Tollywood: అందానికి ప్రతిరూపం.. నటనకు మరో రూపం.. తెలుగువారి మనసు గెలిచిన హీరోయిన్..
సోషల్ మీడియా ప్రపంచంలో ఇప్పుడు ఓ అమ్మాయి ఫోటో అందరిని కట్టిపడేస్తుంది. అందమైన రూపంతో చీరకట్టులో నెటిజన్లను ముగ్దులను చేస్తుంది. ఆమె ఒకప్పుడు దక్షిణాది చిత్రపరిశ్రమలో స్టార్ హీరోయిన్. అందం, అభినయంతో తెలుగు వారి మనసులను గెలిచిన ముద్దుగుమ్మ. ఇంతకీ ఆమె ఎవరంటే..
ఒకప్పుడు దక్షిణాదిలో టాప్ హీరోయిన్. తెలుగు, తమిళం, మలయాళంలో ఎన్నో సూపర్ హిట్ చిత్రాల్లో నటించి మెప్పించింది. ఆమె తెలుగు ప్రేక్షకులకు ఇష్టమైన హీరోయిన్. గ్లామర్ షోలకు దూరంగా ఉంటూ సంప్రదాయానికి పట్టుచీర కట్టినట్లుగా ఉంటుంది.
ఆమె మరెవరో కాదండి.. హీరోయిన్ స్నేహ. 2000లో ఇంగనే ఒరు నీలబక్షి అనే మలయాళ సినిమాతో సినీరంగ ప్రవేశం చేసింది. ఆ తర్వాత తమిళంలో మాధవన్ సరసన ఎన్నవలే అనే చిత్రంలో నటించింది. తర్వాత అనేక చిత్రాల్లో నటించింది.
మ్యాచో స్టార్ గోపిచంద్ నటించిన తొలివలపు సినిమాతో వెండితెరకు పరిచయమయ్యింది స్నేహ. ఆ తర్వాత తరుణ్ సరసన ప్రియమైన నీకు సినిమాతో సూపర్ హిట్ అందుకుంది. ఆ తర్వాత తెలుగులో శ్రీరామదాసు, రాధాగోపాలం, సంక్రాంతి వంటి హిట్ చిత్రాల్లో నటించింది.
ఆ తర్వాత కెరీర్ మంచి ఫాంలో ఉండగానే.. తమిళ్ హీరో ప్రసన్నను వివాహం చేసుకుంది. వీరిద్దరి పెళ్లి 2012లో జరిగింది. వివాహం తర్వాత సినిమాలకు దూరంగా ఉండిపోయింది స్నేహ. ఈ దంపతులకు బాబు, పాప ఉన్నారు.
చాలా కాలం తర్వాత సినిమాల్లోకి రీఎంట్రీ ఇచ్చింది స్నేహ. ఇప్పుడిప్పుడే స్టార్ హీరోల చిత్రాల్లో వదినగా, అక్క పాత్రలలో నటిస్తుంది. అలాగే కొన్ని రోజుల క్రితం స్నేహాలయం పేరుతో చీరల బిజినెస్ స్టార్ట్ చేసింది.