ఇంట్లో సోంపు అయిపోయిందా? భోజనం తర్వాత వీటినీ తినొచ్చు! లాభాల్లో రాజీ లేదు
చాలా మంది భోజనం తర్వాత సోంపు గింజలను తింటుంటారు. ఇలా తినడం వల్ల జీర్ణక్రియ వేగవంతం అవుతుంది. అలాగే పెళ్లిళ్లు, శుభకార్యాల్లో అన్ని రకాల ఆహార పదార్థాలతోపాటు దీన్ని తప్పనిసరిగా పెడతారు. హోటల్స్లోనూ భోజనం చివర్లో ప్రత్యేకంగా అందిస్తారు. ఆహారం బాగా జీర్ణమవుతుందనేది ఇందుకు కారణం..
భోజనం తర్వాత సోంపుతో పాటు ఇతర ఆహారాలను కూడా తినవచ్చు. ఆహారం రుచిని పెంచే సుగంధ ద్రవ్యం గ్రీన్ కార్డమమ్ (యాలకులు). ఇది నోటి దుర్వాసనను తొలగించడమే కాకుండా కడుపులోని ఎంజైమ్లను కూడా సక్రియం చేస్తుంది. భోజనం తిన్న తర్వాత నోట్లో కాసిన్ని సోంపు గింజలు వేసుకుంటే ఎంతో ప్రయోజనకరంగా ఉంటుంది.
లవంగాలలో యూజినాల్ అనే రసాయనం ఉంటుంది. ఇది క్రిమినాశక లక్షణాలను కలిగి ఉంటుంది. లవంగాలు దంతాలు, చిగుళ్ళకు కూడా ఉపయోగపడతాయి. అందువల్ల మీరు భోజనం తర్వాత లవంగాలను కూడా తినవచ్చు.
భోజనం తర్వాత పుదీనా ఆకులను తినవచ్చు. పుదీనా ఆకులు నోటి ఆరోగ్యానికి మేలు చేస్తాయి. రాత్రి భోజనం తర్వాత 2-3 పుదీనా ఆకులను నోటిలో ఉంచుకోవడం వల్ల దుర్వాసన తొలగిపోతుంది. అయితే ఆమ్లత్వంతో బాధపడేవారు నిపుణుడిని సంప్రదించకుండా పుదీనా ఆకులను తినకూడదు.
సోంపు గింజలుమీరు భోజనం తర్వాత జీలకర్ర, మెంతులు కూడా తినవచ్చు. భోజనం తర్వాత జీలకర్ర, మెంతులు కలిపి తినడం వల్ల జీర్ణక్రియ మెరుగుపడుతుందని, ఉబ్బరం, గ్యాస్ తగ్గుతుందని తద్వారా బరువు నియంత్రణలో సహాయపడుతుందని నిపుణులు అంటున్నారు. ఆరోగ్యకరమైన ఆహారం. అందుకే దీనిని సూపర్ ఫుడ్ అని పిలుస్తారు. చాలా మంది సోంపు గింజలు తినడానికి ఇష్టపడతారు. కొంతమంది రాత్రంతా వీటిని నీటిలో నానబెట్టి ఉదయం ఈ నీటిని తాగుతుంటారు.
భోజనం తర్వాత కొత్తిమీర నీళ్లు తాగడం వల్ల జీర్ణక్రియ మెరుగుపడి ఆమ్లత్వం తగ్గుతుంది. అలాగే శరీరం నుంచి విషాన్ని బయటకు పంపడంలో కూడా సహాయపడుతుంది. ఇందులో ఉండే ఫైబర్, యాంటీఆక్సిడెంట్లు జీర్ణక్రియను సజావుగా చేయడంలో, ఉబ్బరం తగ్గించడంలో సహాయపడతాయి. ఇవి శరీరానికి చల్లదనాన్ని ఇస్తాయి.