Tollywood: హాయ్ నాన్న ఓడియమ్మా.. నుండి ఆవకాయ ఆంజనేయ.. వరకు టాలీవుడ్ అప్డేట్స్.
హాయ్ నాన్న ఓడియమ్మా.. : నాని హీరోగా శౌర్యు తెరకెక్కిస్తున్న సినిమా హాయ్ నాన్న. డిసెంబర్ 7న విడుదల కానుంది ఈ చిత్రం. తాజాగా ఈ సినిమా నుంచి ఓడియమ్మా అంటూ సాగే లిరికల్ సాంగ్ విడుదలైంది. మేకింగ్ వీడియో రిలీజ్ చేసిన ఒక్క రోజులోనే పాట కూడా విడుదల చేసారు దర్శక నిర్మాతలు. శృతి హాసన్ ఈ సినిమాలో మరో హీరోయిన్‌గా నటిస్తున్నారు. గోవాలో ఈ పాటను చిత్రీకరించారు. ఆవకాయ ఆంజనేయ..: తేజ సజ్జా హీరోగా ప్రశాంత్ వర్మ తెరకెక్కిస్తున్న సినిమా హనుమాన్.
హాయ్ నాన్న ఓడియమ్మా.. : నాని హీరోగా శౌర్యు తెరకెక్కిస్తున్న సినిమా హాయ్ నాన్న. డిసెంబర్ 7న విడుదల కానుంది ఈ చిత్రం. తాజాగా ఈ సినిమా నుంచి ఓడియమ్మా అంటూ సాగే లిరికల్ సాంగ్ విడుదలైంది. మేకింగ్ వీడియో రిలీజ్ చేసిన ఒక్క రోజులోనే పాట కూడా విడుదల చేసారు దర్శక నిర్మాతలు. శృతి హాసన్ ఈ సినిమాలో మరో హీరోయిన్‌గా నటిస్తున్నారు. గోవాలో ఈ పాటను చిత్రీకరించారు.
ఆవకాయ ఆంజనేయ..: తేజ సజ్జా హీరోగా ప్రశాంత్ వర్మ తెరకెక్కిస్తున్న సినిమా హనుమాన్. హనుమంతుడి కంటే గొప్ప సూపర్ హీరో ఎవరూ లేరనేది ఈ చిత్ర కాన్సెప్ట్. తేజ సజ్జా మార్కెట్ కంటే.. నాలుగింతలు ఎక్కువ బడ్జెట్‌తో వస్తుంది హనుమాన్. జనవరి 12న విడుదల కానుంది ఈ చిత్రం. తాజాగా ఈ సినిమా నుంచి ఆవకాయ ఆంజనేయ అంటూ సాగే పాటను విడుదల చేసారు దర్శక నిర్మాతలు.
కాలింగ్ సహస్ర..: కమెడియన్‌గా తనకంటూ ప్రత్యేక గుర్తింపు సంపాదించుకున్న సుడిగాలి సుధీర్.. ఇప్పుడు హీరోగానూ ముద్ర వేయాలనుకుంటున్నారు. ఈ క్రమంలోనే ఆయన హీరోగా నటిస్తున్న కాలింగ్ సహస్ర సినిమా డిసెంబర్ 1న విడుదల కానుంది. తాజాగా ఈ చిత్ర ప్రీ రిలీజ్ వేడుక జరిగింది. దీనికి పలువురు సినీ ప్రముఖులు హాజరయ్యారు. అరుణ్ విక్కిరాలా ఈ సినిమాతో దర్శకుడిగా పరిచయం అవుతున్నారు.
మాస్ట్రో మ్యూజిక్..: భారత స్వతంత్ర పోరాట నేపథ్యంలో చక్కటి భావోద్యేగాల మధ్య నడిచే కథతో 1920 భీమునిపట్నం చిత్రాన్ని తెరకెక్కిస్తున్నారు నరసింహా నంది. కంచర్ల ఉపేంద్ర ఈ సినిమాలో హీరోగా నటిస్తున్నారు. 1940లో ఒక గ్రామం, కమలతో నా ప్రయాణం లాంటి అవార్డ్ విన్నింగ్ సినిమాల తర్వాత నరసింహా నంది నుంచి వస్తున్న సినిమా ఇది. ఈ సినిమాకు మాస్ట్రో ఇళయరాజా సంగీతం అందిస్తున్నారు.
మోటివ్ ఫర్ మర్డర్..: నిర్మాత మోహన్ వడ్లపట్ల నిర్మిస్తూ తెరకెక్కిస్తున్న సినిమా మోటివ్ ఫర్ మర్డర్. ఈ చిత్రంలో సంబీత్ ఆచార్య, జో శర్మ జంటగా నటిస్తున్నారు. తాజాగా ఈ చిత్ర టైటిల్ టీజర్‌ను దిల్ రాజు రిలీజ్ చేశారు. టీజర్ ఆసక్తికరంగా ఉంది.. మంచి సినిమాలను ప్రేక్షకులు ఎప్పుడూ ఆదరిస్తూనే ఉంటారు.. ఈ చిత్రం పెద్ద విజయం సాధించాలని కోరుకుంటున్నానని తెలిపారు దిల్ రాజు.