Animal: భారీ అంచనాల మధ్య వచ్చేస్తున్న యానిమల్
యానిమల్ సినిమాపై అంచనాలు ఎలా ఉన్నాయో ప్రత్యేకంగా చెప్పనక్కర్లేదు. ఆ అంచనాలకు తగ్గట్లుగానే లక్ష్యాలు కూడా ఉన్నాయి. ముఖ్యంగా 4 టార్గెట్స్‌ను మోస్తూ వస్తున్నాడు యానిమల్. మరి అవేంటి.. ఈ టార్గెట్స్ యానిమల్ ఫ్యూచర్‌‌ను డిసైడ్ చేయబోతున్నాయా..? అసలు దీని అడ్వాన్స్ బుకింగ్స్ ఎలా ఉన్నాయి..? అందరి చూపు ఎన్నికలపై ఉంది కాబట్టి ఏ సినిమాలు వస్తున్నాయి.. వాటి పరిస్థితేంటి.. ఎంత కలెక్ట్ చేస్తాయనే ఆసక్తి కనిపించడం లేదు.
యానిమల్ సినిమాపై అంచనాలు ఎలా ఉన్నాయో ప్రత్యేకంగా చెప్పనక్కర్లేదు. ఆ అంచనాలకు తగ్గట్లుగానే లక్ష్యాలు కూడా ఉన్నాయి. ముఖ్యంగా 4 టార్గెట్స్‌ను మోస్తూ వస్తున్నాడు యానిమల్. మరి అవేంటి.. ఈ టార్గెట్స్ యానిమల్ ఫ్యూచర్‌‌ను డిసైడ్ చేయబోతున్నాయా..? అసలు దీని అడ్వాన్స్ బుకింగ్స్ ఎలా ఉన్నాయి..?
అందరి చూపు ఎన్నికలపై ఉంది కాబట్టి ఏ సినిమాలు వస్తున్నాయి.. వాటి పరిస్థితేంటి.. ఎంత కలెక్ట్ చేస్తాయనే ఆసక్తి కనిపించడం లేదు. కానీ తెలంగాణ దాటితే.. దేశమంతా ఇప్పుడు యానిమల్ సినిమా గురించి వేచి చూస్తుంది. డిసెంబర్ 1న ప్రపంచ వ్యాప్తంగా ఈ సినిమా విడుదల కానుంది. సందీప్ రెడ్డి వంగా దీనికి దర్శకుడు.
యానిమల్ సినిమా ముందు నాలుగు లక్ష్యాలున్నాయి. వాటిని ఎలాగైనా అందుకోవాలని చూస్తున్నారు మేకర్స్. అందులో మొదటిది ఫస్ట్ డే కలెక్షన్ రికార్డ్. ఆదిపురుష్ పేరు మీదున్న 137 కోట్ల రికార్డు లియోతో బ్రేక్ చేసారు విజయ్. దాన్నిప్పుడు యానిమల్‌తో క్రాస్ చేయాలని చూస్తున్నారు రణ్‌బీర్. దీనిపై ఉన్న అంచనాలు చూస్తుంటే ఇదేం పెద్ద కష్టం కాకపోవచ్చు.
యానిమల్ ముందున్న మరో లక్ష్యం బాలీవుడ్‌కు హిట్ ఇవ్వడం. జవాన్ తర్వాత చాలా సినిమాలు వచ్చాయి కానీ కోరుకున్న విజయం మాత్రం రాలేదు. మొన్నొచ్చిన టైగర్ 3 కూడా నిరాశ పరిచింది. దాంతో ఆ లోటు తాను తీర్చేస్తానంటున్నారు రణ్‌బీర్ కపూర్. అలాగే 500 కోట్లు.. కుదిర్తే 1000 కోట్ల క్లబ్‌లో చేరాలని కలలు కంటున్నారు.
యానిమల్ సినిమా ముందున్న మరో భారీ టార్గెట్ సందీప్ వంగా ఫ్యూచర్. కబీర్ సింగ్‌తో ఇప్పటికే హిందీలో మార్కెట్ క్రియేట్ చేసుకున్న సందీప్.. యానిమల్‌తో అక్కడే సెటిల్ అయిపోవాలని చూస్తున్నారు. మరి ఈ లక్ష్యాలన్నింటినీ యానిమల్ అందుకుంటుందా లేదా అనేది డిసెంబర్ 1న తేలనుంది.