IPL 2026: ఇదెక్కడి రికార్డ్ మావా.. ఆ లిస్ట్లో ఎంట్రీ ఇచ్చిన ఛోటా ప్యాకెట్..!
IPL 2026: రాయల్ ఛాలెంజర్స్ బెంగళూరు, సన్ రైజర్స్ హైదరాబాద్ మధ్య జరిగిన మ్యాచ్ లో హైదరాబాద్ జట్టు ఘోర పరాజయం పాలైంది. ఈ మ్యాచ్ లో ఆర్సీబీపై 80 పరుగుల ఇన్నింగ్స్తో ఇషాన్ కిషన్ రికార్డుల పుస్తకాల్లో తన పేరును లిఖించుకున్నాడు. అదేంటో ఓసారి చూద్దాం..
ఆర్సీబీపై ఇషాన్ కిషన్ కేవలం 38 బంతుల్లో 80 పరుగులు చేశాడు. అతను ఇంతటి విధ్వంసకర ఇన్నింగ్స్ ఆడినప్పటికీ, జట్టు ఓడిపోయింది. అయినప్పటికీ, ఆ ఇన్నింగ్స్ ఇషాన్ కిషన్ పేరును ఒక ప్రత్యేక రికార్డు పుస్తకంలో లిఖించింది.
ఆర్సీబీపై ఇషాన్ కిషన్ ఆడిన 80 పరుగుల ఇన్నింగ్స్, అతడిని ఐపీఎల్లో 3,000 పరుగుల మైలురాయిని చేరుకునేలా చేసింది. అతను ఇప్పుడు 120 మ్యాచ్లలో 113 ఇన్నింగ్స్లలో 3,078 పరుగులు సాధించాడు. ఐపీఎల్లో అత్యంత తక్కువ బంతుల్లో 3,000 పరుగులు సాధించిన ఆరో భారత ఆటగాడు, నాల్గవ వికెట్ కీపర్గా అతను నిలిచాడు.
ఇషాన్ కిషన్ 2180 బంతుల్లో తన 3000వ ఐపీఎల్ పరుగును పూర్తి చేసి, 2203 బంతుల్లో 3000వ ఐపీఎల్ పరుగును చేరుకున్న కేఎల్ రాహుల్ను 7వ స్థానానికి నెట్టేశాడు.
రిషబ్ పంత్ 2,028 బంతుల్లో 3,000 పరుగులు సాధించి ఈ జాబితాలో అగ్రస్థానంలో నిలిచాడు. యూసుఫ్ పఠాన్ 2,082 బంతుల్లో, సూర్యకుమార్ యాదవ్ 2,130 బంతుల్లో, సురేష్ రైనా 2,135 బంతుల్లో, ధోనీ 2,152 బంతుల్లో ఈ మైలురాయిని చేరుకున్నారు.
పంత్, ధోని, కేఎల్ రాహుల్ తర్వాత అత్యంత తక్కువ బంతుల్లో 3000 ఐపీఎల్ పరుగులు పూర్తి చేసిన భారత బ్యాట్స్మెన్ల రికార్డు పుస్తకాల్లోకి ప్రవేశించిన నాల్గవ వికెట్ కీపర్గా ఇషాన్ కిషన్ నిలిచాడు.