Ashika Ranganath: వెండితెరపై కన్నడ సోయగం మాయ చేయబోతుందా ?.. ‘అమిగోస్’ గురించి ఆషికా రంగనాథ్ చెబుతున్న ముచ్చట్లు..
ఇటీవల బింబిసార సినిమాతో బ్లాక్ బస్టర్ హిట్ అందుకున్నారు నందమూరి కళ్యాణ్ రామ్. ఇప్పుడు ఆయన నటిస్తోన్న మరో చిత్రం అమిగోస్. ఇందులో కన్నడ బ్యూటీ ఆషికా రంగనాథ్ కథానాయికగా నటిస్తోంది. ఈ సినిమాతోనే తెలుగు తెరకు పరిచయం కాబోతుంది.
ఇటీవల బింబిసార సినిమాతో బ్లాక్ బస్టర్ హిట్ అందుకున్నారు నందమూరి కళ్యాణ్ రామ్. ఇప్పుడు ఆయన నటిస్తోన్న మరో చిత్రం అమిగోస్. ఇందులో కన్నడ బ్యూటీ ఆషికా రంగనాథ్ కథానాయికగా నటిస్తోంది. ఈ సినిమాతోనే తెలుగు తెరకు పరిచయం కాబోతుంది.
టాలీవుడ్‌, శాండిల్‌వుడ్‌కి వ‌ర్క్ ఎన్విరాన్‌మెంట్ పరంగా పెద్ద‌గా తేడా లేదు. భాష మాత్ర‌మే వ్య‌త్యాసం. అయితే తెలుగులో మాత్రం ప్ర‌మోష‌న్స్ చాలా బాగా చేస్తారు. మంచి ప్లానింగ్‌తో ముందు కెళ‌తారు’’ అని అంటున్నారు హీరోయిన్ ఆషికా రంగనాథ్.
ఫిబ్రవరి 17న అమిగోస్ చిత్రం విడుదల కానుంది. ఈ చిత్ర ప్రచార కార్యక్రమాల్లో భాగంగా తన కెరీర్ గురించి చెప్పుకొచ్చింది. చిన్న‌ప్పట్నుంచి తెలుగు సినిమాలు, పాట‌లు వినేదాన్ని దాని వల్ల తెలుగు అర్థ‌మ‌య్యేది. ఇప్పుడు వ‌ర్క్ చేస్తున్నాను. దాని వల్ల నేర్చుకోవ‌టానికి అవ‌కాశం వ‌చ్చింది. తెలుగు ఇప్పుడిప్పుడే నేర్చుకుంటున్నాను సినిమాలో డైలాగులు చెప్పడం వల్ల కాస్త నేర్చుకోగలుగుతున్నాను అన్నారు.
నాకు తెలుగు ఇండస్ట్రీ నుంచి కొన్ని ఆఫర్లు వచ్చాయి అయితే ఆ సమయంలో నాకు కాల్చిట్స్ అడ్జస్ట్ కాకపోవడం ఇలాంటి విషయాలన్నీటి వలన నేను తెలుగులో సినిమాలు చేయడం కాస్త ఆలస్యమైంది.
‘అమిగోస్’ సినిమా కోసం ముందు ఇంకో హీరోయిన్ ని తీసుకున్నామని చెప్పారు కానీ నేను బెంగళూరు వెళ్ళిన తర్వాత మా మేనేజర్ ఫోన్ చేశారు. సినిమా గురించి చెప్పారు. ఎందుకు వాళ్ళు ఇంకో అమ్మాయిని తీసుకున్నామని చెప్పారే అని అన్నాను. దానికి తను ఆ వివ‌రాలు తెలియ‌వు అన్నారు. అప్పుడు నేను డైరెక్ట‌ర్ రాజేందర్ రెడ్డిగారు చెప్పిన క‌థ‌ను ఫోన్‌లోనే విన్నాను. సినిమాలో హీరో మూడు పాత్ర‌లు చేయ‌టం.. నా పాత్ర‌ను మ‌లిచిన తీరు అన్ని న‌చ్చ‌డంతో సినిమాకు ఓకే చెప్పేశాను. అలా ఈ ప్రాజెక్టు ఓకే అయింది.
తెలుగులో ఇత‌ర సినిమాల్లో న‌టించ‌మ‌ని అవ‌కాశాలు వ‌స్తున్నాయి. అయితే ‘అమిగోస్’ సినిమా రిలీజ్ కోసం వెయిట్ చేస్తున్నాను. దీని తర్వాత మంచి పాత్ర‌ల‌నిపించిన సినిమాల్లో న‌టిస్తాను.
తెలుగు ఆడియెన్స్ గొప్ప మ‌న‌సున్నవారు. ఇక్కడ కన్నడ ప‌రిశ్ర‌మ‌కు చెందిన న‌టీన‌టులు చాలా మంది రాణిస్తున్నారు. హీరోయిన్సే కాదు.. కిచ్చా సుదీప్‌, ధ‌నంజ‌య్‌, దునియా విజ‌య్, య‌ష్‌.. స‌హా చాలా మందిని తెలుగు ప్రేక్ష‌కులు బాగా ఆదరిస్తున్నారు. నన్ను కూడా అలాగే ఆద‌రిస్తార‌నే న‌మ్మ‌కంతో ఎదురు చూస్తున్నాను. అన్నారు.
వెండితెరపై కన్నడ సోయగం మాయ చేయబోతుందా ?.. 'అమిగోస్' గురించి ఆషికా రంగనాథ్ చెబుతున్న ముచ్చట్లు..