Tollywood Heroines: టాలీవుడ్ హీరోయిన్లపై పెళ్లి రూమర్స్..!సాయి పల్లవి కూడా కోపమొచ్చింది.
ఆ హీరోయిన్లకు పెళ్లిళ్లు ఎప్పుడు అవుతాయో తెలియదు కానీ రోజూ సోషల్ మీడియాలో మాత్రం వాళ్లకు పెళ్లిళ్ళు అవుతూనే ఉన్నాయి. ఒక్కరో ఇద్దరో కాదు.. ఏకంగా నలుగురు హీరోయిన్లపై పెళ్లి రూమర్స్ వారంలో రెండుమూడు సార్లు చెక్కర్లు కొడుతున్నాయి. పోనీ అది నిజమా అంటే అన్నీ రూమర్సే అంటున్నారు. అసలు నిప్పు లేకుండా పొగ ఎలా వస్తుంది..? హీరోయిన్స్ మ్యారేజ్.. ఈ పదానికి ఇండస్ట్రీలో చాలా డిమాండ్ ఉంటుంది.
ఆ హీరోయిన్లకు పెళ్లిళ్లు ఎప్పుడు అవుతాయో తెలియదు కానీ రోజూ సోషల్ మీడియాలో మాత్రం వాళ్లకు పెళ్లిళ్ళు అవుతూనే ఉన్నాయి. ఒక్కరో ఇద్దరో కాదు.. ఏకంగా నలుగురు హీరోయిన్లపై పెళ్లి రూమర్స్ వారంలో రెండుమూడు సార్లు చెక్కర్లు కొడుతున్నాయి. పోనీ అది నిజమా అంటే అన్నీ రూమర్సే అంటున్నారు.
అసలు నిప్పు లేకుండా పొగ ఎలా వస్తుంది..? హీరోయిన్స్ మ్యారేజ్.. ఈ పదానికి ఇండస్ట్రీలో చాలా డిమాండ్ ఉంటుంది. ఎవరైనా హీరోయిన్ పెళ్లికి రెడీ అవుతున్నారంటే ఎక్కడలేని క్రేజ్ వచ్చేస్తుంది.. అదే క్రేజీ హీరోయిన్ మ్యారేజ్ బెల్స్ అంటే చెప్పనక్కర్లేదు. అయితే నిప్పులేని పొగలా కొందరు హీరోయిన్ల పెళ్లిళ్లపై రోజూ గాసిప్స్ వైరల్ అవుతున్నాయి.
అందులో సాయి పల్లవి, త్రిష పేర్లు ఎక్కువగా వినిపిస్తున్నాయి. సాయి పల్లవి పెళ్లిపై కొన్ని రోజులుగా వార్తలొస్తూనే ఉన్నాయి. అయితే వీటిపై ఎప్పుడూ స్పందించలేదు ఈ బ్యూటీ. తాజాగా ఓ దర్శకుడితో పెళ్లి అంటూ ఫోటోలు కొన్ని బయటికి వచ్చాయి. అవి వైరలవ్వడంతో.. ఎప్పుడూ స్పందించని ఫిదా బ్యూటీ స్పందించారు.
తన సినిమా పూజా కార్యక్రమంలో ఉన్న ఫోటోలను కావాలనే క్రాప్ చేసి విడుదల చేసారని.. రూమర్స్ పట్టించుకోకపోయినా కుటుంబం వరకు వస్తే స్పందిస్తానని చెప్పారు సాయి పల్లవి. మరోవైపు త్రిష పెళ్లిపై ఎప్పటికప్పుడు వార్తలు వస్తూనే ఉంటాయి.
అప్పట్లో ఓ బిజినెస్ మెన్‌తో ఎంగేజ్‌మెంట్ క్యాన్సిల్ చేసుకున్నారు త్రిష. అప్పట్నుంచి ఈమె పెళ్లిపై గాసిప్స్ వస్తూనే ఉన్నాయి. ఈ మధ్య మరోసారి అదే తరహా రూమర్స్ వచ్చాయి. దాంతో ఈ విషయంపై ట్వీట్ చేసారు త్రిష.చీప్ రూమర్స్ స్ప్రెడ్ చేయడం మానేయాలంటూ సీరియస్ అయ్యారు ఈ బ్యూటీ. సాయి పల్లవి, త్రిష మాత్రమే కాదు..
అనుష్క శెట్టి పెళ్లిపై ఎప్పుడూ రూమర్స్ వస్తూనే ఉంటాయి. మొదట్లో వీటిపై స్పందించిన స్వీటీ.. ఓ దశ తర్వాత కనీసం వాటిని పట్టించుకోవడం కూడా మానేసారు. నచ్చినవాడు దొరికినపుడు చేసుకుంటానంటూ సమాధానం దాటేస్తున్నారు అనుష్క. ఇక రష్మిక మందన్న అయితే తానింకా చిన్నపిల్లనే అంటున్నారు. మొత్తానికి వీళ్లెన్ని చెప్పినా.. వచ్చే రూమర్స్ మాత్రం వస్తూనే ఉంటాయి.