షుగర్ పేషెంట్లకు ఈ పండ్లు అమృతం.. తిన్నా కంట్రోల్లోనే మీ చక్కెర స్థాయిలు..
షుగర్ ఉన్నవారు పండ్లు తినాలా..? వద్దా? అనేది ఎప్పుడూ ఒక మిలియన్ డాలర్ల ప్రశ్నగానే మిగిలిపోయింది. పండ్లలో ఉండే సహజ చక్కెరలు రక్తంలో గ్లూకోజ్ స్థాయిలను పెంచుతాయని కొందరు భయపడితే.. వాటిలో ఉండే ఫైబర్ ఆరోగ్యానికి మేలు చేస్తుందని నిపుణులు చెబుతుంటారు. నిజానికి గ్లైసెమిక్ ఇండెక్స్ తక్కువగా ఉండే పండ్లను ఎంచుకుంటే మధుమేహ వ్యాధిగ్రస్తులకు ఎటువంటి ముప్పూ ఉండదు. భారతదేశంలో లభించే తక్కువ జీఐ ఉన్న, మధుమేహానికి మేలు చేసే ఉత్తమ పండ్లు, వాటి ప్రయోజనాల గురించి ఇప్పుడు తెలుసుకుందాం..
జామపండులో విటమిన్-సి ఎక్కువగా ఉంటుంది. అయితే, ఇది కొందరికి మంచిదే కానీ, మరి కొందరికి అనారోగ్య సమస్యలు వస్తాయి. అవేంటో ఇక్కడ చూద్దాం..
ఆపిల్: రోజుకో ఆపిల్ తింటే డాక్టర్ అవసరం ఉండదన్న మాట మధుమేహ వ్యాధిగ్రస్తులకు కూడా వర్తిస్తుంది. ఇందులో ఉండే పెక్టిన్ అనే ఫైబర్ చక్కెర శోషణను నెమ్మదిస్తుంది. ఆపిల్ను ఎప్పుడూ తొక్కతో సహా తినాలి. దీనివల్ల ఇన్సులిన్ నిరోధకత తగ్గి, చక్కెర స్థాయిలు స్థిరంగా ఉంటాయి.
నల్ల అంజీర్ : ఇతర పండ్లతో పోలిస్తే నల్ల అంజీర్ మధుమేహ వ్యాధిగ్రస్తులకు ఉత్తమ ఎంపిక. ఇది కేవలం చక్కెరను తగ్గించడమే కాకుండా కంటి ఆరోగ్యాన్ని కాపాడుతుంది. ఈ పండు గింజల పొడిని కూడా మధుమేహానికి మందుగా వాడుతుంటారు.
బొప్పాయి: బొప్పాయిలో ఉండే యాంటీఆక్సిడెంట్లు మధుమేహం వల్ల కలిగే ఆక్సీకరణ ఒత్తిడిని తగ్గిస్తాయి. ఇది జీర్ణక్రియను మెరుగుపరుస్తుంది. రోజుకు 100 -150 గ్రాముల బొప్పాయి ముక్కలను ఉదయం లేదా మధ్యాహ్నం తీసుకోవడం మంచిది.
నారింజ: నారింజలో విటమిన్-సి ఎక్కువగా ఉండటమే కాకుండా GI తక్కువగా ఉంటుంది. ఇందులోని పెక్టిన్ ఫైబర్ రక్తంలో చక్కెర ఆకస్మికంగా పెరగకుండా నిరోధిస్తుంది. నారింజ రసం తాగడం కంటే నేరుగా పండును తినడమే ఉత్తమం. దీనివల్ల పూర్తి ఫైబర్ అందుతుంది.
స్ట్రాబెర్రీలు: స్ట్రాబెర్రీలలో యాంటీఆక్సిడెంట్లు ఎక్కువ, కార్బోహైడ్రేట్లు తక్కువ. ఇవి తీపి తినాలనే కోరికను తగ్గించడమే కాకుండా గుండె ఆరోగ్యాన్ని కాపాడతాయి. ఇన్సులిన్ పనితీరును మెరుగుపరచడంలో ఇవి కీలక పాత్ర పోషిస్తాయి.