దీపావళికి కలుద్దాం అంటున్న కుర్ర హీరోలు.. ఈ సారి పోటీ మాములుగా లేదుగా
దివాళికి చిన్న సినిమాల జాతర జరగబోతుంది. అలాగని మరీ చిన్నోళ్లైతే కాదు.. బాక్సాఫీస్ దగ్గర సరిగ్గా పేలితే కనీసం 50 కోట్లు వసూలు చేసే సత్తా ఆ సినిమాలకు ఉంది. ఎప్పట్లాగే స్టార్ హీరోలు హ్యాండివ్వడంతో.. మీడియం రేంజ్ హీరోలే ఈ దీపావళిని హ్యాండోవర్ చేసుకున్నారు. మరి ఈ పండక్కి క్రాకర్స్ పేల్చబోతున్న ఆ హీరోలెవరు..? ఈ దివాళికి ఎన్ని సినిమాలు వచ్చినా.. అగ్ర తాంబూలం మాత్రం లక్కీ భాస్కర్‌దే.
దివాళికి చిన్న సినిమాల జాతర జరగబోతుంది. అలాగని మరీ చిన్నోళ్లైతే కాదు.. బాక్సాఫీస్ దగ్గర సరిగ్గా పేలితే కనీసం 50 కోట్లు వసూలు చేసే సత్తా ఆ సినిమాలకు ఉంది. ఎప్పట్లాగే స్టార్ హీరోలు హ్యాండివ్వడంతో.. మీడియం రేంజ్ హీరోలే ఈ దీపావళిని హ్యాండోవర్ చేసుకున్నారు. మరి ఈ పండక్కి క్రాకర్స్ పేల్చబోతున్న ఆ హీరోలెవరు..?
ఈ దివాళికి ఎన్ని సినిమాలు వచ్చినా.. అగ్ర తాంబూలం మాత్రం లక్కీ భాస్కర్‌దే. వెంకీ అట్లూరి తెరకెక్కిస్తున్న ఈ సినిమాలో దుల్కర్ సల్మాన్ నటిస్తున్నారు. మహానటి, సీతారామం తర్వాత హ్యాట్రిక్‌పై కన్నేసారీయన. సితార ఎంటర్‌టైన్మెంట్స్ ఈ సినిమాను నిర్మిస్తుంది.
ఇక అక్టోబర్ 31నే లక్కీ భాస్కర్‌కు పోటీగా క అంటూ వెరైటీ టైటిల్‌తో వచ్చేస్తున్నారు కిరణ్ అబ్బవరం. కొన్నేళ్లుగా సరైన సక్సెస్ కోసం చూస్తున్నారు కిరణ్ అబ్బవరం. ఇలాంటి సమయంలో తన మార్కెట్ కంటే రెండు మూడింతలు ఎక్కువ ఖర్చుతో ఈయన చేస్తున్న పాన్ ఇండియన్ సినిమా క. సుజీత్ సందీప్ ద్వయం దీనికి దర్శకులు. ‘క’ సినిమా ప్రమోషన్స్ భారీగానే చేసుకుంటున్నారు కిరణ్.
ఈ దివాళికే రానున్న మరో సినిమా బఘీరా. దీనికి ప్రశాంత్ నీల్ బ్రాండ్ ఉంది. శ్రీ మురళీ హీరోగా నటిస్తున్న బఘీరాకు ప్రశాంత్ నీల్ కథ అందించారు.
ఇక అక్టోబర్ 31నే రాబోతున్న మరో సినిమా అమరన్. శివకార్తికేయన్, సాయి పల్లవి జంటగా నటిస్తున్న ఈ సినిమాని కమల్ హాసన్ నిర్మిస్తున్నారు. దీనిపై తెలుగులోనూ మంచి అంచనాలే ఉన్నాయి. మొత్తానికి ఈ దివాళి మీడియం రేంజ్ సినిమాలకు వరంగా మారింది.