Mohan Babu Birthday: డైలాగ్ కింగ్‏ను టాప్ హీరోగా నిలబెట్టిన సినిమాలు ఇవే..

ఏ పాత్రలోకైన పరకాయ ప్రవేశం చేసి..తన డైలాగ్ డెలివరీతో ఆకట్టుకునే మేనరిజం అతనిది. విలన్‏గా సినీ రంగ ప్రవేశం చేసిన ఆయన ఆ తర్వాత హీరోగా మంచి గుర్తింపు తెచ్చుకున్నాడు. కేవలం రౌడీగా, హీరోగా మాత్రమే కాకుండా.. హాస్యం పండించడంలోనూ దిట్ట. అందుకే ఆయనను డైలాగ్ కింగ్, కలెక్షన్ కింగ్ అంటుంటారు. ఈరోజు డైలాగ్ కింగ్ మోహన్ బాబు పుట్టిన రోజు నేడు. ఆయన కెరీర్‏ను మలుపు తిప్పిన సినిమాలెంటో ఇప్పుడు చూద్దాం..

  • Rajitha Chanti
  • Publish Date - 9:27 am, Fri, 19 March 21
1/11
Assembly Rowdy
'అసెంబ్లీ రౌడీ'.. 1992లో మోహన్ బాబు, దివ్యభారతి కాంబినేషన్లో వచ్చిన ఫుల్ కమర్షియల్ సినిమా అసెంబ్లీ రౌడీ. ఈ చిత్రానికి పరుచూరి మాటలు అందిచగా.. కేవి మహాదేవన్ సంగీతాన్ని.. ఏసుదాసు గాత్రాన్ని అందించారు. ఈ సినిమాకు మోహన్ బాబు నిర్మాతగా వ్యవహరించిగా.. బ్లాక్ బస్టర్ హిట్‏గా నిలిచింది.
2/11
Pedarayudu
పెదరాయుడు.. మెహన్ బాబు సినీ కెరీర్‏లో సూపర్ హిట్ సాధించిన సినిమా ఇది. దీనిని డైరెక్టర్ రవిరాజ పినిశెట్టి తెరకెక్కించగా.. ద్విపాత్రలో మోహన్ బాబు నటించగా.. సౌందర్య, భానుప్రియ హీరోయిన్లుగా నటించారు.
3/11
Alludu Garu
అల్లుడు గారు.. కె రాఘవేంద్రరావు డైరెక్షన్‏లో వచ్చిన అల్లుడుగారు మూవీ ఆడియన్స్ కి మంచి వినోదం, మెసేజ్ కూడా అందించింది. ఇందులో శోభన హీరోయిన్‏గా నటించింది. ఇందులో డైలాగ్ కింగ్ నటన ప్రేక్షకులను కట్టిపడేసింది.
4/11
Mejar Chandrakanth
మేజర్ చంద్రకాంత్..కె. రాఘవేంద్రరావు డైరెక్షన్‏లో నటసార్వభౌమ ఎన్టీఆర్ హీరోగా , మోహన్ బాబు నటించి నిర్మించిన మేజర్ చంద్రకాంత్ బిగ్గెస్ట్ హిట్ అయింది. ఇందులో రమ్యక్రిష్ణ నటించగా.. ఇందులో తండ్రికి, కొడుకు మధ్య జరిగే సన్నివేశాలు ప్రేక్షకులను ఆకట్టుకున్నాయి.
5/11
Sree Ramulaiah
1998లో విడుదలైన శ్రీరాములయ్య సూపర్ హిట్ సాధించింది. ఇందులో శ్రీహరి, నందమూరి హరికృష్ణ, సౌందర్య, కోట శ్రీనివాసరావు కీలక పాత్రల్లో నటించారు. వందేమాతం అందించిన సంగీతం సినిమాకు మరో హైలెట్‏గా నిలిచింది.
6/11
Allari Mogudu
మీనా , రమ్యకృష్ణ లతో మోహన్ బాబు కలిసి నటించిన అల్లరి మొగుడు దర్శకేంద్రుడు రాఘవేంద్రరావు డైరెక్షన్‎లో రూపుదిద్దుకుని మంచి హిట్ కొట్టింది. దీనికి ఎంఎం కీరవాణి సంగీతాన్ని అందించారు.
7/11
Rowday Gari Pellam
1991లో వచ్చిన రౌడీగారి పెళ్ళాం మూవీ కూడా మంచి టాక్ తెచ్చుకుంది. శోభన్ హీరోయిన్ గా నటించిన ఈ సినిమాలో మోహన్ బాబు విభిన్న పాత్రతో మెప్పించాడు.
8/11
Brahma
1992లో వచ్చిన బ్రహ్మ మూవీ కూడా మంచి పేరు తెచ్చుకుంది. బప్పీలహరి సంగీతం అందించిన ఈసినిమా సాంగ్స్ హిట్.
9/11
Adavilo Anna
మోహన్ బాబు మరో విభిన్న పాత్రలో అలరించిన మూవీ.. 'అడవిలో అన్న'. ఈ సినిమాకు వి.గోపాల్ దర్శకత్వం వహించారు. ఇందులో వందనాలమ్మ పాట సూపర్ హిట్ అయ్యింది.
10/11
Rayalaseema Ramanna Chowdar
2000లో వచ్చిన రాయలసీమ రామన్న చౌదరి మూవీ లో మోహన్ బాబు నటన సూపర్ అనిపించుకుంది. జయసుధ, చంద్రమోహన్ , ఇతర పాత్రల్లో నటించగా మోహన్ బాబు నటన విశ్వరుపాన్ని ఈ సినిమాలో చూడొచ్చు.
11/11
Post Man
సౌందర్యతో కలసి నటించిన పోస్ట్ మ్యాన్ మూవీ కూడా బాగా అలరించింది. అల్లరి పోలీస్, చిట్టెమ్మ మొగుడు,కుంతీ పుత్రుడు, ధర్మ పోరాటం మూవీస్ కూడా బాగానే పేరుతెచ్చుకున్నాయి.