ఫిబ్రవరిలో వరుస రిలీజ్లు.. అందరి చూపు 14 పైనే
సంక్రాంతి సందడి ముగిసింది. ఈ నెలలో ఇంకా రెండు వారాలు మిగిలున్నా మేజర్ రిలీజ్లు మాత్రం కనిపించటం లేదు. దీంతో మూవీ లవర్స్ అంతా ఇప్పుడు ఫిబ్రవరి డేట్స్ కోసం వెయిట్ చేస్తున్నారు. ఫిబ్రవరిలో రెండు వారాల పాటు వరుస రిలీజ్లతో బాక్సాఫీస్ మళ్లీ కళకళలాడనుంది.
కొత్త సీజన్కు గ్రాండ్గా వెల్ కం పలికేందుకు రెడీ అవుతున్నారు యంగ్ హీరో నాగచైతన్య. తండేల్ సినిమాతో ఫస్ట్ టైమ్ పాన్ ఇండియా అటెంప్ట్ చేస్తున్నారు చైతూ.
సాయి పల్లవి హీరోయిన్గా నటిస్తున్న ఈ సినిమా ఫిబ్రవరి 7న ప్రేక్షకుల ముందుకు రానుంది. అదే డేట్కి మరే మూవీ పోటి లేకపోవటం తండేల్కు మరింత హెల్ప్ అవుతుందంటున్నారు క్రిటిక్స్.
వాలెంటైన్స్ వీక్ మీద మాత్రం చాలా మంది హీరోలు ఆశలు పెట్టుకున్నారు. నితిన్ తమ్ముడు, కిరణ్ అబ్బవరం దిల్రుబా, విశ్వక్సేన్ లైలా, బ్రహ్మా ఆనందం సినిమాలు ఫిబ్రవరి 14న ప్రేక్షకుల ముందుకు వచ్చేందుకు డేట్స్ లాక్ చేశాయి.
అయితే కొన్ని సినిమాలు ఇంకా ప్రమోషన్స్ స్టార్ట్ చేయకపోవటంతో ఈ లిస్ట్లో ఎన్ని సినిమాలు బరిలో ఉంటాయన్నది మరి కొద్ది రోజుల్లో క్లారిటీ వస్తుంది. ఈ మధ్యే ప్రమోషన్ స్టార్ట్ చేసిన సందీప్ కిషన్ కూడా ఫిబ్రవరిలోనే ఆడియన్స్ ముందుకు వచ్చేందుకు రెడీ అవుతున్నారు.
ఆల్రెడీ షూటింగ్ పూర్తి చేసుకున్న మజాకా సినిమా ఫిబ్రవరి 21న రిలీజ్ కానుంది. ఇలా జవనరి నెలల వచ్చిన గ్యాప్ను ఫిబ్రవరిలో ఫిల్ చేసేందుకు ప్లాన్ చేస్తున్నారు టాలీవుడ్ మేకర్స్.