Meenakshi Chaudhary : స్టార్ హీరోతో డేటింగ్.. పెళ్లి పై క్లారిటీ ఇచ్చిన మీనాక్షి చౌదరి..
మీనాక్షి చౌదరి.. ప్రస్తుతం సౌత్ ఇండస్ట్రీలో విపరీతమైన డిమాండ్ ఉన్న హీరోయిన్. బ్యాక్ టూ బ్యాక్ వరుస విజయాలను అందుకుంటూ ఇండస్ట్రీలో దూసుకుపోతుంది. గతేడాది ఈ బ్యూటీ చేతినిండా సినిమాలతో ఫుల్ బిజీగా ఉండిపోయింది. తాజాగా తన పెళ్లిపై ఆసక్తికర కామెంట్స్ చేసింది.
తెలుగు సినీప్రియులకు ప్రత్యేకంగా పరిచయం అక్కర్లేని పేరు మీనాక్షి చౌదరి. ఇప్పుడు టాలీవుడ్ ఇండస్ట్రీలో మోస్ట్ డిమాండ్ హీరోయిన్లలో ఆమె ఒకరు. గతేడాది సంక్రాంతి పండక్కి వెంకీతో కలిసి బ్లాక్ బస్టర్ హిట్ అందుకున్న ఈ అమ్మడు ఈసారి పండక్కి మరోసారి సందడి చేయనుంది.
యంగ్ హీరో నవీన్ పోలిశెట్టి సరసన అనగనగా ఒక రాజు చిత్రంలో నటిస్తుంది. ఈ సినిమాను జనవరి 14న విడుదల చేయనున్నారు మేకర్స్. ఈ క్రమంలోనే కొద్ది రోజులుగా వరుస ప్రమోషన్లలో పాల్గొంటూ ఇంటర్వ్యూలు ఇస్తుంది మీనాక్షి చౌదరి.
తాజాగా ఓ ఇంటర్వ్యూలో పాల్గొన్న మీనాక్షి.. తన పెళ్లి గురించి వస్తున్న రూమర్స్ పై స్పందించింది. లక్కీ భాస్కర్ సినిమా తర్వాత తల్లి పాత్రలు చేయడానికి తనకు ఆసక్తి లేదని వస్తున్న రూమర్స్ నిజమేనా అడగ్గా.. రూమర్స్ ఎలా వస్తాయో తెలియదని అన్నారు.
అలాంటి కామెంట్స్ తాను ఎక్కడా చేయలేదని.. కథ, పాత్రకు మాత్రమే తాను ప్రాధాన్యమిస్తానని.. కథ బాగుంటే ఎలాంటి పాత్రలోనైనా చేస్తానని అన్నారు. అలాగే తాను ఓ హీరోతో ప్రేమలో ఉన్నానని.. పెళ్లి చేసుకుంటానని వార్తలు వచ్చాయని అన్నారు.
అలాంటి రూమర్స్ విని తాను అలసిపోయానని.. వాటిలో నిజం లేదని.. ఇప్పుడే పెళ్లి చేసుకోవడం తనకు అసలు ఇష్టమే లేదని అన్నారు మీనాక్షి. ప్రస్తుతం ఆమె చేతినిండా సినిమాలతో ఫుల్ బిజీగా ఉన్నారు.