Benefits of Amla: ఉసిరి- ఆరోగ్య సిరి..! రోజుకు ఒకటి తింటే ఇన్ని లాభాలా..? ముఖ్యంగా ఆడవారిలో..
ఉసిరి చేసే మేలుకు అంతు లేనిది. ఇందులో శరీరాన్ని ఆరోగ్యంగా ఉంచడంలో సహాయపడే యాంటీ ఆక్సిడెంట్లు పుష్కలంగా ఉంటాయి. ఇందులో విటమిన్ సి కూడా ఉంటుంది. ఇది రోగనిరోధక శక్తిని పెంచడానికి సహాయపడుతుంది. శీతాకాలంలో ప్రజల రోగనిరోధక శక్తి తగ్గుతుంది. అందుకే చలికాలంలో రోజూ ఉసిరికాయ తినడం వల్ల రోగనిరోధక శక్తి పెరుగుతుంది. ఇది కాకుండా ఉసిరి ఒత్తిడిని తగ్గించడంలో సహాయపడుతుంది. చర్మాన్ని మృదువుగా, కాంతివంతంగా ఉంచడంలో ఉసిరికి మించింది లేదు.
గుండె సమస్యలకు పరిష్కారం కూడా ఈ ఉసిరిలో దాగి ఉంది. ఈ పండు హృదయాన్ని ఆరోగ్యంగా, సజీవంగా ఉంచడంలో సహాయపడుతుంది. ఇది కాకుండా, కొలెస్ట్రాల్‌ను నియంత్రించడంలో సహాయపడుతుంది. అంతేకాకుండా మధుమేహ వ్యాధిగ్రస్తులు ఉసిరికాయ తినాలని నిపుణులు సూచిస్తున్నారు. ఎందుకంటే ఇది చక్కెరను అదుపులో ఉంచుతుంది.
ఉసిరికాయ జీర్ణశక్తిని పెంచడానికి కూడా సహాయపడుతుంది. మలబద్ధకం సమస్య ఉన్నవారు ఉసిరికాయను క్రమం తప్పకుండా తినాలని నిపుణులు సిఫార్సు చేస్తున్నారు. ఆమ్లాలో యాంటీ ఆక్సిడెంట్లు ఉంటాయి. ఇవి చర్మంపై నల్ల మచ్చలను తొలగించడంలో సహాయపడతాయి. మొటిమల సమస్యలను నయం చేయడంలో కూడా ఉసిరి ముఖ్యపాత్ర పోషిస్తుంది.
ఉసిరిలో విటమిన్- సి ఎక్కువ ఉంటుంది. దీనివల్ల మ‌న రోగ నిరోధ‌క శక్తి పెర‌గ‌డ‌మే కాకుండా చ‌ర్మం ఆరోగ్యంగా ఉండేందుకు తోడ్ప‌డుతుంది. మ‌న శ‌రీరానికి హాని చేసే ఫ్రీ రాడిక‌ల్స్, ఇత‌ర క‌ణాల్ని తొలగించడంలో ఉసిరి సాయపడుతుంది. శరీరం లోపల జ‌రిగే న‌ష్టాల నుంచి కోలుకోవ‌డానికి ఉసిరి సాయం చేస్తుంది. ఉసిరికాయ జుట్టుకు కూడా చాలా మంచిది. ఇది జుట్టు మూలాలను బలపరుస్తుంది. డ్రై హెయిర్ సమస్య నుండి ఉపశమనం కలిగిస్తుంది.
ఆహారం తిన్న త‌ర్వాత ఉసిరిని తింటే జీర్ణ సంబంధ‌మైన సమస్యలు దూర‌మ‌వుతాయి. ఉసిరిలో అధిక శాతంలో ఏ-విటమిన్ కూడా ఉండ‌టం వల్ల క‌ళ్ల‌కు మేలు జ‌రుగుతుంది. రోజుకి 20 మిల్లిలీటర్ల ఆమ్లా జ్యూస్ లేదా 1-2 టేబుల్ స్పూన్ల ఎండు ఉసిరిని తీసుకోవ‌చ్చు. ముఖ్యంగా పిల్ల‌ల చేత ఉసిరిని తినిపించ‌డం వల్ల చలికాలంలో వ‌చ్చే జ‌లుబు, ద‌గ్గు లాంటి సమస్యలు రాకుండా నివారించ‌వ‌చ్చు.
ఉసిరిలో యాంటీ బాక్టీరియ‌ల్‌, యాంటీ ఇన్‌ఫ్ల‌మేట‌రీ మిశ్ర‌మాలుంటాయి. మహిళల్లో ఎదురయ్యే నెల‌స‌రి సమస్యలు త‌గ్గించ‌డం, ప్ర‌త్యుత్ప‌త్తి వ్య‌వ‌స్థ స‌క్ర‌మంగా ప‌నిచేయ‌డంలో ఉసిరి సాయపడుతుంది. రోజూ ఒక ఉసిరి కాయ తింటే క‌ఫం సమస్యలు త‌గ్గుతాయని, ప‌రగ‌డుపున ఒక స్పూను ఉసిరి పొడిని నీళ్ల‌లో క‌లుపుకుని తాగితే ఎన్నో ఆరోగ్య‌ప్ర‌యోజ‌నాలు చేకూరుతాయ‌ని వైద్యులు అంటున్నారు.