల్ల, ఆర్థిక శ్రేయస్సు తీసుకురావడానికి తులసి మొక్కను ఇంట్లో నాటుతారు. అంతే కాదు, దీనిని క్రమం తప్పకుండా పూజిస్తారు. ఎందుకంటే లక్ష్మీదేవి అందులో నివసిస్తుంది. ఇది ఇంటికి ఆనందం శ్రేయస్సును తెస్తుంది.
తులసి విష్ణువుకు చాలా ప్రియమైనది. అందుకే దీనిని హరిప్రియ అని కూడా పిలుస్తారు. తులసి ఆకులు లేకుండా ఏ నైవేద్యమూ విష్ణువును చేరదు. తులసి ఉన్న ఇంట్లో విష్ణువు నివసిస్తాడు.
వాస్తు శాస్త్రం ప్రకారం, తులసి మొక్కను సానుకూల శక్తికి మూలంగా పరిగణిస్తారు. ఇంటి ప్రాంగణంలో తులసి మొక్క ఉంటే, ప్రతికూల శక్తి తొలగిపోతుంది. అలాగే, ఇంట్లో సానుకూల శక్తి తిరుగుతుంది. ఇంట్లో వాతావరణం స్వచ్ఛంగా ప్రశాంతంగా ఉంటుంది కొందరు నమ్ముతారు.
పురాణాల ప్రకారం, ఇంటి ఆవరణలో తులసి మొక్కను నాటడం వలన వారు గత జన్మలో చేసిన పాపాలు నశించి మోక్షాన్ని పొందే అవకావం ఉందని కూడా కొందరు నమ్ముతారు.
అంతే కాకుండా తులసి మొక్క వాస్తు దోషాలను, పితృ దోషాలను తొలగించడంలో కూడా సహాయపడుతుంది. ఇది అశుభ గ్రహాల ప్రభావాలను తగ్గించడంతో పాటు కుజ, వాస్తు దోషాలను కూడా తొలగిస్తుంది.
ఈ తులసి మొక్కలు ఔషధ గుణాలను కూడా కలిగి ఉంటాయి. కాబట్టి తులసిని ఆయుర్వేదంలో అమృతంగా భావిస్తారు. ఇంట్లో తులసి మొక్క ఉండటం వల్ల వాతావరణం స్వచ్ఛంగా ఉంటుంది. తులసి ఆకులు తినడం వల్ల అనేక వ్యాధులు నయమవుతాయిని ఆరోగ్య నిపుణులు కూడా చెబుతారు.