Jr.NTR: తస్సాదియ్యా.. ఇది క్రేజీ కాంబో అంటే.. ఎన్టీఆర్ సరసన బాలీవుడ్ టాప్ హీరోయిన్..
యంగ్ టైగర్ ఎన్టీఆర్ సినిమాల కోసం ఫ్యాన్స్ ఎంతో ఆసక్తిగా ఎదురుచూస్తున్నారు. చివరగా దేవర సినిమాతో బ్లాక్ బస్టర్ హిట్ అందుకున్న తారక్.. ప్రస్తుతం వరుస సినిమాలతో బిజీగా ఉన్నారు. వార్ 2, దేవర 2, డ్రాగన్ చిత్రాల్లో నటిస్తున్నారు. త్వరలోనే ఈ సినిమాలు అడియన్స్ ముందుకు రానున్నాయి.
Ntr, Prashant Neel
- యంగ్ టైగర్ ఎన్టీఆర్, డైరెక్టర్ ప్రశాంత్ నీల్ కాంబోలో ఓ మూవీ రూపొందుతున్న సంగతి తెలిసిందే. దేవర తర్వాత తారక్ నటిస్తున్న ఈ మూవీపై ఇప్పటికే భారీ హైప్ నెలకొంది. ఈ చిత్రాన్ని పక్కా మాస్ యాక్షన్ డ్రామాగా తీసుకురానున్నారట.
- ఇందులో తారక్ సరసన కన్నడ బ్యూటీ రుక్మిణి వసంత్ కథానాయికగా నటిస్తుందని సమాచారం. తాజాగా ఈ ప్రాజెక్ట్ కోసం బాలీవుడ్ హీరోయిన్ సైతం ఎంపిక చేశారట. ఆమె మరెవరో కాదు.. శ్రద్ధా కపూర్.
- ఈ సినిమాలో హీరోయిన్ శ్రద్ధా కపూర్ ఓ కీలకపాత్రలో కనిపించనుందని.. అలాగే తారక్, శ్రద్ధా మధ్య ఓ సాంగ్ కూడా ఉండనుందని తెలుస్తోంది. ఇప్పటికే ఆమెతో చర్చలు జరిపిందుకు మేకర్స్ ప్రయత్నిస్తున్నారట.
- ఈ సినిమాలో ఆమె పాత్ర కథకు అనుగుణంగా సెకండ్ ఆఫ్ లో వస్తుందని సమాచారం. అయితే ఇప్పుడు ఫిల్మ్ వర్గాల్లో వినిపిస్తున్న ఈ వార్తలలో ఎంతవరకు నిజముంది అనేది తెలియాల్సి ఉంది.
- శ్రద్ధా కపూర్ గతంలో ప్రభాస్ సరసన సాహో చిత్రంలో నటించింది. ఈ మూవీకి పాజిటివ్ టాక్ వచ్చింది. కానీ ఈ సినిమా తర్వాత తెలుగులో శ్రద్ధా కపూర్ మరో సినిమా చేయలేదు.