IND vs WI: దేశవాళీలో దంచేశారు.. ఐపీఎల్‌లో ఇరగదీశారు.. కట్‌చేస్తే.. విండీస్ పర్యటనకు ఛాన్స్ పట్టేశారు?
IND vs WI, Test Series: జులై 12 నుంచి భారత్ వర్సెస్ వెస్టిండీస్ మధ్య టెస్ట్ సిరీస్ ప్రారంభం కానుంది. ఈ సిరీస్‌కు సీనియర్లకు విశ్రాంతిని ఇచ్చి, ఐపీఎల్ వీరులను జట్టులోకి తీసుకోవాలని డిమాండ్ వినిపిస్తోంది.
Yashasvi Jaiswal and Sarfaraz Khan Stats: టీమిండియా వచ్చే నెలలో వెస్టిండీస్ టూర్‌కు వెళ్లాల్సి ఉంది. ఈ పర్యటనలో భారత జట్టు రెండు టెస్టులతో సహా మూడు వన్డేలు, 5 టీ20ల సిరీస్ ఆడాల్సి ఉంది. కాగా, రెండు టెస్టుల సిరీస్‌లో సీనియర్ ప్లేయర్లకు రెస్ట్ ఇవ్వవచ్చని అంటున్నారు. ఇటువంటి పరిస్థితిలో కొంతమంది యువ ఆటగాళ్లకు అవకాశం లభిస్తుందని అంతా భావిస్తున్నారు.
1 / 6
వెస్టిండీస్‌తో జరిగే టెస్టు సిరీస్‌లో రెగ్యులర్ కెప్టెన్ రోహిత్ శర్మ, సీనియర్ బ్యాట్స్‌మెన్ విరాట్ కోహ్లి, ఛెతేశ్వర్ పుజారా, ఫాస్ట్ బౌలర్లు మహ్మద్ షమీ, సిరాజ్‌లకు విశ్రాంతి ఇస్తారంటూ వార్తలు వస్తున్నాయి. తాజాగా మరోసారి ఈ యువ బ్యాట్స్‌మెన్స్‌కు అవకాశం కల్పించాలనే డిమాండ్ వినిపిస్తోంది.
2 / 6
రంజీ ట్రోఫీలో సర్ఫరాజ్ ఖాన్ చాలా కాలంగా పరుగులు చేస్తున్నాడు. ఈ క్రమంలో సర్ఫరాజ్ ఖాన్‌ను టెస్టు జట్టులోకి చేర్చాలని డిమాంట్లు తెరపైకి వచ్చాయి. యశస్వి జైస్వాల్‌తోపాటు, సర్ఫరాజ్ ఖాన్‌ను కూడా సుదీర్ఘ ఫార్మాట్‌లో అవకాశం కల్పించాలంటూ అటు మాజీలు, ఇటు అభిమానులు డిమాండ్ చేస్తున్నారు.
3 / 6
సర్ఫరాజ్ దేశవాళీ క్రికెట్‌లో సుదీర్ఘమైన ఫార్మాట్‌లో నిరంతరం పరుగులు చేస్తున్నాడు. మరోవైపు యశస్వి ఐపీఎల్, రంజీ, ఇండియా-ఏ, విజయ్ హజారేలలో పరుగులు సాధిస్తూ టీమ్ ఇండియా తలుపు తడుతున్నాడు.
4 / 6
ఫస్ట్ క్లాస్ క్రికెట్‌లో 37 మ్యాచ్‌లు ఆడిన సర్ఫరాజ్ ఖాన్.. దాదాపు 80 సగటుతో 3505 రన్స్ చేశాడు. 13 సెంచరీలతోపాటు 9 హాఫ్ సెంచరీలు బాదిన సర్ఫరాజ్ కాన్.. అత్యధిక స్కోరు 301 పరుగులతో అజేయంగా నిలిచి, సత్తా చాటాడు.
5 / 6
దేశవాళీ క్రికెట్‌లోని అన్ని ఫార్మాట్లలో అద్భుత ప్రదర్శన చేసిన యశస్వి జైస్వాల్.. ఫస్ట్ క్లాస్ క్రికెట్‌లో దంచి కొడుతున్నాడు. జైస్వాల్ 15 మ్యాచ్‌ల్లో 80.21 సగటుతో 1845 పరుగులు చేశాడు. 9 సెంచరీలు, 2 అర్ధ సెంచరీలు బాదేశాడు. జైస్వాల్ అత్యధిక స్కోరు 265 పరుగులు. దేశవాళీలో 50 ఓవర్ల ఫార్మాట్‌లో ఈ యంగ్ ప్లేయర్ డబుల్ సెంచరీతో సత్తా చాటాడు.
