Vehicle Fuel Tank: వేసవిలో మీ వాహనంలో పెట్రోల్‌ను ఫుల్‌ ట్యాంక్ చేయిస్తున్నారా? ముందుగా ఈ విషయాలు తెలుసుకోండి
వేసవి కాలం కొనసాగుతోంది. ఎండలు మండిపోతున్నాయి. పిల్లల స్కూళ్లకు సెలవులు రానుండటంతో చాలా మంది తమ కుటుంబంతో సహా తమ పిల్లలతో కారులో సెలవులకు వెళ్లేందుకు సిద్ధమవుతున్నారు. మీరు కూడా ఇలాంటివి ప్లాన్ చేస్తుంటే, మీ కార్ ట్యాంక్‌ని నింపే ముందు ఈ విషయాలను తప్పకుండా తెలుసుకోండి. ప్రజలు సుదీర్ఘ వారాంతంలో లేదా కుటుంబం, పిల్లలతో విహారయాత్రకు వెళ్లినప్పుడల్లా..
వేసవి కాలం కొనసాగుతోంది. ఎండలు మండిపోతున్నాయి. పిల్లల స్కూళ్లకు సెలవులు రానుండటంతో చాలా మంది తమ కుటుంబంతో సహా తమ పిల్లలతో కారులో సెలవులకు వెళ్లేందుకు సిద్ధమవుతున్నారు. మీరు కూడా ఇలాంటివి ప్లాన్ చేస్తుంటే, మీ కార్ ట్యాంక్‌ని నింపే ముందు ఈ విషయాలను తప్పకుండా తెలుసుకోండి.
ప్రజలు సుదీర్ఘ వారాంతంలో లేదా కుటుంబం, పిల్లలతో విహారయాత్రకు వెళ్లినప్పుడల్లా, వారు చేసే మొదటి పని వాహనంలోని ఇంధన ట్యాంక్‌ను నింపడం తరచుగా గమనించవచ్చు. మీరు వేసవి సీజన్‌లో వాహనం ఇంధన ట్యాంక్‌ను నింపుతుంటే, మీరు పెద్ద తప్పు చేస్తున్నట్లే.
మీరు వేసవి కాలంలో మీ కారు గానీ, బైక్‌లోగానీ ట్యాంక్‌ను నింపుతుంటే జాగ్రత్తగా ఉండాలి. దీని వల్ల పెట్రోల్, డీజిల్ త్వరగా ఆవిరైపోతుంది. వేసవిలో ఉష్ణోగ్రత గరిష్ట స్థాయికి చేరుకుంటుంది. అటువంటి పరిస్థితిలో మీరు మీ వాహనం ఇంధన ట్యాంక్ నింపినప్పుడు పెట్రోల్, డీజిల్ బాష్పీభవనం ద్వారా ఉత్పత్తి చేయబడిన గ్యాస్ కోసం ఖాళీ స్థలం ఉండదు. కాబట్టి మీరు మీ వాహనంలో ఇంధనాన్ని నింపిన ప్రతిసారీ ట్యాంక్‌ను 10 శాతం ఖాళీగా ఉంచాలని ఆటో నిపుణులు చెబుతున్నారు.
మీరు ధూమపానం చేస్తే ఇది మీకు చాలా ముఖ్యం. ధూమపానం చేసే వ్యక్తులు తరచుగా కారులో లైటర్‌ను ఉంచుతారు. చాలా మంది పెర్ఫ్యూమ్ కూడా ఉంచుతారు. వేసవి కాలంలో మీరు ఈ రెండు వస్తువులను కారులో ఉంచినట్లయితే ప్రమాదమేనంటున్నారు. వేసవిలో కారు లోపల గాలి మార్గం లేకపోవడం వల్ల, లైటర్లు, పెర్ఫ్యూమ్ బాటిళ్లు వేడెక్కి పగిలిపోతాయని, దీని కారణంగా మీ కారు మంటలను అంటుకునే అవకాశం ఉంది.
మీరు మీ కారును పార్క్ చేసినప్పుడల్లా పూర్తిగా నీడలో పార్క్ చేయడానికి ప్రయత్నించండి. ఇది సాధ్యం కాకపోతే 60 నుంచి 70 శాతం వాహనం షెడ్డులోనే ఉండాలి. ఇది మీకు మూడు రెట్లు ప్రయోజనం చేకూరుస్తుంది. మొదటి ప్రయోజనం ఏమిటంటే, బలమైన సూర్యకాంతి కారణంగా కారు రంగు దెబ్బతినదు. మీరు కారులో కూర్చున్నప్పుడు తక్కువ వేడి అనుభూతి చెందడం మరో విశేషం. మూడవ ప్రయోజనం ఏమిటంటే కారులో AC ఉపయోగించినప్పుడు అది తక్కువ లోడ్ పడుతుంది.
వేసవిలో రహదారి కూడా చాలా వేడిగా ఉంటుంది. అటువంటి పరిస్థితిలో కారు దాని మీదుగా నడిపినప్పుడు వేడి కారణంగా టైర్లో గాలి ఒత్తిడి పెరుగుతుంది. ఇది కారు సురక్షితంగా, అసౌకర్యంగా ఉంటుంది. అందుకే వేసవిలో ఎక్కువ దూరం ప్రయాణించేటప్పుడు టైర్ ప్రెజర్ తక్కువగా ఉంచండి. నైట్రోజన్ వాయువు మంచి ఎంపిక అని చాలా మంది అనుకుంటారు. కానీ అది మంచిదని ఎటువంటి ఆధారాలు లేవు. కాబట్టి సాధారణ గాలి కూడా మంచిది.