Movie Update: భయపెడుతున్న చంద్రముఖి 2 ట్రైలర్.. పొంగల్ రేసులో శివకార్తికేయన్..
లారెన్స్, కంగన రనౌత్ ప్రధాన పాత్రల్లో సీనియర్ దర్శకుడు పి వాసు తెరకెక్కిస్తున్న సినిమా చంద్రముఖి 2. ఫ్యామిలీ సినిమాల దర్శకుడు శ్రీకాంత్ అడ్డాల పూర్తిగా తన రూట్ మార్చేసారు. చాలా సెన్సిటీవ్‌ సబ్జెక్ట్‌ను ఎంచుకున్నారు. పెదకాపు పేరుతో సినిమా చేస్తున్నారీయన. బి చిత్రంతో సెన్సేషనల్ బ్లాక్‌బస్టర్ అందుకున్న విరాజ్ అశ్విన్ హీరోగా న‌టిస్తున్న తాజా చిత్రం జోరుగా హుషారుగా. పూజిత పొన్నాడ ఇందులో హీరోయిన్. శివకార్తికేయన్ హీరోగా ఆర్ రవికుమార్ తెరకెక్కిస్తున్న సైన్స్ ఫిక్షన్ ఫాంటసీ కామెడీ అయాలన్. భరత్‌, విషికా లక్ష్మణ్‌ కీలక పాత్రల్లో గంగాధర.టీ దర్శకత్వంలో తెరకెక్కుతున్న చిత్రం ‘ఏందిరా ఈ పంచాయితీ’.
చంద్రముఖి 2 ట్రైలర్.. లారెన్స్, కంగన రనౌత్ ప్రధాన పాత్రల్లో సీనియర్ దర్శకుడు పి వాసు తెరకెక్కిస్తున్న సినిమా చంద్రముఖి 2. సెప్టెంబర్ 28న ప్రపంచ వ్యాప్తంగా విడుదల కానుంది ఈ చిత్రం. తాజాగా ఈ చిత్ర ప్రెస్ మీట్ హైదరాబాద్‌లో జరిగింది. దీనికి లారెన్స్, కంగన సహా చిత్ర యూనిట్ అంతా హాజరయ్యారు. తాజాగా ఈ చిత్ర రిలీజ్ ట్రైలర్ విడుదల చేసారు మేకర్స్.
పెదకాపు ప్రీ రిలీజ్.. ఫ్యామిలీ సినిమాల దర్శకుడు శ్రీకాంత్ అడ్డాల పూర్తిగా తన రూట్ మార్చేసారు. చాలా సెన్సిటీవ్‌ సబ్జెక్ట్‌ను ఎంచుకున్నారు. పెదకాపు పేరుతో సినిమా చేస్తున్నారీయన. ఇప్పటికే విడుదలైన ఫస్ట్ లుక్, టీజర్‌కు రెస్పాన్స్ బాగానే వచ్చింది. తాజాగా ఈ సినిమా ప్రీ రిలీజ్ వేడుక జరిగింది. దీనికి సుకుమార్ ముఖ్య అతిథిగా హాజరయ్యారు. కుల రాజకీయాలను బాగానే చూపించారు శ్రీకాంత్. ఎవరి మనోభావాలను నొప్పించకుండా శ్రీకాంత్ అడ్డాల ఈ సినిమా తీశారో తెలియాలంటే సెప్టెంబర్ 29 వరకు ఆగాల్సిందే.
జోరుగా హుషారుగా.. బేబి చిత్రంతో సెన్సేషనల్ బ్లాక్‌బస్టర్ అందుకున్న విరాజ్ అశ్విన్ హీరోగా న‌టిస్తున్న తాజా చిత్రం జోరుగా హుషారుగా. పూజిత పొన్నాడ ఇందులో హీరోయిన్. అను ప్ర‌సాద్ తెరకెక్కిస్తున్న ఈ చిత్రాన్ని శిఖ‌ర అండ్ అక్ష‌ర ఆర్స్స్ ఎల్ఎల్‌పీ ప‌తాకంపై నిరీష్ తిరువిధుల నిర్మిస్తున్నారు. యూత్‌ఫుల్ ఫ్యామిలీఎంట‌ర్‌టైన‌ర్‌గా రూపొందుతున్న ఈ చిత్రం నుంచి యువరాణి అంటూ సాగే లిరికల్ వీడియోను హీరో శ్రీ‌విష్ణు విడుదల చేశారు.
పొంగల్ రేసులో శివకార్తికేయన్.. శివకార్తికేయన్ హీరోగా ఆర్ రవికుమార్ తెరకెక్కిస్తున్న సైన్స్ ఫిక్షన్ ఫాంటసీ కామెడీ అయాలన్. ఈ సినిమా సంక్రాంతికి విడుదల కానుందంటూ కన్ఫర్మ్ చేసారు దర్శక నిర్మాతలు. ముందు నవంబర్ అనుకున్నా.. తాజాగా పొంగల్ రేసులోకి ఎంట్రీ ఇచ్చింది అయాలన్. తమిళంలో కాకపోయినా తెలుగులో అయితే పండక్కి చాలా పోటీ ఉంది. ఇంత పోటీలోనూ తెలుగులో అప్పుడే విడుదల చేస్తున్నారు దర్శక నిర్మాతలు.
ఏందిరా ఈ పంచాయితీ.. భరత్‌, విషికా లక్ష్మణ్‌ కీలక పాత్రల్లో గంగాధర.టీ దర్శకత్వంలో తెరకెక్కుతున్న చిత్రం ‘ఏందిరా ఈ పంచాయితీ’. సహజత్వానికి దగ్గరగా వుండే కథతో, పాత్రలతో ఈ సినిమాను రూపొందిస్తున్నట్లు తెలిపారు మేకర్స్. తాజాగా ఈ సినిమా నుంచి కేఎస్ చిత్ర పాడిన కథ కాదు అనే లిరికల్ సాంగ్ విడుదలైంది. సినిమా త్వరలోనే రిలీజ్ కానుంది.