Tollywood : సూర్య, ధనుష్ సినిమాల్లో క్రేజీ హీరోయిన్.. ఒక్క సినిమాతో అమ్మడు క్రేజ్ మారిపోయిందిగా..
ఒక్క సినిమాతోనే సౌత్ ఇండస్ట్రీలో స్టార్ డమ్ సంపాదించుకుంది. బ్యాక్ టూ బ్యాక్ చిత్రాలతో సినీప్రియులను కట్టిపడేసింది. కట్ చేస్తే.. కోలీవుడ్ స్టార్ హీరోస్ సూర్య, ధనుష్ సినిమాల్లో ఛాన్స్. ఇప్పుడు తమిళంలో ఒకటి రెండు చిత్రాల్లో నటిస్తున్న ఈ వయ్యారి.. సరైన బ్రేక్ కోసం వెయిట్ చేస్తుంది. ఈ క్రమంలోనే తాజాగా ఈ బ్యూటీకి మరిన్ని ఛాన్సులు క్యూ కట్టినట్లు సమాచారం.
ధనుష్, సూర్య తమిళ చిత్రపరిశ్రమలో బిజీ హీరోలు. ఇద్దరు ఎన్నో సూపర్ హిట్ చిత్రాల్లో నటించి ఇండస్ట్రీలో తమదైన ముద్ర వేశారు. కానీ ఈ ఇద్దరు హీరోల సినిమాల్లో ఇప్పుడు 23 ఏళ్ల కుర్ర హీరోయిన్ నటించేందుకు రెడీ అయినట్లు సమాచారం.
ఆమె మరెవరో కాదు.. హీరోయిన్ మమితా బైజు. మలయాళీ చిత్రపరిశ్రమలో చాలా కాలంగా సరైన బ్రేక్ కోసం ఎదురుచూస్తుంది. ఈ క్రమంలోనే ప్రేమలు సినిమాతో సౌత్ ఇండస్ట్రీలో ఊహించని రెస్పాన్స్ అందుకుంది ఈ వయ్యారి.
దీంతో ఆమెకు తెలుగు, తమిళంలో వరుస ఆఫర్స్ క్యూ కట్టాయి. కానీ తన వద్దకు వచ్చిన క్రేజీ ఆఫర్లను రిజెక్ట్ చేసింది ఈ ముద్దుగుమ్మ. మమితా బైజుకు తమిళంలో వరుసగా 2 జాక్ పాట్ అవకాశాలు వచ్చాయి. రెండు సినిమాల్లో ఆమె ప్రధాన పాత్ర.
సూర్య హీరోగా, డైరెక్టర్ వెంకీ అట్లూరి దర్శకత్వం వహించనున్న సినిమాలో ముందుగా మమిత బైజును ఎంపిక చేశారట. ఈ సినిమాలో సూర్య సరసన మమితా కనిపించనుందని అంటున్నారు.
అలాగే ధనుష్ హీరోగా రాబోతున్న కొత్త ప్రాజెక్టులోనూ ఈ ముద్దుగుమ్మను సెలక్ట్ చేశారని సమాచారం. ప్రస్తుతం తమిళంలో విజయ్ దళపతి నటిస్తోన్న జననాయకన్ సినిమాలో నటిస్తుంది మమితా.