Movies : విడుదలకు ముందే వివాదాలను ఎదుర్కొన్న సినిమాలు ఇవే..
బాలీవుడ్ బ్యూటీ అలియా భట్ నటించిన గంగూబాయ్ కతియావాడీ సినిమా పై రోజుకొక వివాదం పుట్టుకొస్తుంది. తాజాగా ఫిబ్రవరి 25న థియేటర్లలో సందడి చేయనున్న
Movies
- ‘గంగూబాయ్ కతియావాడీ’ సినిమాకు ఊహించని షాక్‌ తగిలింది. ఈ సినిమా పై గంగూబాయ్ కుటుంబసభ్యులు అసహనం వ్యక్తం చేస్తున్నారు. ఈ చిత్రంలో తన తల్లిని వేశ్యగా చూపించారని ఆరోపిస్తూ గంగూబాయ్ దత్తపుత్రుడు రావుజీ షా కోర్టుకెక్కారు.
- 2021, డిసెంబర్‌… టీమిండియా మాజీ సారథి కపిల్‌ దేవ్‌ బయోపిక్ ‘83’ మూవీ పై కూడా వివాదం తలెత్తింది. ఈ సినిమా నిర్మాతలు చీటింగ్ చేశారంటూ యునైటెడ్ అరబ్ ఎమిరేట్స్ ఫైనాన్షియల్ కంపెనీ ఫిర్యాదు చేసింది.
- 2020 అక్టోబర్‌… శ్రీలంక మాజీ క్రికెటర్, దిగ్గజ స్పిన్నర్ ముత్తయ్య మురళీధరన్ బయోపిక్ ‘800’ పై తమిళనాడులో వివాదం రేగింది. చివరికి ఈ సినిమా నుంచి తమిళ స్టార్ నటుడు విజయ్ సేతుపతి తప్పుకున్నారు.
- గతంలో వచ్చిన దేవినేని, వంగవీటి బయోపిక్‌లపై ఆంధ్రప్రదేశ్‌లో వివాదాలు చెలరేగాయి తమ అనుమతి లేకుండా సినిమాను తెరకెక్కించడంపై వారి కుటుంబ సభ్యులు ఆగ్రహం వ్యక్తం చేశారు
- ఇక 2019… నందమూరి బాలకృష్ణ తీసిన ఎన్టీఆర్ బయోపిక్‌లో నాదెండ్ల భాస్కరరావు పాత్ర విషయంలో అభ్యంతరాలు వ్యక్తం అయ్యాయి. ఇదే సినిమాలో తన పాత్రను కూడా విలన్‌గా చూపిస్తున్నారని లక్ష్మీపార్వతి ఆరోపణలు చేశారు.
- అలాగే స్వాతంత్య్ర సమరయోధుడు ఉయ్యాలవాడ నరసింహారెడ్డి జీవిత కథతో చిరంజీవి నటించిన ‘సైరా నరసింహారెడ్డి’ చిత్రం. ఈ చిత్ర కథపై కూడా వివాదం రేగింది. పన్నులు వసూళ్ల పేరుతో ప్రజలను చిత్రహింసలు పెట్టిన పాలెగాడు నరసింహారెడ్డి అని, కేవలం తమకు దక్కాల్సిన భరణాల విషయంపైనే బ్రిటీష్‌ వారిపై తిరుగుబాటు చేసిన వ్యక్తి స్వాతంత్ర సమరయోధుడు కాజాలడని వాదించారు కొంతమంది.
- 2018.. ల‌క్ష్మీస్ ఎన్టీఆర్ సినిమా లో వెన్నుపోటు పాట తో ఆర్జీవి వివాదాస్ప‌దం అయ్యింది. చంద్రబాబుని విలన్‌గా చూపించారని.. ఆ పాట పై టిడిపి శ్రేణులు ఫైర్ అయ్యారు.