IND vs SL: పాక్ మాజీ కెప్టెన్ రికార్డుపై కన్నేసిన హిట్‌మ్యాన్.. యూనివర్సల్ బాస్ కూడా వెనుకంజలోనే..
Rohit Sharma Sixes Record: టీమిండియా కెప్టెన్ రోహిత్ శర్మ మరోసారి మైదానంలోకి రాబోతున్నాడు. రోహిత్ శర్మ టీ20 ప్రపంచ కప్ గెలిచిన తర్వాత ప్రస్తుతం విరామంలో ఉన్నాడు. అయితే వచ్చే నెలలో శ్రీలంకతో జరిగే వన్డే సిరీస్‌లో తిరిగి మైదానంలోకి వస్తాడు. ఈ సమయంలో రోహిత్ శర్మ తన పేరు మీద పెద్ద రికార్డు సృష్టించగలడు.
Rohit Sharma Sixes Record: టీమిండియా కెప్టెన్ రోహిత్ శర్మ మరోసారి మైదానంలోకి రాబోతున్నాడు. రోహిత్ శర్మ టీ20 ప్రపంచ కప్ గెలిచిన తర్వాత ప్రస్తుతం విరామంలో ఉన్నాడు. అయితే వచ్చే నెలలో శ్రీలంకతో జరిగే వన్డే సిరీస్‌లో తిరిగి మైదానంలోకి వస్తాడు. ఈ సమయంలో రోహిత్ శర్మ తన పేరు మీద పెద్ద రికార్డు సృష్టించగలడు. సిక్సర్ల పరంగా అతను ప్రపంచంలోని ఇతర బ్యాట్స్‌మెన్‌లను అధిగమించేందుకు సిద్ధమయ్యాడు.
రోహిత్ శర్మ భారీ సిక్సర్లకు పెట్టింది పేరు. అతను టీ20, వన్డే ఫార్మాట్లలో చాలా సిక్సర్లు కొట్టాడు. ఇప్పటి వరకు వన్డే ఫార్మాట్‌లో రోహిత్ శర్మ మొత్తం 323 సిక్సర్లు బాదాడు. ప్రపంచ క్రికెట్‌లో వన్డేల్లో అత్యధిక సిక్సర్లు బాదిన మూడో బ్యాట్స్‌మెన్‌గా నిలిచాడు.
ఈ జాబితాలో రోహిత్ శర్మ కంటే ఇద్దరు బ్యాట్స్‌మెన్స్ మాత్రమే ముందు ఉన్నారు. అతని వన్డే కెరీర్‌లో క్రిస్ గేల్, షాహిద్ అఫ్రిది మొత్తం 331 సిక్సర్లు కొట్టారు. కాగా, వన్డేల్లో అత్యధిక సిక్సర్లు బాదిన ఆటగాడిగా షాహిద్ అఫ్రిది రికార్డు సృష్టించాడు. మొత్తం 351 సిక్సర్లు కొట్టి ప్రస్తుతం అగ్రస్థానంలో కొనసాగుతున్నాడు. క్రిస్ గేల్ రికార్డును బద్దలు కొట్టాలంటే రోహిత్ శర్మకు ఇంకా 9 సిక్సర్లు మాత్రమే కావాలి. షాహిద్ అఫ్రిదీని వదిలి ప్రపంచ రికార్డు సృష్టించేందుకు రోహిత్ శర్మకు మరో 28 సిక్సర్లు అవసరం.
భారత్-శ్రీలంక మధ్య మూడు వన్డేల సిరీస్ జరగనుంది. ఇలాంటి పరిస్థితుల్లో షాహిద్ అఫ్రిది అత్యధిక సిక్సర్ల రికార్డును రోహిత్ శర్మ బద్దలు కొట్టే అవకాశం ఉంటుంది. రోహిత్ శర్మ ఒకసారి మైదానంలో స్థిరపడితే.. అతను 10-15 సిక్సర్లు కొట్టగలడు. శ్రీలంక టూర్‌లోనే షాహిద్ అఫ్రిది రికార్డులను బద్దలు కొట్టగల సత్తా అతనికి ఉంది.
ముందుగా భారత్-శ్రీలంక మధ్య మూడు మ్యాచ్‌ల టీ20 సిరీస్ జరుగుతుంది. తొలి మ్యాచ్‌ జులై 27న జరగనుంది. ప్రధాన కోచ్‌గా గౌతమ్ గంభీర్‌కి ఇదే తొలి సిరీస్. కెప్టెన్‌‌గా సూర్యకుమార్‌ యాదవ్‌ను ఎంపిక చేశారు. టీ20 సిరీస్ ముగిసిన తర్వాత వన్డే సిరీస్ జరగనుంది.