ఇప్పుడున్న హీరోల్లో అతనంటే నాకు చాలా ఇష్టం.. మనసులో మాట బయట పెట్టిన స్నేహ

సౌందర్య తర్వాత అంత గుర్తింపు తెచ్చుకున్న నటి ఎవరు అంటే టక్కున చెప్పే పేరు స్నేహ.. తెలుగు తమిళ్ భాషల్లో సినిమాలు చేసి ఎంతో మంది అభిమానులను సొంతం చేసుకుంది ఈ ముద్దుగుమ్మ. స్నేహను ఇష్టపడని వారు ఎవరూ ఉండరు అనడంలో అతిశయోక్తి లేదు.

Sneha

: సౌందర్య తర్వాత అంత గుర్తింపు తెచ్చుకున్న నటి ఎవరు అంటే టక్కున చెప్పే పేరు స్నేహ.. తెలుగు తమిళ్ భాషల్లో సినిమాలు చేసి ఎంతో మంది అభిమానులను సొంతం చేసుకుంది ఈ ముద్దుగుమ్మ. స్నేహను ఇష్టపడని వారు ఎవరూ ఉండరు అనడంలో అతిశయోక్తి లేదు. స్నేహ అసలు పేరు సుహాసిని. తెలుగులో ఈ భామ ఎన్నో సూపర్ హిట్ సినిమాల్లో నటించింది.

: తెలుగులో తొలివలపు అనే సినిమాతో పరిచయం అయ్యింది స్నేహ. ఈ సినిమాలో గోపిచంద్ హీరోగా నటించాడు. ఆ తర్వాత వచ్చిన తరుణ్ ప్రియమైన నీకు సినిమా సూపర్ హిట్ గా నిలిచింది ఆతర్వాత వరుసగా సినిమాలు చేసింది. తెలుగుతో పాటు తమిళ్ లోనూ నటించి మెప్పించింది. చూడచక్కని రూపంతో పాటు అద్భుతమైన నటనతోనూ ఆకట్టుంది స్నేహ.

: తెలుగులో వరుసగా హనుమాన్ జంక్షన్, శ్రీరామదాసు, మహారధి, మధుమాసం, సంక్రాంతి, వెంకీ, ఏవండోయ్ శ్రీవారు, పాండురంగడు లాంటి సినిమాల్లో నటించి ఆకట్టుకుంది. ఆతర్వాత గ్యాప్ ఇచ్చిన స్నేహ ఈ మధ్యకాలంలో సహాయక పాత్రల్లో నటిస్తుంది. అల్లు అర్జున్ హీరోగా నటించిన సన్ ఆఫ్ సత్యమూర్తి, రామ్ చరణ్ హీరోగా చేసిన వినయ విధయ రామ సినిమాల్లో సహయక పాత్రల్లో మెరిసింది

: అలాగే తమిళ్ లో దళపతి విజయ్ హీరోగా నటించిన గోట్ సినిమాలో ఆయన భార్యగా చేసి ఆకట్టుకుంది. స్నేహ తమిళ్ లోనూ చాలా మంది స్టార్ హీరోలతో సినిమాలు చేసింది. విజయ్, అజిత్, కమల్, సూర్య, ప్రశాంత్, ధనుష్ లతో నటించింది. ముఖ్యంగా దళపతి విజయ్, అజిత్ లతో ఆమె సూపర్ హిట్ సినిమాలు చేసి ప్రేక్షకులను ఆకట్టుకున్నారు.

: గతంలో స్నేహ ఓ ఇంటర్వ్యూలో మాట్లాడుతూ తన అభిమాన హీరో ఎవరు అనే ప్రశ్నకు సమాధానం చెప్పారు. స్నేహ మాట్లాడుతూ.. తనకు స్టార్ హీరో అజిత్ కుమార్ అంటే ఇష్టమని అన్నారు. అజిత్ తో కలిసి నటించడం తనకు ఎంతో సంతోషాన్నిచిందని ఆమె పేర్కొన్నారు. ఇక స్నేహ ప్రస్తుతం ఆచితూచి సినిమాలు చేస్తున్నారు. నటనకు ప్రదాన్యత పాత్రలను ఎంచుకుంటున్నారు.