Film Shootings: షూటింగ్స్ తో బిజీగా ఉన్న టాలీవుడ్.. ఏ లొకేషన్స్ లో జరుగుతున్నాయంటే..
వారం తిరిగేసరికి లొకేషన్లు మారిపోతుంటాయి. లాస్ట్ వీక్‌ హైదరాబాద్‌లో ఉన్న స్టార్స్ కొందరు, ఈ వారం ఔట్‌డోర్లకు షిఫ్ట్ అయ్యారు. ఇంకొందరేమో, లోకల్‌ లొకేషన్లలోనే చకచకా షూటింగ్ పూర్తి చేస్తున్నారు. పుష్ప ఎక్కడున్నాడు? దేవర ఏం చేస్తున్నాడు? కొత్త సినిమాల కబుర్లేంటి? చూసేద్దాం రండి. ఆ మధ్య నేషనల్‌ అవార్డు తీసుకోవడం కోసం, ఈ మధ్య వరుణ్‌ తేజ్‌ పెళ్లి కోసం కొన్నాళ్లు పుష్ప సీక్వెల్‌ షూటింగ్ నుంచి సెలవు తీసుకున్నారు అల్లు అర్జున్‌.
ఆ మధ్య నేషనల్‌ అవార్డు తీసుకోవడం కోసం, ఈ మధ్య వరుణ్‌ తేజ్‌ పెళ్లి కోసం కొన్నాళ్లు పుష్ప సీక్వెల్‌ షూటింగ్ నుంచి సెలవు తీసుకున్నారు అల్లు అర్జున్‌. ఇప్పుడు బ్యాక్‌ టు వర్క్ అనేశారు. సుకుమార్‌ సెట్స్ లో జాయిన్‌ అయ్యారు బన్నీ. రామోజీ ఫిల్మ్ సిటీలో జరుగుతోంది ఈషూటింగ్‌. పుష్ప నేను లోకల్‌ అంటుంటే, నాన్‌ లోకల్‌ మంత్రాన్ని జపిస్తున్నారు అక్కినేని నాగార్జున. ఆయన నటిస్తున్న నా సామి రంగ షూటింగ్ ప్రస్తుతం మైసూర్‌లో జరుగుతోంది.
రీసెంట్‌గా భగవంత్‌ కేసరితో చానా ఏళ్లు యాదుండే ప్రయత్నం చేశారు నందమూరి బాలకృష్ణ. ఆ సినిమా పోస్ట్ రిలీజ్‌ ప్రమోషన్లను కంప్లీట్‌ చేసేసి, ఇప్పుడు బాబీ సినిమా సెట్స్ కి వెళ్తున్నారు. ఈ సినిమా ఫస్ట్ షెడ్యూల్‌ ఈ నెల 8 నుంచి బీహెచ్ఈఎల్‌లో జరగనుంది. బర్త్ డే వీక్‌ జోష్‌ని ఆస్వాదిస్తున్న కమల్‌హాసన్‌, ఈ నెల 8 నుంచి విజయవాడలో భారతీయుడు2 షూట్‌లో పార్టిసిపేట్‌ చేస్తారు.
దసరాకు టైగర్‌ నాగేశ్వరరావు రిలీజ్‌ చేశారు రవితేజ. ఆ సినిమా రిజల్ట్ ని పట్టించుకోకుండా వాట్‌ నెక్స్ట్ అంటూ పనిలో మునిగిపోయారు. గోపీచంద్‌ మలినేని దర్శకత్వంలో మూవీ చేస్తున్నారు. ప్రస్తుతం అన్నపూర్ణ సెవన్‌ ఏకర్స్ లో షూటింగ్ జరుగుతోంది.
రామోజీ ఫిల్మ్ సిటీలో ఎక్స్ ట్రా ఆర్డినరీ మేన్‌ షూటింగ్‌లో బిజీగా ఉన్నారు యంగ్‌స్టర్‌ నితిన్‌. రౌడీ హీరో విజయ్ దేవరకొండ సినిమా షూటింగ్ హైదరాబాద్‌లో జరుగుతోంది. పరశురాం దర్శకత్వం వహిస్తున్న ఈ చిత్రం షూటింగ్ సైనికపురి వాయుపురి కాలనిలో జరుగుతుంది.
ఇక తారక్‌తో కొరటాల శివ తెరకెక్కిస్తున్న దేవర సినిమా షూటింగ్ నాన్‌స్టాప్‌గా గోవా లో జరుగుతోంది. ఈ చిత్రంలో జాన్వీ కపూర్ కథానాయకి. సైఫ్ అలీ ఖాన్ నెగటివ్ రోల్ లో నటిస్తున్నారు.