హీరోయిన్ ఓరియంటెడ్ సినిమాలకు సపోర్ట్ చేయడానికి ముందుకొచ్చే హీరోలకు ఎప్పుడూ స్పెషల్ అప్లాజ్ అందుతూనే ఉంటుంది. మన దగ్గర ఇలాంటి స్టార్ హీరోల సంఖ్య అటూ ఇటూ ఉన్నప్పటికీ, నార్త్ లో మాత్రం వరుసగా ఈ తరహా సినిమాలు కనిపిస్తూనే ఉన్నాయి.
స్త్రీ2 సక్సెస్ని చూసిన వాళ్లందరూ ఇది కదా... సిసలైన సక్సెస్ అని పొగుడుతున్నారు. బాలీవుడ్కి ఇన్నాళ్లకు పర్ఫెక్ట్ సక్సెస్ వచ్చిందని అనుకుంటున్నారు. శ్రద్ధాకపూర్ నటించిన ఈ సినిమాను చూసిన వారందరూ ఆ ఇద్దరు హీరోలను కూడా మెచ్చుకుంటున్నారు.
స్త్రీ2లో వరుణ్ధావన్ కేమియో రోల్ గురించి అందరూ మాట్లాడుకున్నారు. తీరా సినిమా చూశాక అక్షయ్కుమార్ అప్పియరెన్స్ ని కూడా పొగడ్తలతో ముంచెత్తుతున్నారు.
త్వరలోనే ఆలియాకు సపోర్ట్ చేయబోయే హృతిక్ రోషన్ గురించి కూడా గొప్పగా చెప్పుకుంటున్నారు. ఆలియాభట్, శార్వరీ కీలక పాత్రల్లో నటిస్తున్న సినిమా ఆల్ఫా. ఈ సినిమాలో ఆలియాభట్ గురువుగా కనిపించడానికి హృతిక్ రోషన్ ఓకే చెప్పినట్టు సమాచారం.
ప్రస్తుతం హృతిక్, తారక్ నటిస్తున్న వార్2 షూటింగ్ జరుగుతోంది. ఈ గ్యాప్లో ఆల్ఫాకి కాల్షీట్ కేటాయించారట హృతిక్. బాలీవుడ్లో మొదలైన ఈ కల్చర్ టాలీవుడ్కి కూడా స్ప్రెడ్ అయితే, మరిన్ని కొత్త తరహా కథలు ప్రాణం పోసుకునే అవకాశం ఉంటుందంటున్నారు క్రిటిక్స్.