నార్త్ లో సల్మాన్కీ, సౌత్లో ప్రభాస్కీ అద్భుతమైన పోలిక చూపించారు ఆదిపురుష్ కెప్టెన్. ఇంతకీ ఓమ్ రవుత్ ఏమన్నారు? ప్రభాస్ ప్రొడ్యూసర్లకు ఆ మాట ఎలాంటి బూస్ట్ ఇచ్చింది?
హిట్టూ, ఫ్లాపులతో సంబంధం లేకుండా చెలరేగిపోవచ్చనే కాన్ఫిడెన్స్ ఇచ్చిందెవరు.? ఆదిపురుష్ సినిమాకు డిజాస్టర్ టాక్ వచ్చింది. మర్యాద పురుషోత్తముడు అలా ఉండటం ఏంటి?
రావణాసురుడి కేరక్టర్ని అలా తీర్చిదిద్దారేంటి? అసలు ఇది రామాయణ కథేనా? అంటూ ఎవరికి నచ్చినరీతిలో వాళ్లు డైరక్ట్ గా విమర్శించారు. అయినా కాసులు కురిపించింది ఈ మూవీ.
రాధేశ్యామ్ విషయంలోనూ అదే జరిగింది. అందుకే నార్త్ లో సల్మాన్, సౌత్లో ప్రభాస్, హిట్లూ ఫ్లాప్లకూ అతీతులు. వాళ్లు సినిమాలో ఉన్నారంటే చాలు.. కాసులు కురవడం ఖాయం అని అన్నారు ఓం రవుత్.
ఆ మధ్య ప్రభాస్ సినిమాలు ఒకట్రెండూ అటూ ఇటూ టాక్ తెచ్చుకున్నా, బడ్జెట్లో ఏమాత్రం కోత లేకుండా భారీగా ఖర్చుపెట్టిన నిర్మాతల కాన్ఫిడెన్స్ కూడా.. సక్సెస్ ఖాయం అన్నదే. ఇప్పుడైతే ప్రభాస్ కెరీర్ ట్రాక్ ఎక్కినట్టే.
సలార్తో సక్సెస్ చూశారు. రీసెంట్గా కల్కితో మరోసారి వెయ్యి కోట్ల క్లబ్లోకి ఎంట్రీ ఇచ్చేశారు. సో సక్సెస్ మీదున్నారు డార్లింగ్. ఇప్పుడు అదే జోరులో సినిమాలు చేస్తున్నారు. సరైన సక్సెస్ కోసం వెయిట్ చేస్తోంది పీపుల్ మీడియా ఫ్యాక్టరీ.
ఈ బ్యానర్లోనే తెరకెక్కుతోంది డార్లింగ్ రాజాసాబ్. ఆల్రెడీ నాన్స్టాప్గా షూటింగ్ చేస్తున్నారు. నెక్స్ట్ సమ్మర్కి సక్సెస్ఫుల్గా ఈ ప్రాజెక్టుతో ల్యాండ్ అవుతారా డార్లింగ్.. అని ఎదురుచూపులు మెండుగానే కనిపిస్తున్నాయి.