December Clash: ఇద్దరు రాజుల మధ్య సినిమా యుద్ధం.. చూడడానికి ప్రేక్షకులంతా సిద్ధం..
ఈ డిసెంబర్‌లో ఇండియన్ సిల్వర్‌ స్క్రీన్‌ బిగ్గెస్ట్‌ ఎవ్వర్ క్లాష్‌ను విట్నెస్ చేస్తోంది. వెయ్యి కోట్ల వసూళ్లు సాధించే సత్తా ఉన్న ఇద్దరు టాప్ స్టార్స్ ఒక్క రోజు గ్యాప్‌లో థియేటర్లలోకి వస్తుండటంతో ఏ సినిమా రిజల్ట్ ఎలా ఉండబోతోంది అన్నది ఆసక్తికరంగా మారింది. ఇంత భారీ ఫైట్‌లో చిన్న సినిమాతో బరిలో దిగుతున్నారు మరో సూపర్ స్టార్. షూటింగ్ మొదలైనప్పుడే రిలీజ్ డేట్‌ను లాక్ చేసింది డంకీ టీమ్‌. ప్రభాస్‌, ప్రశాంత్ నీల్ కాంబినేషన్‌లో తెరకెక్కుతున్న సలార్ మీద మీద సౌత్‌ నార్త్ ఇండస్ట్రీల్లో భారీ అంచనాలు ఉన్నాయి.
ఈ డిసెంబర్‌లో ఇండియన్ సిల్వర్‌ స్క్రీన్‌ బిగ్గెస్ట్‌ ఎవ్వర్ క్లాష్‌ను విట్నెస్ చేస్తోంది. వెయ్యి కోట్ల వసూళ్లు సాధించే సత్తా ఉన్న ఇద్దరు టాప్ స్టార్స్ ఒక్క రోజు గ్యాప్‌లో థియేటర్లలోకి వస్తుండటంతో ఏ సినిమా రిజల్ట్ ఎలా ఉండబోతోంది అన్నది ఆసక్తికరంగా మారింది. ఇంత భారీ ఫైట్‌లో చిన్న సినిమాతో బరిలో దిగుతున్నారు మరో సూపర్ స్టార్.
షూటింగ్ మొదలైనప్పుడే రిలీజ్ డేట్‌ను లాక్ చేసింది డంకీ టీమ్‌. ఫస్ట్ టైమ్‌ కింగ్ ఖాన్ షారూఖ్‌ ఖాన్, సక్సెస్ ఫుల్ డైరెక్టర్ రాజ్‌కుమార్‌ హిరానీ కాంబినేషన్‌లో తెరకెక్కుతున్న సినిమా కావటంతో డంకీ మీద భారీ అంచనాలు ఉన్నాయి. ఆల్రెడీ పఠాన్‌, జవాన్ సినిమాలతో వెయ్యి కోట్ల మార్క్‌ను టచ్ చేసిన బాద్‌ షా, డిసెంబర్ 21న డంకీతో హ్యాట్రిక్ కొట్టడం ఖాయం అంటున్నారు ఫ్యాన్స్.
ప్రభాస్‌, ప్రశాంత్ నీల్ కాంబినేషన్‌లో తెరకెక్కుతున్న సలార్ మీద మీద సౌత్‌ నార్త్ ఇండస్ట్రీల్లో భారీ అంచనాలు ఉన్నాయి. అందుకు తగ్గట్టుగా తొలి భాగాన్ని భారీ యాక్షన్ థ్రిల్లర్‌గా రూపొందించారు ప్రశాంత్. అందుకే డంకీ బరిలో ఉన్నా... ఏ మాత్రం వెనక్కి తగ్గకుండా డిసెంబర్ 22న థియేటర్లలోకి వచ్చేందుకు రెడీ అవుతోంది సలార్ టీమ్‌.
ఇంత భారీ పోటిలోకి సడన్ ఎంట్రీ ఇచ్చారు మలయాళ సూపర్ స్టార్ మోహన్లాల్. దృశ్యం సిరీస్‌లో తనకు రెండు బ్లాక్ బస్టర్స్ ఇచ్చిన జీతూ జోసెఫ్ దర్శకత్వంలో తెరకెక్కుతున్న నెరు సినిమాను డిసెంబర్ 21న రిలీజ్ చేస్తున్నట్టుగా ప్రకటించారు. ఇంకా ప్రమోషన్‌ కూడా స్టార్ట్ చేయని ఈ సినిమాను రెండు భారీ చిత్రాలతో పాటు రిలీజ్ చేయాలని నిర్ణయించటంతో ఇండస్ట్రీ జనాలు కూడా షాక్ అవుతున్నారు.
నెరు మాలీవుడ్‌లో మాత్రమే రిలీజ్ చేసినా.. అక్కడ కూడా డంకీ, సలార్ కలెక్షన్లపై ప్రభావం చూపే ఛాన్స్ ఉంటుందని, థియేటర్లు దొరకడం కష్టమేనని అంటున్నారు డిస్ట్రిబ్యూటర్లు. మోహన్లాల్, జీతూ జోసెఫ్ కాంబినేషన్‌లో ఇప్పటి వరకు మూడు సినిమాలు వచ్చాయి. ఇందులో దృశ్యం, దృశ్యం 2 సూపర్ హిట్ కాగా, 12th Man దారుణంగా ఫెయిల్ అయ్యింది. అయినా మరోసారి జీతూకి ఛాన్స్ ఇచ్చారు మోహన్లాల్.