అరటి పండ్లలో చాలా రకాలు ఉంటాయి. వీటిల్లో ఎక్కువగా చక్కెర కేళీ, సాధారణ పండ్లనే వాడుతూ ఉంటారు. కానీ అరటి పండ్లలో ఎరుపు రంగువి కూడా ఉన్నాయి. దీని తొక్క ఎరుపుగా ఉండటం వల్ల ఈ పేరు వచ్చింది. కానీ లోపల గుజ్జు పసుపు రంగులోనే ఉంటుంది. సాధారణ అరటి పండ్లతో పోల్చితే ఇందులో శరీరానికి ఉపయోగ పడే ఎన్నో పోషకాలు ఉన్నాయి.
రెడ్ కలర్ బనానా తినడం వల్ల కంటికి సంబంధించిన సమస్యలు తగ్గుతాయి. కంటి చూపు అనేది మెరుగు పడి, దృష్టి లోపాలను నివారిస్తుంది. మహిళల్లో రక్త హీనత సమస్య కూడా తగ్గుతుంది. రక్త హీనత సమస్యలు ఉన్నవారు ఈ కలర్ అరటి పండు తింటే మంచి ఫలితం ఉంటుంది.
అదే విధంగా నరాలను కూడా బలపరుస్తుంది. అరటి పండులో ఉండే కొన్ని రకాల గుణాలు.. క్యాన్సర్లతో పోరాడేందుకు సహాయ పడతాయి. సంతాన లేమి సమస్యలను కూడా తగ్గించడంలో సహాయ పడుతుందని పలు అధ్యయనాలు చెబుతున్నాయి.
అలాగే రక్త ప్రసరణ వ్యవస్థను మెరుగు పరిచి రక్త పోటును నియంత్రిస్తుంది. బ్యాడ్ కొలెస్ట్రాల్ లెవల్స్ను కరిగించి.. గుండెను ఆరోగ్యంగా ఉండేలా చేస్తుంది. శరీరంలో రోగ నిరోధక శక్తిని కూడా పెంచుతుంది. వైరస్లు, బ్యాక్టీరియాలతో పోరాడే శక్తిని ఇస్తుంది.
ఎరుపు రంగు అరటి పండులో యాంటీ ఆక్సిడెంట్లు కూడా ఎక్కువగా లభిస్తాయి. ఇవి శరీరంలోని ఉండే ఫ్రీ రాడికల్స్ను తొలగిస్తుంది. జీర్ణ క్రియను ఆరోగ్యంగా ఉంచుతుంది. ప్రేగుల్లో ఏర్పడే మంటను తగ్గిస్తుంది.