Lucid Air Car: ఒక్క ఛార్జ్‌తో 840 కిలోమీటర్ల ప్రయాణం.. ఈ కారు ధర ఎంతో తెలిస్తే షాక్ అవ్వాల్సిందే!
దిగ్గజ ఆటోమొబైల్ కంపెనీలు.. వారానికో కొత్త ఎలక్ట్రిక్ కారును మార్కెట్‌లోకి తీసుకొస్తున్నాయి. ఇలా వచ్చిన 'లూసిడ్ ఎయిర్ ఎలక్ట్రిక్ సెడాన్ కారు'...
రోజురోజుకూ పెట్రోల్, డీజిల్ ధరలు పెరిగిపోవడంతో ప్రజలందరూ కూడా ఎలక్ట్రిక్ వాహనాల వైపు మొగ్గు చూపుతున్నారు. దీనితో ప్రపంచవ్యాప్తంగా ఎలక్ట్రిక్ వాహనాల అమ్మకాలు జోరందుకున్నాయి.
ఈ క్రమంలోనే దిగ్గజ ఆటోమొబైల్ కంపెనీలు.. వారానికో కొత్త ఎలక్ట్రిక్ కారును మార్కెట్‌లోకి తీసుకొస్తున్నాయి. ఇలా వచ్చిన 'లూసిడ్ ఎయిర్ ఎలక్ట్రిక్ సెడాన్ కారు' తాజాగా "కార్ ఆఫ్ ది ఇయర్" అవార్డును గెలుచుకుంది. ఆ కారు ప్రత్యేకతలు ఇప్పుడు తెలుసుకుందాం..
ఈ ఎలక్ట్రిక్ సెడాన్ కారు ఒక్కసారి ఛార్జ్ చేస్తే సుమారు 840 కిలోమీటర్ల వరకు ప్రయాణం చేయవచ్చు. ఈ కారు పనితీరు ట్రేడ్ విశ్లేషకులను ఆశ్చర్యపరిచింది. 1100 హార్స్ పవర్ ఉత్పత్తి చేసే ఈ కారు కేవలం 20 నిమిషాల ఛార్జింగ్‌తో 482 కిలోమీటర్లు వెళ్తుంది. ఈ కారులో అల్ట్రా ఫాస్ట్ ఛార్జింగ్‌ను ఏర్పాటు చేశారు.
ఈ కారులో 113 కేడబ్ల్యూహెచ్ బ్యాటరీని అమర్చగా.. ఇది 2.7 సెకన్లకు 100 కి.మీ వేగాన్ని అందుకుంటుంది. ఇదిలా ఉంటే ఈ కారు ధర సుమారు 77,400 డాలర్లుగా సంస్థ నిర్ణయించింది.