ఆర్‌సీబీ హిట్ పెయిర్లలో కోహ్లీదే అగ్రస్థానం.. సీజన్లు మారినా, భాగస్వామ్యాలు మారినా బెంగళూరుతోనే ప్రయాణం
Virat Kohli: రాయల్ ఛాలెంజర్స్ బెంగళూరు అంటే విరాట్ కోహ్లీ. విరాట్ కోహ్లీ అంటే ఆర్‌సీబీ. కోహ్లీకి ఆర్‌సీబీతో విడదీయలేని బంధం ఏర్పడింది.
రాయల్ ఛాలెంజర్స్ బెంగళూరు అంటే విరాట్ కోహ్లీ. విరాట్ కోహ్లీ అంటే ఆర్‌సీబీ. విడదీయలేని బంధం ఆర్‌సీబీ టీంతో ఉంది. అయితే ఆర్‌సీబీ అన్ని హిట్ పెయిర్‌లు ఐపీఎల్ చూశాం. వాటిలో ఒకటి విరాట్ కోహ్లీ. సీజన్లు మారాయి, భాగస్వాములు మారారు, కానీ, విరాట్ కోహ్లీ మాత్రం ఆర్‌సీబీ కోసం నిలబడ్డాడు. ఐపీఎల్ సీజన్‌లో ఆర్‌సీబీ తరపున అత్యధిక పరుగులు చేశాడు. ఈ సమయంలో బ్యాట్స్‌మెన్‌లు మారారు. కానీ, కోహ్లీ భాగస్వామ్యంలోనే ఉన్నాడు.
విరాట్ కోహ్లీ , ఏబీ డివిలియర్స్ ఐపీఎల్ ఒక సీజన్‌లో ఆర్‌సీబీ తరఫున అత్యధిక పరుగులు చేసిన ఆటగాళ్లుగా మారారు. 2016 లో ఈ జంట భాగస్వామ్యంలో 939 పరుగులు జోడించింది.
ఆర్‌సీబీ తరఫున అత్యధిక పరుగులు చేసిన రెండవ జోడీ విరాట్ కోహ్లీ-దేవదత్ పడిక్కల్. ఈ జంట ఐపీఎల్ ప్రస్తుత సీజన్‌లో అంటే 2021 లో 601 పరుగులు చేసింది. ఈ సీజన్‌లో ఇద్దరు బ్యాట్స్‌మెన్‌లు 400 ప్లస్ పరుగులు సాధించారు.
విరాట్ కోహ్లీతో పాటు క్రిస్ గేల్ కూడా ఓపెనర్‌‌గా బరిలోకి దిగాడు. 2012 లో ఈ జంట రాయల్స్ ఛాలెంజర్స్ బెంగళూరు తరపున 593 పరుగులు చేసింది.
ఐపీఎల్ 2016 లో విరాట్ కోహ్లీ - కేఎల్ రాహుల్ జోడీ మరో హిట్ పెయిర్‌గా మారింది. విరాట్ - రాహుల్ జంట 2016లో ఆర్‌సీబీ తరపున 574 పరుగులు జోడించింది.