Chiranjeevi: ఆలోచనలతోనే బ్లాక్ బస్టర్ టాక్.. చిరు ప్లాన్ నెక్స్ట్ లెవెల్..
ఓ వైపు ఫ్రెష్ కాంబోస్, మరో వైపు హిట్ కాంబోస్తో దూసుకుపోవాలని ఫిక్సయ్యారు మెగాస్టార్. యాక్షన్ దాకా ఎందుకు, ఆలోచనలతోనే బ్లాక్ బస్టర్ టాక్ తెచ్చేసుకుంటున్నారు చిరంజీవి. యంగ్స్టర్స్కి నయా పోటీ నేనే అన్నట్టుంది ఆయన దూకుడు. వాల్తేరు వీరయ్య కెప్టెన్కి చిరు గ్రీన్ సిగ్నల్ ఇచ్చేశారన్నది లేటెస్ట్ మెగా న్యూస్.
వాల్తేరు వీరయ్యతో ఆ మధ్య మళ్లీ మంచి హిట్ అందుకున్నారు మెగాబాస్ చిరంజీవి. ఉత్తరాంధ్ర యాసలో బాస్ ఇరగదీశారంటూ ఇన్స్టంట్గా యాక్సెప్ట్ చేశారు జనాలు. చిరు కామెడీ టైమింగ్ మాత్రమే కాదు, యాక్షన్ బ్లాక్స్ కూడా వావ్ అనిపించాయి మూవీలో.
అంతగా ఫ్యాన్స్కి నచ్చేలా సినిమా చేసిన బాబీకి మరో అవకాశం ఇవ్వాలని ఫిక్సయ్యారట చిరు. రీసెంట్గా బాబీ చెప్పిన కథ నచ్చడంతో వెంటనే మూవీ చేయడానికి ఓకే చెప్పేశారన్నది హాట్ న్యూస్.
విశ్వంభర పోస్ట్ ప్రొడక్షన్ పనులు ఫుల్ స్వింగులో జరుగుతున్నాయి. ఈ ఏడాది జనవరికి రావాల్సిన మూవీ విశ్వంభర. ఎప్పుడు స్క్రీన్స్ మీదకు తీసుకొస్తారని వెయిట్ చేస్తున్నారు జనాలు. ఎప్పుడొచ్చినా ఫుల్ మీల్స్ గ్యారంటీ అనే ధీమా కనిపిస్తోంది డైరక్టర్ వశిష్టలో.
మరో వైపు మెగా అనిల్ సినిమా పనులు స్టార్ట్ అయ్యాయి. వింటేజ్ చిరంజీవిలో ప్రేక్షకులు ఏయే అంశాలను ఇష్టపడ్డారో వాటన్నిటినీ ఈ ప్రాజెక్టులో ఇంక్లూడ్ చేయడానికి రెడీ అయిపోయారు అనిల్ రావిపూడి. ఆ మధ్య రిలీజ్ చేసిన వీడియోలోనూ ఈ వైబ్ స్పష్టంగా కనిపించింది.
అనిల్ సినిమా కంప్లీట్ కాగానే, బాబీ సినిమా సెట్స్ కి వెళ్లాలన్నది ప్రస్తుతానికి ప్లాన్ అట. సో, ఓ వైపు అనిల్, వశిష్టలాంటి నయా కాంబోస్, మరోవైపు బాబీలాంటి ప్రీవియస్ కాంబినేషన్లతో దూకుడుమీదున్నారు మెగాబాస్.