ఉదయాన్నే కాఫీ తాగుతున్నారా..? అయితే, ఇలా ట్రై చేయండి..! ఆరోగ్య ప్రయోజనాలు బోలెడు
Benefits of Ghee Coffee : నెయ్యి కాఫీ.. ప్రస్తుతం ఈ కాఫీ బాగా ట్రెండ్ అవుతోంది. చాలా మంది ఇప్పుడు నెయ్యి కాఫీని తాగటం అలవాటుగా చేసుకుంటున్నారు. నెయ్యి కాఫీ రుచిగా ఉండటమే కాకుండా ఆరోగ్యానికి కూడా ఎంతో మేలు చేస్తుందని పోషకాహార నిపుణులు చెబుతున్నారు. దీన్ని ఘీ కాఫీ, బుల్లెట్‍ప్రూఫ్ కాఫీ అని కూడా అంటున్నారు. ఇంతకీ ఈ ఘీ కాఫీ వల్ల కలిగే లాభాలేంటో ఇక్కడ తెలుసుకుందాం..
ఘీ కాఫీ తాగడం వల్ల ఆరోగ్యానికి అనేక ప్రయోజనాలు ఉన్నాయి. ఉదయాన్నే నెయ్యి కాఫీ తాగితే శరీరానికి పోషకాలు అందుతాయి. బరువు తగ్గేందుకు దోహదం చేస్తుంది. నెయ్యిలో ఒమెగా 3, 6, 9 లాంటి ఆరోగ్యకరమైన కొవ్వులు ఉంటాయి. అందుకే కాఫీలో నెయ్యి కలుపుకొని తాగితే శరీరంలో హెల్దీ ఫ్యాట్ పెరుగుతుంది. జీవక్రియ మెరుగవుతుంది.
ఉదయాన్నే ఈ ఘీ కాఫీ తాగడం వల్ల కడుపు ఆరోగ్యానికి మేలు చేస్తుంది. అసిడిటీ సమస్యలు తగ్గడంతో పాటు జీర్ణక్రియ మెరుగ్గా ఉండేందుకు ఇది తోడ్పడుతుంది. శరీరంలో ఎనర్జీ పెరుగుతుంది. మూడ్ స్విగ్స్‌ లేకుండా మెరుగ్గా ఉంటుంది. నెయ్యిలో విటమిన్ ఏ,ఈ,కే లాంటి విటమిన్లు ఉంటాయి. నెయ్యి కాఫీ తాగడం వల్ల ఇవన్నీ మన శరీరానికి అందుతాయి.
ముఖ్యంగా చలికాలంలో నెయ్యి కాఫీ తాగటం వల్ల శరీరానికి వెచ్చదనాన్ని కలిగిస్తుంది. నెయ్యి కాఫీ వల్ల జీర్ణక్రియకు మేలు జరుగుతుంది. ఇది ఆహారాన్ని జీర్ణం చేస్తుంది. బరువు తగ్గించేందుకు తోడ్పడుతుంది. పొట్టలోని యాసిడ్ పరిమాణాన్ని తగ్గిస్తుంది. ఆరోగ్యకరమైన కొవ్వును పెంచుతుంది. తరచూ ఆకలి వేయకుండా కంట్రోల్‌ చేస్తుంది.
నెయ్యి కాఫీ తీసుకోవడం వల్ల వాపును తగ్గించడంలో, పేగు లైనింగ్‌కు సహాయకారిగా ఉపకరిస్తుంది. హార్మోన్ ఉత్పత్తిని మెరుగుపరుస్తుంది. అంతేకాకుండా మానసిక స్థితిని, ఏకాగ్రత పెరిగేలా చేస్తుంది. నెయ్యిలో విటమిన్ ఎ, ఇ, కె పుష్కలంగా ఉన్నాయి. శరీరంలో పేరుకుపోయిన మొండి కొవ్వులను కరిగిస్తుంది.
ఘీ కాఫీ తయారీ కోసం ముందుగా కాఫీ పొడిని నీటిలో వేసి బాగా మరిగించాలి. అది మరుగుతున్నప్పుడు అందులో నెయ్యి వేసుకోవాలి. ఇప్పుడు మరికాసేపు కాగనివ్వాలి. తరువాత ఈ మిశ్రమాన్ని పాలల్లో కలుపుకుంటే ఘుమఘుమలాడే ఘీ కాఫీ తయారీ పూర్తయినట్లే.