Upcoming Cars 2023: విడుదల అయ్యేందుకు సిద్ధమవుతున్న టాప్ 7 ఎస్‌యూవీలు.. మారుతి సుజుకి నుంచి టాటా వరకు..
Upcoming Cars 2023: గత కొంత కాలంలో భారతదేశంలో SUV కార్లకు క్రమక్రమంగా డిమాండ్ పెరిగింది. ఈ నేపథ్యంలోనే మారుతీ, టాటా, హోండా వంటి పలు ఆటో కంపెనీలు తమ కొత్త ఎస్‌యూవీలను భారత్‌లో విడుదల చేసేందుకు సిద్ధమవుతున్నాయి. మరి ఈ సంవత్సరంలోనే అతి త్వరలో భారత్ మార్కెట్‌లోకి రాబోతున్న ఎస్‌యూవీలేమిటో ఇప్పుడు చూద్దాం..
Maruti Suzuki Invicto: మారుతి సుజుకి నుంచి రూ. 20 లక్షల కంటే ఎక్కువ ధరతో వస్తున్న మొదటి కారు ఇదే. టయోటా ఇన్నోవా హైక్రాస్ ఆధారంగా ఈ ఎమ్‌పీవీ కారును మారుతి సుజుకి త్వరలో విడుదల చేయవచ్చు. ఈ కారులో దృఢమైన హైబ్రిడ్ ఇంజన్ సపోర్ట్ ఉంటుంది. రూ. 25,000 నుంచి మీరు ఇప్పుడే బుక్ చేసుకోవచ్చు.
1 / 7
Honda Elevate: హోండా కంపెనీ ఇటీవల ఎలివేట్‌ను ఆవిష్కరించిన సంగతి తెలిసిందే. ఇది హ్యుందాయ్ క్రెటా, కియా సెల్టోస్ వంటి ఇతర SUVలతో పోటీపడేందుకు మార్కెట్‌లోకి త్వరలో రాబోతుంది. హోండా లైనప్‌లో చాలా తక్కువ కార్లు ఉన్న నేపథ్యంలో ఈ కారుపై చాలా అంచనాలు ఉన్నాయి.
2 / 7
Hyundai Exter: హ్యుందాయ్ కంపెనీ తన కొత్త మైక్రో-ఎస్‌యూవీ ఎక్స్‌టర్‌ను భారత మార్కెట్‌లోకి జూలై 10న విడుదల చేయబోతుంది. ఇది దేశంలోని ప్రముఖ మైక్రో-ఎస్‌యూవీ అయిన టాటా పంచ్‌తో పోటీపడేందుకు సిద్ధంగా ఉంది. 1.2-లీటర్ కప్పా పెట్రోల్ ఇంజన్‌తో పనిచేయనున్న ఈ ఎక్స్‌టర్ 6 ఎయిర్‌బ్యాగ్‌లతో రాబోతుంది. ఇక ఈ ఎస్‌యూవీ బుకింగ్ ఇప్పటికే ప్రారంభమయింది.
3 / 7
Citroen C3 Aircross: సిట్రోయెన్ ఆటో కంపెనీ నెమ్మదిగా భారత్‌లో పాగా చేయడానికి అడుగులు వేస్తోంది. ఇప్పటికే C3 మోడల్‌ని విడుదల చేసిన ఈ కంపెనీ ఇప్పుడు ఎయిర్‌క్రాస్ వెర్షన్‌ను పరిచయం చేయబోతుంది. సీ3 ఎయిర్‌క్రాస్ మోడల్ ఇప్పటికే యూరోపియన్ మార్కెట్‌లో సంచలనం సృష్టించింది. ఈ క్రమంలోనే భారత్‌లో కూడా విడుదల అయ్యేందుకు సిద్ధంగా ఉంది.
4 / 7
Kia Seltos Facelift: భారత్‌లో అత్యధిక సంఖ్యలో కార్లను విక్రయిస్తున్న ఆటో కంపెనీలలో కియా సెల్టోస్ కంపెనీ కూడా ఒకటి. ఈ నేపథ్యంలోనే తన మార్కె‌ట్‌ను మరింత పెంచుకోవాలనే దిశగా ఫేస్‌లిఫ్ట్ వెర్షన్‌ను పరిచయం చేయడానికి సన్నాహాలు చేస్తోంది కియా సెల్టోస్. గ్లోబల్ మార్కెట్‌లో సెల్టోస్ ఫేస్‌లిఫ్ట్ ఇప్పటికే విడుదలైంది. త్వరలో భారత్‌లోకి కూడా రాబోతుంది.
5 / 7
Tata Harrier Facelift: భారతదేశంలో అత్యధికంగా అమ్ముడైన మిడ్-సైజ్ SUVలో టాటా హారియర్ కూడా ఉంది. ఈ నేపథ్యంలో తన ప్రజాదరణను మరింతగా ఉపయోగించుకోవడానికి హారియర్ ఫేస్‌లిఫ్ట్ వెర్షన్ కూడా త్వరలో రాబోతుంది.
6 / 7
Tata Safari Facelift: టాటా కంపెనీ హారియర్‌తో పాటు సఫారి SUVకి కూడా ఫేస్‌లిఫ్ట్ వెర్షన్‌ను తీసుకొస్తుతుంది. సఫారి ఫేస్‌లిఫ్ట్ వెర్షన్‌ను సరికొత్త ఫీచర్లు, ADAS టెక్నాలజీతో వచ్చే అవకాశం ఉంది. 1.5 లీటర్ 4 సిలిండర్ టర్బోచార్జ్డ్ పెట్రోల్ ఇంజన్‌తో రావచ్చనే అంచనాలు ఉన్నాయి.
