Butter Millk With Ginger : రోజూ మధ్యాహ్నం మజ్జిగలో అల్లం రసం కలిపి తాగండి..శరీరంలో ఒక మిరాకిలే…?
రోజూ మజ్జిగ తాగేవారికి అనారోగ్యం ఉండదు.. దాని వల్ల నయమయ్యే వ్యాధులు ఎప్పటికీ తిరిగి రావు. దేవతలకు అమృతం ఉన్నట్లే, మానవులకు మజ్జిగి కూడా అని ఆయుర్వేద వైద్యులు చెబుతున్నారు. మజ్జిగ జీర్ణం కావడం సులభం. మజ్జిగ జీర్ణక్రియను మెరుగుపరుస్తుంది. కఫ, వాత దోషాలను సమతుల్యం చేస్తుంది. కడుపులో మంట, జీర్ణ సమస్యలు, కడుపు సంబంధిత వ్యాధులు, ఆకలి లేకపోవడం, ప్లీహ రుగ్మతలు, రక్తహీనతకు చికిత్స చేయడంలో మజ్జిగా మంచిది. వాత దోషానికి సంబంధించిన సమస్యలకు మజ్జిగ చాలా ప్రయోజనకరంగా ఉంటుంది. అయితే, మజ్జిగలో చెంచా అల్లం రసాన్ని కలిపి తీసుకుంటే చాలా మంచిదని నిపుణులు చెబుతున్నారు. గ్లాసు మజ్జిగలో ఒక టేబుల్ స్పూన్ అల్లం రసం కలుపుకొని తాగితే ఊహించని లాభాలు ఉన్నాయని చెబుతున్నారు. అవేంటో ఇక్కడ చూద్దాం..
మజ్జిగను క్రమం తప్పకుండా తాగడం వల్ల శరీరాన్ని ఆరోగ్యంగా, శక్తివంతంగా ఉంచుతుంది. మజ్జిగలో కొద్దిగా అల్లం రసం కలిపి తాగితే అతిసారం తగ్గుతుంది. ఇందులోని లాక్టోజ్, కార్బోహైడ్రేట్లు రోగ నిరోధక శక్తిని పెంచుతాయి. అల్లం జీర్ణక్రియను మెరుగుపరచడంలో జీవక్రియను పెంచడంలో సహాయపడుతుంది. ఇది బరువు తగ్గడానికి దారితీస్తుంది.
మజ్జిగ కడుపులో మంచి బ్యాక్టీరియాను పెంచడంలో సహాయపడుతుంద. జీర్ణవ్యవస్థను బలోపేతం చేస్తుంది. ఇది అజీర్ణం, గ్యాస్, మలబద్ధకం, ఆమ్లత్వం వంటి సమస్యలను కూడా తగ్గిస్తుంది. ప్రతిరోజూ గ్లాసుడు మజ్జిగలో ఒక స్పూన్ అల్లం రసం కలిపి తాగడం వల్ల కొవ్వు కణాల విచ్ఛిన్నం ప్రక్రియను ప్రోత్సహిస్తుంది. అల్లం యాంటీఆక్సిడెంట్లలో సమృద్ధిగా ఉంటుంది. ఇవి శరీరాన్ని ఫ్రీ రాడికల్స్ వల్ల కలిగే నష్టం నుంచి రక్షిస్తాయి.
మజ్జిగలో కొవ్వు తక్కువగా ఉంటుంది. కేలరీలు తక్కువగా ఉంటాయి. ఇది బరువు తగ్గడానికి సహాయపడుతుంది. మీ రోజువారీ ఆహారంలో మజ్జిగ, అల్లం రసాన్ని చేర్చుకోవడం వల్ల మీ రోగనిరోధక శక్తిని బలోపేతం చేస్తుంది. ఇది సీజనల్ వ్యాధుల నుండి మిమ్మల్ని రక్షిస్తుంది. శరీరంలో వాపును తగ్గించడంలో సహాయపడుతుంది.
మజ్జిగ శరీరాన్ని చల్లబరుస్తుంది. ఆకలిని నియంత్రిస్తుంది. ఆకలి లేని వారు మధ్యాహ్నం గ్లాస్ మజ్జిగలో కొద్దిగా అల్లం రసం, ఉప్పు, కొత్తిమీర కలిపి తాగితే ఫలితం ఉంటుంది.. దీంతో ఆకలి పెరుగుతుంది. అజీర్ణం తగ్గుతుంది. లివర్ ఆరోగ్యం మెరుగు పడుతుంది. మజ్జిగను తాగడం వల్ల శరీరంలో రక్తం బాగా తయారవుతుంది. రక్తహీనత సమస్య నుంచి కూడా బయట పడవచ్చు.
వేసవిలో మజ్జిగ తాగడం వల్ల డీహైడ్రేషన్ నిరోధిస్తుంది. శరీరాన్ని చల్లగా ఉంచుతుంది. ఇందులో ఎలక్ట్రోలైట్లు ఉంటాయి. ఇవి శరీరాన్ని హైడ్రేట్ గా ఉంచుతాయి. అలసట నుండి ఉపశమనం కలిగిస్తాయి. మజ్జిగలోని ప్రోబయోటిక్స్ (మంచి బ్యాక్టీరియా) శరీర రోగనిరోధక శక్తిని పెంచుతాయి. మజ్జిగ కడుపు ఆమ్లాన్ని నియంత్రిస్తుంది. ఆమ్లత్వం, అల్సర్లను తగ్గిస్తుంది.